Программа работы для начальных классов хореграфического кружка "Асем-ай" Абдигалиева Айна Омаровна

Түсінік хат

Барлық бастауыш сынып мұғалімдері мен педагогтарына баланың қозғалыс-қимылының, ағзасының дамуы үшін дене тәрбиесі пәнінің рөлінің ерекше орын алатыны белгілі. Олай болса біздің мектебімізде дене тәрбиесі сабағынан басқа – ырғақ жаттығулары үйірмесі қосымша жүргізіледі.

Ырғақ – балалардың  қабылдауын қозғалыс-қимыл арқылы белсендіретін сазды-педагогикалық тәртіп.

Төменгі мектеп жасындағы балалар үшін жүгіру, билеу, секіру, жалпы ойын түрлері маңызды орын алады. Сондықтан балалар бұл сабаққа қызыға қатысады. Ол үшін әр сабақты түрлендіріп өткізу мұғалімнен ізденіс пен шығармашылықты талап етеді.

 Сабақ саны – 34. Ол үш бөлімнен тұрады: аэробика (10-15 минутке есептеледі), хореографиялық бөлім және еркін қимыл қозғалыстары, ол қазіргі әуендермен орындалады. 

Аэробика – арнайы әуен ырғағымен орындалатын жаттығу түрлері.

Сабақтың негізгі бөлігі – хореография, мұнда балалар халық билерінде кездесетін негізгі қимыл-әрекеттерді үйреніп қана қоймай, пластикалық қозғалыстарға жаттығады.

Сабақтың соңында балалардың шығармашылық қабілеттерін дамыту мақсатында әр түрлі әуендерге 10 минут еркін ырғақта билейді.

Ырғақты жаттығулардың  мақсаты - әуен ырғағына ере отырып, өз денелерін еркін қозғалысқа енгізе отрып, жеңіл және күрделі қимылдарды өздегінен орындай алуға машықтандыру.

Бұл мақсатқа жету үшін төмендегі жаттығуларды қолдану қажет:

Есте сақтау,ұқыптылық және қоғамдық ортадағы дамуына;

Қимыл-әрекетінің шапшаңдығына;

Негізгі іс-әрекетті игеруіне: жүру,жүгіру, секіру, жүрудің әр түрлеріне;

Дене ағзасын еркін ұстауына  т.б.

Сонымен қатар бұл сабақтың балалар үшін маңыздылығы сол, баланың танымдық әрекетінің, сұлулық пен көркемдікті сүюіне өз ықпалын тигізеді.

Бағдарламаның мазмұны.

1.Кіріспе - 1 сағат

А)  Ұйымдастыру кезеңі

Б) Қауіпсіздік

В) Топтарға бөлу.

Г)  Би өнерінің  тарихы.

2.Музыкалық-қозғалыс әліппесі - 4 сағат.

А) бас және кеудені тура ұстай ал.

Б) қозғалыстарда - және музыкалық сөздің жалғауын көрсету

В) қозғалыста ең оңай  ырғақты суретте.

3. Ритмика- 4 сағат.

А) музыканың мінезі

Б) музыканың шапшаңдығы

В). Динамиқа

Г) Метроритм.

4. Пантомима- 4 сағат.

А) Ымның негізі

Б) затсыз  әрекеттер.

В) беттің бұлшық етінің жаттығуы.

Г) актерлік ұсталық.

5) би - қимылдарын үйрену - 7 сағат.

А) Қимыл–қозғалыстың үйлестілігін, тепе-теңдікті дамыту. Жеңіл және ырғақты жүгіруге үйрету.

Б) музыкалық-қимылдарды  жаттау.

6) Биді  жаттықтыру – 5 сағат.

 А) «Қаражорға»

 Б) «Ортеке»

 В «Қамажай»

Г) «Бүркіт биі», «Аққу» билері

Д)басқа ұлттардың да би өнерімен танысу

7) Хореография туралы  бейне таспа көру - 2 сағат.

А) " барлық" МРЗ билейміз; халық билер.

Б) DVD «Бізбен бірге биле»

8) Спорт әліппесі - 4сағат.

   Сазды ұлттық ойындар өткізу

9. Концерттік қойылым- 3 сағат.

А) Жаңа жыл мейрамында.

Б) 8 наурыз

В) 22 наурыз.

Г) Жорытынды концерттік бағдарламаға дайындық.

Әдебиеттер

1. Журнал., Советский балет., Москва., 1989.

2. Базарова Н., Мей В., Азбука классического танца., Ленинград., 1994г.

3. Моисеев, Уроки классического танца., Москва., 1984г.

4. Болатбаев Қ., Қосбармақов Е., Еркебай А., Өнер., 10 сынып. Алматы.,

           Мектеп, 2007.- 256 б.

1. Болатбаев Қ., Қосбармақов Е., Еркебай А., Өнер., 11 сынып. Алматы.,

           Мектеп,  2007.-228 б.