Word Pad м?тіндік редактор

Абдураимова Рая Акилбековна

Информатика пәнінің оқытушысы

Сабақтың тақырыбы: Word Pad мәтіндік редактор

Сабақтың мақсаты:

Білімділігі: Word Pad редакторымен жұмыс істеуді үйретіп, тақырыптың идеясын ашу. Оқушылардың теориялық білімдерін тапсырмаларды орындау кезінде тиімді пайдалануға үйрету, алдына қойған мақсаттарына жету.

Тәрбиелігі: Сабаққа оқушылардың өз еркімен белсене араласуына, топпен бірге жұмыс істеуге, ұйымшылдыққа, алған білімдерін Жаһандандыру заманына сай жан-жақты дамыған, жаңашыл, әсем тұлға тәрбиелеу

Дамытушылығы: Оқушылардың танымдық белсенділігін арттыра отырып, алған білімдерін өздігінен іс жүзінде қолдана білуге дағдыландыру, ой еңбегін жандандыруға бағыттау. Компьютерлік сауаттылығын қалыптастыру. Логикалық тапсырмалар арқылы оқушылардың ой-өрісін дамыту.

Сабақтың типі: дәстүрлі емес сабақ

Сабақтың түрі: Интерактивті сабақ

Сабақтың әдіс-тәсілдері: сұрақ-жауап, түсіндіру, жаңғырту

(репродуктивный), ойын тәсілі, сәйкестендіру тесті

Жұмыс түрі: дәптермен жұмыс, логикалық тапсырмалар, «Венн» диаграммасы, жеке және топтық жұмыс

Көрнекілігі: Интерактивті тақта, дербес компьютерлер, әр түрлі тапсырмалар, ИНФОБИНГО, Сандық.

Пән аралық байланыс: қазақ тілі, орыс тілі, ағылшын тілі, сурет

Сабақтың мазмұны мен өтілу барысы:

І. Ұйымдастыру кезеңі.

1. Амандасу

2. Оқушылардың ынтасын сабаққа аудару

3. Түгелдеу

4. Психологиялық дайындық

ІІ. Үй тапсырмасын сұрау

«Сиқырлы қалам»

«Сиқырлы қалам» Мұғалім сұрақ қою арқылы кез-келген оқушыға қаламды үстатады.Қаламды алған оқушы сұраққа жауап береді де, әрі қарай келесі оқушыға қаламды тапсырады. Ойын, бастапқыдай жалғасын табады.

Сұрақ Стандартты бағдарламаларды атаңыз.

ІІІ. Жаңа сабақ.

Қазіргі кезде дербес компьютерлерді құжаттар мен мәтінді дайындауда кеңінен пайдаланады. Компьютердегі мәтінді түзетуге, оған мәтін үзінділерін қосуға, мәтіннің шекараларын тегістеуге, жолдарды экран ортасына келтіруге, құжатты сақтап, баспаға қанша дана болса да шығаруға болады. Яғни осыларды жүзеге асыру үшін Word Pad мәтіндік редакторы қолданылады.

Word Pad мәтіндік редакторын іске қосу үшін:

Іске қосу → Бағдарламалар → Стандартты → Word Pad

(Пуск → Программы → Стандартные → Word Pad)

Командалар орындалғаннан кейін, экранға Word Pad мәтіндік редакторының терезесі ашылады. Терезе мынадай элементтерден тұрады: тақырып жолы, меню жолы, стандартты құрал – саймандар тақтасы, пішімдеу тақтасы, сызғыш, терезенің жұмыс аймағы және қалып - күй жолы.

Тақырып жолы – терезенің жоғарғы бөлігіндегі қатар. Онда құжат аты мен Word Pad программасының аты және оның оң жақ шетінде терезенің басқару батырмалары – жималау, жаймалау, жабу батырмалары орналасқан.

Жималау батырмасы – терезені жұмыс үстелінен уақытша алып тастайды.

Жаймалау батырмасы – терезені экран өлшеміне дейін үлкейтеді.

Жабу батырмасы – құжатты жабады немесе жұмысты аяқтайды.

