Rangtasvirda natyurmort janri

N
AMANGAN VILOYATI XALQ TA’LIMI BOSHQARMASI NORIN TUMAN XALQ TA’LIMI BO`LIMIGA QARASHLI

1
0 -UMUMIY O`RTA TA’LIM MAKTABI CHIZMACHILIK VA TASVIRIY SAN’AT FANI O`QITUVCHISI DASTAMOVA FERUZANING TASVIRIY SAN’AT FANIDAN 5-SINF O`QUVCHILARI UCHUN “RANGTASVIRDA NATYURMORT JANRI” MAVZUSIDA TAYYORLAGAN BIR SOATLIK

Dars mavzusi:Rangtasvirda natyurmort janri.

Darsning maqsadi:

Ta’limiy: O`quvchilarga yangi mavzu bo`yicha tushuncha berish.

Tarbiyaviy: O`quvchilarga vatanparvarlik,mehnatsevarlik,estetik tarbiya berish.

Rivojlantiruvchi: O`quvchilarning dizaynerlik, ijodiy texnik qobiliyatlarini rivojlantirish.

Dars turi: Yangi bilim beruvchi.

Dars metodi: “Jekso”,”Guruhlar bilan ishlash”,”Savol-javob”,”Mosini top”.

Shakllantiriladigan kompetensiyalar:

1.Kommunikativlik.

2.Axborot bilan ishlash.

3.Fanga oid umumiy kompetensiyalar.

Darsning borishi:

Tashkiliy davr:

1.Salomlashish.

2.Xonani tayyorlash ,o`quvchilarning darsga tayyorgarligini nazorat qilish.

3.O`quvchilar davomatini aniqlash.

4.Siyosiy – ma’naviy daqiqa o`tkazish.

O`qituvchi:-O`quvchilar qani aytingchi Prezidentimiz tomonidan qabul qilingan 5 ta muhim tashabbusda nimalar ko`zda tutilgan?

O`quvchilar: -Birinchi tashabbusda o`quvchi yoshlarni musiqa,rassomlik,adabiyot,teatr va san’atning boshqa turlariga qiziqishlarini oshirish;

-Ikkinchi tashabbusda yoshlarni jismoniy chiniqtirish,sport sohasida qobiliyatlarini namoyon qilish;

-Uchinchi tashabbusda aholi va yoshlar o`rtasida kompyuter texnologiyalari va internetdan samarali foydalanishni tashkil etish;

- To`rtinchi tashabbusda yoshlar ma’naviyatini yuksaltirish,ular o`rtasida kitobxonlikni keng targ`ib qilish;

-Beshinchi tashabbusda xotin-qizlarni ish ta’minlash masalalari ko`zda tutilgan.

O`qituvchi:-Juda yaxshi o`quvchilar.Davlatimiz rahbari tomonidan qabul qilingan 5ta muhim tashabbusning birinchisida rassomchilik,tasviriy san’atga aloxida e’tibor qaratilgan

O`qituvchi:O`quvchilar keling bugungi darsimizni musobaqa tarzida tashkil etsakda,guruhlarni ilm – fan,san’at va madaniyat rivojiga katta hissa qo`shgan ajdodlarimiz ismi bilan atasak. Qarshi emasmisiz?-Yaxshi unda birinchi guruh “Kamoliddin Behzod”,ikkinchi guruh “Forobiy”,uchinchi guruh “Beruniy” nomi bilan atalsin.Darsimizga faol qatnashgan har bir guruh a’zolari rag`bat kartochkalarini yig`ib boradi va dars so`ngida kartochkalarni ko`p to`plagan guruh g`olib deb topiladi.

O`tilgan mavzuni mustahkamlash va uy vazifalarini nazorat qilish:

O`tilgan mavzuni mustahkamlash jarayonida “Jekso” metodidan foydalaniladi.

O`qituvchi:-O`quvchilar ushbu pazllarda o`tilgan darsimiz yuzasidan savollar berilgan ushbu savollarga tog`ri javob bersangiz ,pazllar o`z o`rniga joylashadi va bugungi yangi o`tiladigan mavzu nomi kelib chiqadi .

Animalist

Animalistik janr

J.Quttimurodov

P.Mordvinsev

Samarqandda

Toshkentda

Hayvonlar tasvirini ishlovchi rassomlar

Hayvonolar tasviri ishlangan janr -

“Jimlik” asarining muallifi kim?

