Объектілермен ж?мыс

Сабақ Сыныбы Күні:

Сабақтың тақырыбы: Объектілермен жұмыс

Сабақтың мақсаты:

Білімділік: Оқушыларды объектілермен жұмыс жасауға үйрету, қапшықтарды, файлдар мен таңбашаларды жылжыту және көшіру, аттарын өзгерту, ат өзгерту операцияларын болдырмауға үйрету.

Дамытушылық: Оқушылардың объектілермен жұмыс жасауға арқылы ойлау, есте сақтау қабілеттерін дамыту.

Тәрбиелік: Оқушылардың тақырыпқа деген қызығушылығын арттырып, ұқыптылыққа тәрбиелеу.

Болжамдап отырған нәтиже: Оқушылар объектілермен жұмыс жасай алады, файлдар

мен таңбашаларды жылжытып және көшіре алады, аттарын өзгерте алады.

Сабақтың типі: Аралас.

Сабақтың түрі: Жаңа білімді меңгерту.

Көрнекі құрал-жабдықтар: Интерактивті тақта, оқулық, электронды

оқулық, компьютер.

Сабақтың жоспары:

1. Ұйымдастыру кезеңі (1-2 мин)

1. Оқушылармен амандасу, түгелдеу.

2. Оқушылардың зейінін сабаққа аудару.

1. Үй тапсырмасын сұрау (12мин)

1. «Ғажайып шеңбер» -Сұрақ-жауап

2. «Сиқырлы қобдиша» - Миға шабу (2 мин)

Қызығушылықты ояту

1. «Өзің үшін жазу» стратегиясы (3 мин)

(Бүгін объектілермен жұмыс бойынша сіздер не үйренгілеріңіз келеді?)

III. Жаңа сабақ (8 мин)

3.1. Мұғалім түсіндірмесі.

3.2. Электронды оқулықпен түсіндіру

IV. Жаңа сабақты бекіту

Мағынаны ажырату

«Кубизм» стратегиясы (8мин)

4.1. 1. Суреттеңіз.

2. Қолданыңыз.

3. Салыстырыңыз.

4. Бұл туралы ойлағанда көз алдыңызға не елестейді?

5. Зерттеңіз.

4.2. Компьютермен жұмыс (5 мин)

V. Жаңа сабақты қорытындылау (2мин)

5.1. Сұрақ - жауап

VI. Сабақты қорытындылау және оқушыларды

бағалау (3мин)

Ой толғаныс

«Өзің үшін жазу» стратегиясын аяқтау

(Бүгін объектілермен жұмыс бойынша сіздер не үйрендіңіздер?)

VIІ.Үй тапсырмасы

Сабақтың барысы:

І. Ұйымдастыру кезеңі

1. Оқушылармен амандасу, түгелдеу.

2. Оқушылардың зейінін сабаққа аудару.

ІІ. Үй тапсырмасын сұрау

1.«Ғажайып шеңбер» -Сұрақ-жауап

(Шеңберді айналдыра отырып, әр оқушы өзіне түскен нөмір бойынша сұрақтарға жауап береді)

1. Windows объектілері деп нені айтамыз?

2. Қапшық дегеніміз не?

3. Windows XP операциялық жүйесінде – жұмысты неден бастаймыз?

4. «Менің құжаттарым» командасының қызметі қандай?

5. Тышқанның жұмыс істеу принцпі нешеге бөлінеді?

6. Тапсырмалар тақтасы жұмыс үстелінің қай жерінде орналасқан?

7. Windows операциялық жүйесінің негізгі объектісі не болып табылады?

8. Барлық терезелерді неше топқа бөлуге болады?

9. Терезе элементтеріне нелер жатады?

10. Меню жолы дегеніміз не, қандай қызмет атқарады?

11. Құрал-саймандар тақтасы қандай қызмет атқарады?

12. Терезені жаймалау және жималай әрекеттерін қалай орындаймыз?

13. Терезенің шекарасын қалай өзгертуге болады?

14. «Пуск» батырмасы көмегімен программаларды қалай іске қосады?

15. Бағыттаушы қолданбасы дегеніміз не?

16. Файл дегеніміз не?

17. Файл қанша бөліктен тұрады?

18. Жаңа қапшықты қалай құрамыз?

19. Таңбаша дегеніміз не?

20. Файлдың типі қанша символдан тұрады?

2. «Сиқырлы қобдиша» - Миға шабу

(Интерактивті тақтадағы қобдишадан, оқушылар жасырын сөзді, қауіпсіздік те хникасын айта отырып, табулары керек? Қобдишадан - өтілетін жаңа тақырып аты шығады).

Қауіпсіздік техникасын сұрау.

1. Қауіпсіздік техникасы неше пункттен тұрады?

2. Компьютерде жұмыс істер алдындағы қауіпсіздік техникасына не жатады?

3. Компьютермен жұмыс кезінде қандай қауіпсіздік техникасын сақтауымыз керек?

Қызығушылықты ояту

«Өзің үшін жазу» стратегиясы

(Интерактивті тақтада - Бүгін объектілермен жұмыс бойынша сіздер не үйренгілеріңіз келеді?- деген тақырып жазылып тұрады. Осы тақырып бойынша, оқушылар Пальманың діңгегін салады).