Меню жолы - Word Pad редакторының барлық командаларына қол жеткізеді. Ондағы әр пункт бір бірімен байланысқан менюді ашады. Мысалы: Файл менюін ашу үшін, оны тышқан нұсқағышымен шертеміз. Сол кезде бізге құжатты экранда көрсету тәсілдерін орындайтын бірнеше командала солғын түспен көрсетілген. Мысалы: Соңғы файл (Последний файл) ағымдағы жағдайда активті емес, яғни жұмыс жасамай тұрған командалар осылай көрсетіледі.

Меню жолынан кейін стандартты құрал-саймандар тақтасы орналасқан. Ол жиі кездесетін амалдарды орындауға арналған батырмалардан тұрады. Мысалы: Файлды сақтау (Сохранить), баспаға беру (Печать) т.б.

Келесі қатар - пішімдеу тақтасы. бұл тақта мәтінді пішімдеуге арналған батырмалардан тұрады.

Пішімдеу тақтасынан кейін көлденең сызғыш орналасады. Координаталық сызғыш сантиметрмен бөлінген. Сызғыш меню қатарындағы Түр (Вид) → Сызғыш (Линейка) командаларын орындау арқылы экранға шығады немесе экраннан алынып тасталады.

Терезенің негізгі элементтерінің бірі болып, ашық түске боялған Жұмыс аймағы болып саналады. Барлық мәліметтер осында енгізіледі.

Қалып-күй қатары (Строка состояния) негізгі терезенің төменгі бөлігінде орналасқан. Одан әр түрлі хабарлама және анықтама ақпараттары шығады.

Word Pad мәтіндік редакторында 2 меңзер болады: кірістіру нүктесі және І-меңзері.

Кірістіру нүктесі – өшіп – жанып тұратын тік сызықша. Ол мәтінді енгізгенде символдың қай жерде пайда болатынын көрсетеді.

І меңзері – терезенің жұмыс аймағында тышқанның нұсқағышы латынның І әрпі түрінде, ал жұмыс бетінің сыртында тышқан нұсқағышы кәдімгі стандартты жебе түрінде болады.

Таратпа тапсырма

Компьютермен жеке жұмыс

І-Деңгей

1. Word Pad қолданбасын ашыңыз.

2. Мәтінді теріңіз

3. Қаріптен Times New Roman таңдаңыз

4. Бірінші жолды бас әріппен және өлшемі 16-қаріппен, ал қалған мәтінді өлшемі 14-қаріппен теріңдер

5. Курсив, астын сызу және қалыңдату қаріптерін пайдалану

6. Мәтінге түс беру

ҮНДІ ШӘЙІ

Түскі кез болатын. Анам кесеге шәйді толтырып қоя салды. Кенже інім аңдамай қолындағы қантын сол кесеге түсіріп алды. Алайда қант құп-құрғақ күйінде қалды. Неліктен деп ойлайсың?

ІІ- Деңгей

ТҮЙЕҚҰС САЛМАҒЫ

Түйеқұс екі аяғымен тұрғанда бір салмақ тартса? Бір аяғымен тұрғанда қанша тартады?

ІІІ- Деңгей

Логикалық есептердің жауабын табу (жауабын компьютерге жазу керек)

Кестені толтыру

V. Сергіту сәті «ИНФОБИНГО» ойыны ойналады. Алдарыңызға бинго таратылады мен айтқан экономикалық терминдер бар болса белгілейсіздер, егерде 9-ы да табылса ЭкоБинго онда сіз ұттыңыз. Бингоның шарты бойынша 3 студент ұтысқа ие болады.

VІ. Қорытындылау.

Paint, Word Pad редакторларының мүмкіндіктері мен ерекшеліктерін Венн диаграммасы арқылы көрсету

Paint Word Pad

1. редакторды ашу

2. құжат сақтау

3. баспаға беру

Графикалық

редактор

Мәтіндік

редактор

VІІ.Оқушылардың білімдерін бағалау. Топ спикері озінің тобындағы оқушылардың бағалайды

1. Үйге тапсырма. §5.1 Word Pad мәтіндік редакторын оқып келу. Шығарма жазу. Тақырыбы: “WORDPAD мәтіндік редакторының қазіргі қоғамдағы ролі ”.