Саба?ты? та?ырыбы: Презентациялар. Программа интерфейсімен танысу.

Сыныбы: 6

Сабақтың тақырыбы: Презентациялар. Программа интерфейсімен танысу.
Сабақтың мақсаты:
Білімділік: Оқушылардың білімдерін жетілдіріп, пәнге деген қызығушылығын арттыру. Қосымша ақпаратпен білімдерін толықтыру.
Тәрбиелілік: Компьютермен жұмыс істеу барысында ұқыптылыққа баулу. Қауіпсіздік ережесіне байланысты балаларды сақтыққа үйрету
Дамытушылық: Компьютердің басқа программаларын меңгерте отырып, логикалық ойлау қабілеттерін дамыту.
Сабақтың түрі: жаңа сабақ
Көрнекілігі: слайдтар, үлестірме тапсырмалар
Сабақта қолданылатын әдіс-тәсілдер:түсіндіру, сұрақ-жауап, ой - қозғау
Құралдар-жабдықтар: компьютер, электрондық оқулық

Сабақтың барысы:

І Ұйымдастыру кезеңі
ІІ. Ой қозғау
/үй тапсырмасын сұрау, сұрақтар беру/
Компьютердің программалық жабдықтамасы.
Жүйелік жабдықтаманы қалай түсіндіресіңдер?
Жүйелік программалар ұсынатын қандай қызметтерді атайсың?
Амалдық жүйе дегеніміз не?
Амалдық жүйенің негізгі қызметі.
Амалдық жүйенің дамуына не себепші болды?
Қазіргі АЖ – лерге қандай талаптар қойылады?
WINDOWS жүйесіндегі пайдаланушы интерфейсін қалай түсінесің?

ІІІ. Жаңа сабақ.

1. Презентация (көрме) – ойды, адамдар мен өнімдерді, шикізатпен қызмет түрлерін көрнекі түрде ұсыну. MS Power Point программасының әрбір презентациясы слайдтар жиынынан тұрады. Ал слайдта графикалық фонда орналастырылған обьектілер немесе текст тұруы мүмкін.

Слайд – көзге көрінетін күрделі көрініс. Оның құрылымына тақырып, мәтін, кесте, графикалық бейнеклиптер дыбыс үзінділері, сызбалар енгізуге болады.
Слайд фильмдерді жасау құралы – MS Power Point графикалық пакеті. Ол әр түрдегі презентацияны көрсетуге мүмкіндік береді.

2. PowerPoint - тың негізгі міндеті қандай?

Ақпаратты қабылдау және есте сақтаудың тиімділігін арттыру мақсатымен көрмелерді жоспарлау, жасау және өңдеу.

3. Көрме деген не?

Сіздің қандай да бір қызметіңізге байланысты материалды ұсынуға арналып, компьютерде жасалған слайдтардың көрсетілімдік жиынтығы.

4. PowerPoint бағдарламасын іске қосу.

Бастау - Бағдарламалар - Microsoft PowerPoint командасын орындаймыз.

Көрме жасаудың тиімді тәсілдері.

Microsoft PowerPoint терезесін ашқаннан кейін тапсырмалар аймағында жаңа көрмені жасау үшін бірнеше нұсқалар ұсынылады:

♦ Жаңа презентация (Новая прзентация)

♦ Слайд жасақтамасы (Шаблон презентации)

♦ Автомазмұн шебері (Мастер автосодержания)

Слайдтарды безендіруде көрмені тартымды етуде суреттердің маңызы зор. Суреттер әр түрлі болады. Біреулері қолдан салынған, енді біреуі - мәтіналғы арқылы фотосуреттен көшірілген. Дайын суретті кірістіру үшін «Кірістіру» (Вставка)- «Сурет» (Рисунок) командасын орындаймыз.

PowerPoint бағдарламасында дайындалған презентацияны көрсету кезінде музыкалық, дыбыстық эффектілерді және бейнеклиптерді қолдану мүмкіндігі бар. Кейбір дыбыстар (мысалы, жазба машинкасының дыбысы қол шапалақтау т. с. с.) Анимацияны баптау саймандар тақтасынан іске қосылады. Презентацияға әуен (музыка) қою үшін Вставка – Фильмы и звук – Звук из файла командасын орындап, өзіңізге қажетті әуенді таңдап ОК батырмасын басамыз.

ІҮ.Практикалық жұмыс:

Осы тақырыппен берілген нұсқау картасы арқылы қауіпсіздік ережесін сақтай отырып, компьютерде тапсырманы орындау. Оқушылардың тапсырмаларын тексеру. Қатемен жұмыс.

Тапсырма: Power Point бағдарламасында әр оқушы компьютерді «Ұлы Жеңістің 70 жылдық» мерекесіне арнап  2 – 3 секундтық жарнама ролик дайындау керек.

 Сергіту сәті: «Мақал – сөз мәйегі»

Компьютерге қатысты құрастырылған мақал – мәтелдер беріледі, осы мақал – мәтелдердің күнделікті өмірде қолданылатын нұсқаларын табу қажет.

J Байт биттен құралады.  (Теңге тиыннан құралады)

J Вирустан қорыққан, Интернетке шықпас.  (Шегірткеден қорыққан, егін екпес)

J Білмесең, «анықтама»-дан сұра.  (Білмесең білгеннен сұра)

J Бір ядролы процессор жақсы, ал екі ядролы одан да жақсы. (1 ақылдан, 2 ақыл артық)

«Қара жәшік». Бұл құралдың жасы 2000 – 5000 жылдар шамасы. Бұл құралды гректер мен Батыс Еуропалықтар «абак» деп атаған. Жәшіктің ішінде қандай құрал бар? (Есепшот)

Ү. Сабақты қорытындылау:

Жаңа сабақты бекітуге сұрақтар қою:

1. Microsoft Office  пакетінің Power Point бағдарламасы не үшін қажет?

2. Презентация неден құралады?

3. Презентация құрған кезде қандай әрекеттер орындалады?

Сәйкестендіру тесті.

Файлдар кеңейтілімі мен түрлерін сәйкестендір

1. Еxcel ---------------- 1. Нысанға жан бітіру программасы (. ppt)

2. Word --------------- 2. Графикалық қолданба (. bmp)

3. PowerPoint ------- 3. Мәтіндік редактор (. doc)

4. Paint ---------------- 4. Электрондық кесте (. xls)

5. Дұрыс жауабы: 1 - 4, 2 - 3, 3 - 1, 4 – 2

VІ. Бағалау:

Алған білімдеріне қарай, компьютерде орындаған тапсырмалары арқылы оқушыларды жеке бағалау.  Жұмыс орнын жинау.

Үйге тапсырма: Презентация. Программа интерфейсімен танысу.

Рефлексия