Білімділік: Оқушылардың пернетақта туралы білімдерін тексеру, бекіту.
Дамытушылық: Оқушылардың тез әрі жылдам ойлау, байқағыштық, есте сақтау, жұппен жұмыс істеу қабілеттерін дамыту.
Тәрбиелік: Оқушыларды түзу, дұрыс отыруға, ұқыптылыққа, компьютер алдында дұрыс отыруға, ұйымшылдыққа, өз ойын ашық айта білуге тәрбиелеу.
Сабақтың типі: Саяхат-сабақ
Әдіс-тәсіл: сұрақ-жауап, тапсырмалар
Сабақта қолданылатын көрнекіліктер: Презентация, компьютер, проектор
І. Ұйымдастыру кезеңі.
Сәлеметсіңдерме, оқушылар! Сыныпта кім кезекші? Сабақта кім жоқ? Балалар, сендер өткен жолы пернетақта тақырыбын өттіңдер. Бүгін біз сол өткен тақырыпқа байланысты саяхат сабақ жүргізетін боламыз. Қазір біз сендермен бірнеше тапсырмалар орындау арқылы, 7 аялдамадан өтіп, пернелер еліне саяхат жасаймыз екен. Сабақты бастамас бұрын, қатар-қатармен 2 топқа бөлініп, бірден топ басшыларын сайлап алайық. Топ басшының басты міндеті - оқушылардың тыныштығын қадағалай отырып, сабақ аяғында өз тобының оқушыларын әділ бағалау. Ендеше, бүгінгі сабаққа дайынсыңдар ма?
Пернетақта дегеніміз не?
компьютердің жұмысын басқара отырып, қажетті ақпаратты енгізу үшін қолданылатын құрылғы.
Пернетақта неше пернеден тұрады?
101 немесе 104
Пернелер блоктарын ата
Функционалдық
Символдық
Цифрлық
Орнату пернелері
ІІ. Ойын сабақ
Сөзжұмбақ шешу
Көлденеңнен:
Ереже бойынша ол 101 ден 102-ге дейінгі пернеден тұрады (пернетақта)
Тігінен :
1.Компьютердің баспаға шығару құрылғысы (принтер)
2.Қағаздағы кескінді түсіріп диплей экранынан шығаруға мүмкіндік беретін құрылғы (сканер)
3.Компьютердің миы (процессор)
4.Компьютердің экранына ақпаратты шығаратын құрылғы (монитор)
(F1-F12) – күрделі операцияларды орындауға арналған, символдық пернелердің үстіндегі жолда орналасқан.
Цифрлық пернелер қызметі, орналасқан жері?
Цифрлық ақпаратты енгізуге және меңзерді басқаруға арналған, пернетақтада оң жақта орналасқан.
Символдық пернелер қызметі, орналасқан жері?
Алфавиттi, цифрлық ақпаратты енгiзуге арналған, олар пернетақтаның ортасына орналасқан.
Орнату пернелері қызметі, пернетақтадағы орны?
Меңзерді экран бойы жылжытуға арналған,символдық пернелердің төменгі оң жағында орналасқан
«Адасқан әріптер». Қате орналасқан әріптерден пернелер атауын құрайсыңдар.
ПЕРНЕ, DELETE, CTRL, SHIFT, ENTER
«Мені тап» кезеңі. Бұл кезеңнің басты ерекшелігі, әріптерді үзбей, біркелкі құрастыру арқылы алдыңғы тақырыпта өткен терминдерді аласыңдар. Қане, қай топ бірінші екен?
Монитор, пернетақта, перне, тышқан
Сергіту сәті.
Шаршап қалған шығарсыңдар, қане сергіту сәтін жасап жіберейік.
Көзге арналған жаттығулар:
1 жаттығу. Екі көзімізбен бірге екі қасымыздың ортасына қарап көрейік, осы күйімізде 5 секунд тұруымыз қажет.
2 жаттығу. Екі көзімізбен бірге мұрын ұшына қарап, осылай 5 секунд тұрамыз.
3 жаттығу. Екі көзімізбен бірге оң жақ иығымызға қараймызда, 5 секунд тұрамыз
4 жаттығу. Дәл 3 жаттығуға сәйкес, бірақ керісінше сол жақ иығымызға қарап, 5 секунд тұрамыз
5 жаттығу. Көзіміздің қарашығын сағат тілімен айналдыру және керісінше айналдыру. 3-4 қайталау.