“Oqqush” asarining muallifi kim?

“Ulug`bek” madrasasi qayerda joylashgan?

“Ko`kaldosh” madrasasi qayerda joylashgan?

O

YANGI MAVZU:

RANGTASVIRDA NATYURMORT JANRI

`qituvchi:-O`quvchilar mana o`tgan darsimizni ham mustahkamlab oldik.-Demak ko`rib turganingizdek bugungi darsimizning yangi mavzusi –“Rangtasvirda natyurmort janri”.

Yangi mavzu bayoni:

Natyurmort – fransuzcha (nature morte) ” jonsiz tabiat” degan ma’noni bildiradi.Natyurmort janrida insoniyat atrofini o`rab turgan narsalar ya’ni meva-chevalar,idish-tovoqlar, uy-ro`zg`or buyumlari, asbob-anjomlar,gullar kabilar chiziladi.

Natyurmort XVII asrning boshlarida Gollandiyada paydo bo`ldi.Ko`plab mamlakatlarga tarqalib,ayniqsa XVIII asrning o`rtasida keng rivojlandi.

Natyurmort mustaqil janr bo`lishi bilan birga ,mavzuli suratlardagi asarlarning mazmunini ochib berishda ko`maklashuvchi,uni to`ldiruvchi vosita bo`lib ham xizmat qiladi.Taniqli rassomlar G`.Abdurahmonovning “Tarvuzli natyurmort” va A.Perrovning “Natyurmort obi nonlar bilan” asarlarida turli mevalar,poliz ekinlaridan qovun va tarvuz,milliy matolar o`ta jozibali tasvirlangan.

Mo`yqalam sohiblari asar mazmunini ochishda iliq sarg`ish- to`q qizil ranglarni atrofidagi yashiltob kabi turli- tuman ranglar bilan uyg`unlashtirib tasvirlashi tufayli suratning o`ta ta’sirchanligiga erishgan.

Natyurmort asarlarini chizish uni komponovka qilish ya’ni joylashtirishdan boshlanadi.Qalam bilan chizib olingandan so`ng uni och ranglar bilan bo`yab chiqiladi.Narsa yoki buyumlardagi och-to`q nisbatlari,soya,yorug` kabilar hisobga olinib ranglar beriladi.

Natyurmort kompozitsiyasi.

Har qanday san’at asarining negizini kompozitsiya tashkil etadi.Kompozitsiya “composito” lotincha so`z bo`lib, tuzish, birlashtirish – turli bo`laklarni bir butun yaxlit biror g`oyaga mos holda birlashtirish ma’nosini bildiradi.

Kompozitsiyaning asosiy talablari yaxlitlik, simmetriya va ritm.Tasodifan terilib qolgan narsalarni natyurmort deb bo`lmaydi.Natyurmort kompozitsiyasining ma’noli va ta’sirchan chiqishi uchun yagona mavzudagi, bir-biriga mos narsalar tabiiy bog`lanishda qo`yilishi kerak.

Yangi mavzuni mustahkamlash.

Ushbu jarayonda “Mosini top “ metodidan foydalanish mumkin.O`quvchilar doskada ilingan savollarga mos javoblarni topadilar.

Savollar:

1-guruh uchun.

1.Natyurmort nima?

2.Natyurmort janri qachon paydo bo`ldi?

2-guruh uchun.

1.Natyurmort janrida ijod qilgan rassomlardan kimlarni bilasiz?

2. Natyurmort janri qachon paydo bo`ldi?

3-guruh uchun.

1.Natyurmort qanday ma’noni bildiradi?

2.Natyurmort kompozitsiyasi nima?

Yakuniy qism.

Guruhlar tomonidan yig`ilgan rag`bat kartochkalari hisoblab chiqiladi g`olib bo`lgan guruh nomi e`lon qilinadi.Boshqa guruhdagi o`quvchilar ham keyingi darslarda shu guruhdagilar kabi faol ishtirok etishlari va albatta g`olib bo`lishlari mumkinligi aytib o`tiladi.

Uyga vazifa.

Darslikdan mavzuni o`qib mustahkamlash,mevalar,uy-ro`zg`or buyumlaridan turli mavzularda kompozitsiyalar tuzish, natyurmort janridagi tasviriy san’at asarlarini kuzatish.

O`qituvchi:-O`quvchilar darsimiz tamom.Hayr salomat bo`ling.