"Paint графикалы? редакторыны? ??рал-саймандар та?тасы"

Сабақтың тақырыбы: «Paint графикалық редакторың сурет салу құралдары.Суреттің үзінділері ерекшелеу.Суреттің үзінділерімен жұмыс.»

Сабақтың мақсаты:

Білімділік: оқушыларды Paint графикалық редакторың сурет салу құралдарымен, суреттің үзінділерін ерекшелеумен, суреттің үзінділері жұмыспен таныстыру.

Дамытушылық: оқушылардың танымдық және шығармашылық қабілеттерін, ойларын дұрыс тұжырымдап, қорытынды жасай білу дағдыларын, логикалық ойлау қабілеттерін дамыту.

Тәрбиелік: еңбексүйгіштікке, ұйымшылдыққа, уақытты үнемді пайдалануға тәрбиелеу.

Сабақтың типі: жаңа білімді меңгерту.

Сабақтың көрнекіліктері:презентация, ДК,суреттер.

Сабақта қолданылатын әдістер: түсіндіру,лекция, практикалық тапсырмалар.

Сабақтың барысы:

І. Ұйымдастыру кезеңі

Оқушылармен амандасып, жоқ оқушыларды анықтау, оқушылардың назарын сабаққа аудару, оқушылардың оқу құралдарын тексеру. Үй жұмысын тексеру.

ІІ. Жаңа сабақ

PAINT сурет салу бағдарламасы әр түрлі графикалық кескіндерді салуға,оны өңдеуге мүмкіндік береді. Бұл бағдарламаның көмегімен қарапайым суреттен бастап,күрделі графикалық шығармаларға дейін жасауға болады. Paint (Paintbrush) - Windows жүйесінің стандартты программалар тобына кіретін қарапайым нүктелік графикалық редактор. Paint өзінің мүмкіндіктері жағынан профессионалды графикалық редакторлардан біршама төмендеу болғанымен ол едәуір күрделі әрі тартымды, түрлі-түсті және ақ-қара суреттерді, схемаларды, сызбаларды (чертеждер) даярлауға мүмкіндік береді. Бұл редакторды игеру онша қиын емес, оның құрамында сурет салу, сызу және оларды өңдеуге арналған стандартты қарапайым аспаптар жиыны бар, дайындалған бейнелер файлдардың кең тараған графикалык форматында сақталады

Paint графикалық редакторының құралдары.

1. Түзу сызық

2. Төртбұрыштар мен квадраттар салу

3. Бұрыштары дөңгеленген тік төртбұрыштар салу

4. Эллипс пен шеңбер салу

5. Қисық сызықтар сызу

6. Көпбұрыштар салу

7. Құю құралын пайдалану

8. Бүріккіш құралын пайдалану

9. Қылқаламмен сурет салу

10. Өшіргіш құралын пайдалану

Түзу сызық

Түзу сызық сызу айрықша еңбекті талап етпейді. Түзу сызық сызу үшін:

1. Линия (сызық) батырмасын шертіңдер.

2. Құрал саймандар тақтасы астындағы жақтаудан сызықтың қажетті қалыңдығын таңдаңдар.

3. Тышқан нұсқағышын сызық басталатын орынға апарып қойыңдар.

4. Тышқанның сол жақ батырмасын басып тұрып, сызық аяқталатын орынға нұсқағышты апарыңдар

5. Тышқанның батырмасын жіберіңдер.

Төртбұрыштар мен квадраттар салу

Тік төртбұрыш құралымен боялған және боялмаған тік төртбұрыш салуға болады. Ол үшін:

• Прямоугольник батырмасын шертіңдер.

• Тік төртбұрыштың қажетті түрін таңда:

а) тек жақтау –таңдаған кескін түсімен сызылады.

б) жақтау және толтыру – кескін түсімен сызылады да іші өздерің таңдаған фон түсімен толтырылады.

в) тек толтыру – бірден кескін түсімен боялған тік төртбұрыш салынады.

• Тышқан нұсқағышын тік төртбұрыш салғыларың келетін жерге орналастырыңдар.

• Тышқанның сол жақ батырмасын басып тұрып, нұсқағышты тік төртбұрыштың жақтауын созып, қажетті өлшем мен пішін шыққанша тасымалдаңдар.