«Сөз құрастыр». Бұл кезеңде сендер берілген әріптерді шатасқан жіптің ішінен дұрыс апарып орналастыруларың керек. Сонда өтіп жүрген тақырыбымызда көп қолданатын термин шығады.
ПЕРНЕ
Келесі тапсырма «Көмек керек!» деп аталады. Мен жұмбақ оқимын, әр топ өз жауааптарын ұсынады.
Бір бетшені аштым да,
Мәтін жаза бастадым
Бірақ тілін шет елдің
Аудара алмай тастадым
Тілді қалай өзгертем
Көмектесші, достарым! (Shift + Alt)
Міне, тағы қиналып-ақ тұрмын мен,
Тақырыпты жаза алмай пернемен
Барлығы да кіші әріп қайтемін?
Көмек берші, енді нені басам мен? (Backspase )
Бірігіп кетті екі сөз,
Не істерімді білмедім
Қане, қайсысың маған тез,
Ажыратып бересің? (Пробел)
Іздеп-іздеп пернеден таба алмадым
Ақыры есімімді жаза алмадым
Достарым, айтыңдаршы бас әріпті
Перненің қай жерінен таба аламын? (Shift + Т )
Жаңа жолға түсіп алып енді мен,
Жаңа бір сөз жазғым келіп тұр енді
Бірақ бәрін ұмытыппын, достарым,
Көмек берші, әрі қарай не істеймін? (Enter )
Асықпай отыр едім мәтін теріп,
Байқамастан алдым мен қате жіберіп.
Не істерімді білместен мұңайдым мен
Достарым қуантыңдаршы көмек беріп.
ІІІ. Қорытындылау бөлімі
Сонымен балалар, біз сиқырлы пернелер еліне де келіп жеттік. Енді тақтаға назар аударыңдар.(Слайд бойынша пернетақтаның суреті шығады).
Пернелердің неше блогын білесіңдер? Оларды атап көріңдерші. Енді балалар, мына өлең шұмағына назар аударыңдар:
Пернедегі әр әріпті басамыз
Сөздерден біз сөйлем құрап жазамыз
Бас әріппен бастау үшін сөйлемді
Пернелерден Caps Lock-ты табамыз. Кіші әріппен жазғым келсе қайтадан, Caps Lock-ты тағы да бір басамыз.
Бас әріппен жазатын тағы бір жол,
Басқа перне басып қойма,мұқият бол!
Пернелерден Shift-ті тауып ал да,
Әріппенен сол Shift- ті басып тұр.
Басқа тілге түскің келсе ауысып,
Әрқашанда көмектесерAltпен Shift !
Жазып болып, қате көріп қалсаңыз,
Түзетесіз Delпернесін бассаңыз.
Қате тұсқа курсорыңды апарып
Жоқ қыласыз Del-ді басып қалсаңыз!!!
Секіруге әр жолдан мүдірместен Сіздерге End пернесі көмектесер! Ал басына түскің келсе қайтадан
Тез тауып ал кідірмей Номе пернесін Келесі жолға түсуге,
Тек қана F (эф) әріпімен басталады ... (Функционалдық пернелер)
Пернелердің қандай қызметтерімен таныстыңдар?
Өткен тақырыптың кімге түсініксіздеу жері болды?
Бүгінгі сабақта қойған мақсатымызға жеттік пе?
Сонымен, біз бүгін пернелер туралы білімімізді тексердік, білгендеріңді толықтырып, білмегендеріңді білдіңдер.
Пернетақтамен жұмыс кезінде мыналарды үнемі есіңнен шығарма:
Пернелерді ақырын басу;
Қатты соққылардан сақтану;
Қолың таза және құрғақ болсын!
Пернетақтаның үстіне зат қоюға болмайды!
V. Үйге тапсырма
Insert. Home. Tab. Alt- пернелері туралы қосымша мәліметтер алып келіңдер.
VІ. Бағалау
Енді балалар өзімізді –өзіміз бағалап көрейікші алдарыңдағы қағазды сәйкесінше орындарына жабыстырыңдар. Топ басшылары кезек сіздерде. Топтарыңыздағы оқушыларға қандай сұрақтар қоясыз? Неліктен? Өте жақсы
