WORD – ты? графикалы? м?мкіндіктері

Сынып:8

Сабақтың тақырыбы: «WORD – тың графикалық мүмкіндіктері»

Сабақтың мақсаты:

Білімділік: Оқушылардың пән сауаттылығын арттыру мақсатында WORD – тың графикалық мүмкіндіктерін пайдаланып, жұмыс істеуді меңгерту

Тәрбиелік: Оқушыларды өзін өзі дұрыс ұстауына, ұқыптылыққа, жинақтылыққа тәрбиелеп, информатика пәніне деген қызығушылығын арттыру, техника қауіпсіздігін сақтау

Дамытушылық: Оқушылардың ойлау қабілетін арттыру, оқушыларды өз бетімен жұмыс жасауға баулу

Сабақтың түрі: Жаңа сабақ

Сабақтың әдісі: Аралас сабақ

Сабақтың көрнекіліктері: Компьютер, таратпа материалдар

Сабақ барысы:

1. Ұйымдастыру кезеңі 1 мин

2. Өткен сабақты қайталау 5 мин

3. Жаңа сабақты түсіндіру 15 мин

4. Таратпа материалдармен практикалық жұмыс 15 мин

5. Қорытынды 2 мин

6. Бағалау 1 мин

7. Үйге тапсырма беру 1 мин

1. Ұйымдастыру кезеңі

Оқушылармен амандасып және оларды түгендеп, сабаққа даярлығын тексеремін.

1. Өткен сабақты қайталау

   • WORD мәтіндік редакторы дегеніміз не? (WORD мәтіндік редакторы – мәтіндік құжаттарды жасауға және оларды өңдеуге мүмкіндік беретін MS Office программалық пакетінің программасы)

   • WORD мәтіндік редакторының типі қандай? (doc)

   • WORD мәтіндік редакторының терезесінің элементтерін ата (тақырып жолы, меню жолы, стандартты саймандар қатары, форматтау саймандар қатары, сызғыш және жұмыс аумағы)

   • Ағымдағы жолдан келесі жолға қай пернені басу арқылы түсеміз? (Enter)

   • Курсордың сол жағында тұрған символды қай пернені басу арқылы өшіреміз? (BackSpace)

   • Барлық символдарды бас әріппен жазу үшін қай пернені басамыз? (CapsLock)

   • Тыныс белгілерін жазудың ережесін ата (Әрбір тыныс белгісі символдың соңында жазылады, одан кейін бос орын қалдырылады)

   • Кесте дегеніміз не? (Кесте – жолдар мен бағандардың қиылысуынан тұратын ұяшықтар жиыны)

   • WORD мәтіндік редакторына кестені қалай кірістіреміз? (Таблица – Добавить таблицу командасы арқылы)

   • Ұяшықтарды қалай біріктіреміз және қалай бөлеміз? (Ұяшықтарды белгілеп алып, Объединить ячейки командасы арқылы және Разбить ячейки командасы арқылы)

1. Жаңа сабаққа теориялық материалдар

Бүгінгі біздің өтетін тақырыбымыз – WORD–тың графикалық мүмкіндіктері. WORD-тың графикалық мүмкіндіктеріне мыналар жатады:

• мәтіндік құжатқа графикалық кескіндерді кірістіру;

• фигуралық мәтін кірістіру.

Мәтіндік құжатқа графикалық кескіндерді кірістіру

Word-та мәтінге дайын суретті немесе Paint графикалық редакторында өздерің салған суреттеріңді кірістірудің мүмкіндігі бар.

Егер сендер Paint-та сурет салған болсаңдар, онда оны мәтіндеріңе алмастыру буферінің көмегімен көшірудің сол командаларын пайдаланып, кірістірулеріңе болады. Дайын сурет қорынан алынған суретті кірістіру мысалын қарастырайық.

1. Компьютерлеріңде бар қандай да бір текстік файлды ашыңдар, мәтіннің суретті кірістіргілерің келетін жеріне меңзерді орнатыңдар.

2. Вставка – Рисунок – Картинки командасын орындаңдар.

3. Microsoft Clip Gallery диалогтік терезесінде Картинки қосымшасын және Рисунок категориясын таңдаңдар.

1. Суреттері бар терезе ашылады, таңдалынған суретте тышқанды шертеміз.

2. Вставить батырмасын шертеміз, сонда сурет мәтінге кірістіріледі.

Фигуралық мәтін кірістіру

Мәтіндік құжатқа фигуралық мәтін кірістіру үшін мына командаларды орындаймыз:

1. Меңзерді мәтіннің басына орнатамыз.

2. Вставка – Рисунок – Объект WordArt командасын орындаймыз.

3. Коллекция WordArt диалогтік терезесінде ұнаған қаріп стилінде шертіп, ОК – ді шертеміз.

1. Изменение текста WordArt диалогтік терезесі пайда болады, ондағы Текст надписи өрісінде мәтін енгізіп, ОК – ді шертеміз.

3. Таратпа материалдармен практикалық жұмыс

Таратпа материалдарды әр оқушыға таратып беремін, тапсырмаларды қалай орындағандарын қадағалаймын. Түсінбеген жерлері болса, түсіндіремін.

4. Қорытындылау

1. WORD – тың графикалық мүмкіндіктері қандай әрекеттерді жүзеге асыруға мүмкіндік береді?

2. Мәтіндік құжатқа графикалық кескіндерді кірістіру қалай жүзеге асырылады?

3. Фигуралық мәтінді кірістіру үшін Коллекция WordArt диалогтік терезесін қандай әрекеттерді орындау арқылы экранға шығарамыз?

6. Бағалау

Үйге тапсырма беріп болғаннан кейін, оқушыларды берілген тапсырмаларды қаншалықты деңгейде орындағандарына байланысты бағалаймын.

7. Үйге тапсырма

8-сыныпқа арналған «Информатика» оқулығының 152-бетіндегі тапсырманы келесі сабаққа орындап келу