Тышқан батырмасын жіберіңдер.

Бұрыштары дөңгеленген тік төртбұрыштар салу.

Дөңгеленген тік төртбұрыш құралының көмегімен бұрыштары дөңгеленген, іштері боялған және боялмаған тік төртбұрыштар салуға болады. Ол үшін:

1. Скругленный прямоугольник батырмасын шертіңдер.

2. Дөңгеленген тік төртбұрыштың қажетті түрін таңда:

а) тек жақтау –таңдаған кескін түсімен сызылады.

б) жақтау және толтыру – кескін түсімен сызылады да іші өздерің таңдаған фон түсімен толтырылады.

в) тек толтыру – бірден кескін түсімен боялған дөңгеленген тік төртбұрыш салынады.

• Тышқан нұсқағышын төртбұрыш салатын орынға жылжытыңдар.

• Тышқанның сол жақ батырмасын басып тұрып, нұсқағышты бұрышы дөңгеленген төртбұрыштың жақтауын соза тартып, қажетті өлшем мен пішін шықақанша тасымалдаңдар.

• Тышқан батырмасын жіберіңдер.

Эллипс пен шеңбер салу.

Эллипс құралымен іштері боялған жіне боялмаған эллипстер мен шеңберлер салуға болады. Ол үшін:

• Эллипс батырмасын шертіңдер.

1. Эллипстің қажетті түрін таңда:

а) тек шекара – таңдаған түспен салады.

б) шекара және толтыру – шекара кескін түсімен сызылады да іші өздерің таңдаған фон түсімен боялады.

в) тек толтыру – бірден кескін түсімен боялған эллипс салынады.

• Тышқан нұсқағышын өздерің эллипс салғыларың келетін орынға орналастырыңдар.

• Тышқанның сол жақ батырмасын басып жібермей, нұсқағышты эллипстің жақтауын қажетті пішін мен өлшемге жеткенше соза отырып тасымалдаңдар.

Тышқан батырмасын жіберіңдер

Қисық сызықтар сызу.

Қисық сызық сызу үшін:

1. Кривая құралының батырмасын шертіңдер.

2. Құралдар тақтасының төменгі жағында пайда болатын сызықтар жиынынан сызықтың қажетті қалыңдығын таңдаңдар.

3. Тышқан нұсқағышын түзу сызықтың иілетін бөлігінің жанына апарып сол жақ батырманы басып тұрып түзу сызықты иілетін бағытта жылжытыңдар. Мұны орындағаннан кейін бір рет иілген сызық шығады.

Көпбұрыштар салу.

Көпбұрыштар салу үшін келесі әрекеттерді орындау керек:

• Многоугольник батырмасын шерту.

• Құралдар тақтасының төменгі жағында пайда болатын жиыннан көпбұрыштың үш түрінің ибірін таңдаңдар.

• Тышқан нұсқағышын көпбұрыштың бірінші қабырғасы басталатын жерге апарыңдар. Тышқанның сол жақ батырмасын басып тұрып нұсқағышты көпбұрыштың бірінші қабырғасы аяқталады деп ойлайтын жерге дейін тасымалдаңдар,батырманы жіберіңдер.

• Тышқанның нұсқағышын екінші қабырғаның соңына дейін тасымалдап сол нүктеге шертіңдер мұны орындағаннан кейін Paint келесі қабырғаны салады.

• 4 – қадамның әрекеттерін көпбұрыштың барлық қабырғалары салынып болғанша қайталаңдар.

Құю құралын пайдалану.

Құралдар тақтасында Құю құралы бар, оның көмегімен тұйық контурды бояуға болады. Егер контур тұйық болмаса сендер осы құралды қолдансаңдар, онда бояу бүкіл экранға төгіледі. Тұйық контурды бояу үшін келесі әрекеттерді орындаңдар:

• Тышқанмен Заливка батырмасын шертіңдер.

• Түстіу таңдау үшін, тышқан нұсқағышын түстер палитрасына орналастырып, қажетті тұсте шертіңдер.

Бүріккіш құралын пайдалану.

Бүріккіш құралы бояуды бүрку эффектісін жасау үшін қолданылады. Мұны жасау үшін:

• Распылитель батырмасына тышқанды шертіңдер.

• Нұсқағышты түстер палитрасына орнатып қажетті түсті таңдап тышқанды шертіңдер.

• Құралдар тақтасының төменгі жағында пайда болатын жақтаудан бүрку дағының өлшемін таңдаңдар.

• Тышқан нұсқағышын қажетті жерге апарып оның сол жақ батырмасын басып отырып, бояуды бүрку керек.

Қылқаламмен сурет салу.

Қарандашпен бояу өте қолайсыз болғандықтан, Қылқалам құралы көмекке келеді.

• Кист батырмасын шертіңдер.

• Құралдар тақтасының төменгі жағында пайда болатын жақтаудан қылқаламның пішіні мен өлшемін таңдаңдар.

• Тышқан нұсқағышын түстер палитрасына орнатып,қажетті түсті таңдаңдар.

• Тышқан нұсқағышын бояйтын нүктеге орналастырыңдар.

• атырманы басып тұрып тышқанды қаншалықты ұзақ жіне баяу жылжытсақ соншалықты қою болады.

Өшіргіш құралын пайдалану.

Егер салған суреттерің ұнамаса онда оны Ластик (өшіргіш) құралымен өшіруге болады. Ол кәдімгі өшіргіштің міндетін атқарады.

• Ластик батырмасын шертіңдер.

• Құралдар тақтасының төменгі жағында пайда болатын жиындықтан өшіргіштің төрт өлшемінің бірін таңдаңдар.

• Тышқан нұсқағышын өшіретін сызыққа орналастырып сол жақ батырмасын басып тұрып, салынған сурет өткенше жоғары, төмен,оңға және солға жылжытыңдар.

Батырманы жіберіңдер.

Суреттің бөлінген бөлігі үзінді деп аталады. Үзінді мына құралдармен бөлінеді немесе белгіленеді.
Белгілеу батырмасы төртбұрышты үзіндіні таңдайды. Кез-келген аймақты бөліп алу батырмасы ерікті пішіндегі аймақты бөліп алуға мүмкіндік береді.

Белгілеу немесе ерікті аймақты белгілеу құралдарымен үзінді таңдалғаннан кейін ,олар мен келесі әрекеттер орындалады.

• Алмасу буферінен қиып алу

• Алмасу буферінен Көшіру

• Осы суретті басқа жерге апару

• Берілген суретті өлшемінде көшіру

• Оны сурет бойынша көбейту

• Пішінмен өлшемін өзгерту

• Өлшемін өзгерту және кисайту

• Төңкеру немесе кері бұру

• Түсін өзгенрту

• Өшіру жою

Суреттің үзіндісін көшіру үшін:

• Суреттің үзіндісін белгілеу: выделение батырмасын шертіп, бөлінетін суреттің сол жақ жоғарғы бұрышына орналастырыңдар, содан кейін қажетті бөлігі пунктирлі жақтау ішіне енгенше тышқанның сол жақ батырмасын басып отырып диагональ бойымен жылжытыңдар, батырманы жіберіңдер.

• Правка Копировать командасын орындаңдар.

• Правка Вставить командасын орындаңдар,.

• Үзіндіні тышқанмен іліп алып қажетті орынға апарыңдар.

Суреттің үзіндісін жылжыту үшін:

• Суреттің үзіндісін белгілеу: выделение батырмасын шертіп, бөлінетін суреттің сол жақ жоғарғы бұрышына орналастырыңдар, содан кейін қажетті бөлігі пунктирлі жақтау ішіне енгенше тышқанның сол жақ батырмасын басып отырып диагональ бойымен жылжытыңдар, батырманы жіберіңдер.

• Правка Копировать командасын орындаңдар.

• Правка Вставить командасын орындаңдар,.

• Үзіндіні тышқанмен іліп алып қажетті орынға апарыңдар.

III Сергіту сәті.

Көзге арналған жаттығулар.

IV. Бекіту.

Сұрақ-жауаптар арқылы,

Практикалық тапсырмалар.

V. Үйге тапсырма беру.

Қайталау

VI. Бағалау.