III. Жаңа сабақ

3.1. Мұғалім түсіндірмесі.

Қапшықтарды, файлдар мен таңбашаларды жылжыту және көшіру

Windows объектілерімен жұмыс істегенде, оларды көшіру немесе бір орыннан екінші орынға жылжыту қажет болады.

Объектілерді көшіргенде, объект бұрынғы орнында қалады, ал жаңа орынға көшірмесі түседі. Қанша көшірме қажет болса, сонша алуға болады. Объектіні жылжытқанда, ол жаңа орынға орналастырылады да, бұрынға орнында қалмайды.

Объектілерді көшіру мен жылжытудың бірнеше жолы бар. Соларды қарастырайық.

1. Тышқанның оң жақ батырмасының көмегімен.

Объектіні қапшықтың терезесінде жылжыту немесе көшіру үшін, тышқанның нұсқағышын объектінің үстіне орналастырып, оның оң жақ батырмасын басып тұрып, жаңа орынға жылжытады да, батырманы босатады. Бұдан кейін экранда динамикалық меню пайда болады, онда келесі: егер көшіру қажет болса, Копировать, жылжыту қажет болса, Переместить, ал таңбаша жасау қажет болса, Создать ярлық командаларының бірін таңдауға болады.

2. Тышқанның сол жақ батырмасының көмегімен.

Тышқанның сол жақ батырмасымен объектіні жылжытқанда, Ctrl немесе Shift пернелерін қолдануға болады.

1. Жылжыту кезінде Ctrl пернесі басулы тұрса, онда таңдалған объектілер файлдың типіне және оның тағайындалған орнына қарамастан көшіріледі.

2. Shift пернесі басулы тұрса, Windows объектіні жылжытады.

3. Windows таңбаша жасауы үшін, объектіні Shift және Ctrl пернелерін қатар басып тұрып жылжытады.

Объектілерді жабық қапшыққа көшіру және жылжыту

Объектілерді басқа қапшықтарға ол қапшықтарды ашпай – ақ көшіруге немесе жылжытуға болады. Ол үшін жабық қапшыққа орналастыратын файл белгішесін тышқанмен іліп алып, оны файлды орналастыратын қапшық белгішесіне тасымалдап, тышқанның батырмасын босату керек.

Меню командалары арқылы объектілерді көшіру және жылжыту

Объектілерді жылжытуда «апарып қою» әдісі үнемі қолайлы бола бермейді. Сондықтан Правка менюінің Көшіру (Копировать), Қию (Вырезать) және Кірістіру (Вставить) деп аталатын командаларын пайдалануға болады. Бұл командаларды пайдаланғанда, ақпарат алдымен алмасу буферіне орналастырылады. Алмасу буферін пайдалану негізі Windows XP – дің барлық жүйелерімен қолданбалары үшін бірдей.

Алмасу буфері – жылжытылатын немесе көшірілетін ақпараттарды уақытша сақтауға арналған жадтың арнайы бөлігі. Алмасу буферіндегі ақпарат оған жаңа ақпарат келіп түскенше сақталады, ал содан кейін алдыңғы ақпарат жойылады.

Алмасу буферінің көмегімен деректерді әр түрлі құжаттар мен қолданбалардың арасында алмастырып отыруға болады. Алмасу буферін пайдалану үшін, алдымен деректерді оған енгізіп қояды да, содан кейін одан алып, қажетті құжатқа кірістіреді. Бұл әрекетті қиып алып кірістіру немесе көшіріп алып кірістіруәрекеті деп атайды.

Көшіру деп алғашқы құжаттағы белгіленген ақпараттың алмасу буферіне осы әрекеттердің көшірмесі түрінде орналастырылуын атайды.

Қиып алу деп алғашқы құжаттағы белгіленген ақпараттың берілген құжаттан алынып, алмасу буферіне орналастырылуын айтады.

Кірістіру деп қазіргі кезде алмасу буферінде бар ақпараттарды құжаттың қажетті жеріне кірістіруді айтады.

Алмасу буферіндегі ақпараттар компьютерді өшіргенше немесе онда басқа ақпараттар жіберілгенше сақталады. Алмасу буферіндегі ақпараттарды осы құжатқа, сондай-ақ Windows-тың басқа да қолданбаларына кірістіру үшін бірнеше рет қолдануға болады.

Копировать, Вырезать және Вставить командаларын пернетақтаның көмегімен объектілерді көшіру үшін Ctrl+C, қиып алу үшін Ctrl+X, қажетті орынға кірістіру үшін Ctrl+V пернелерін басып шақыруға болады.

1. Объектіні жылжыту үшін, оны тышқанның көмегімен белгілеп, беруші қапшықтың менюіндегі Правка-Вырезать командасын орындаңдар, содан соң қабылдаушы қапшықты ашып, Правка – Вставить командасын орындаңдар. Объектіні жұмыс орнына апарып орналастыру үшін, оның үстінде тышқанның оң жақ батырмасын шертіңдер де, динамикалық менюден Вставить командасын таңдаңдар.

2. Объектіні көшіру үшін оны белгілеп алып, беруші қапшық терезесі менюіндегі Правка-Копировать командасын орындаңдар, содан соң қабылдаушы қапшық терезесінің менюіндегі Правка-Вставить командасын орындаңдар. Жұмыс үстеліне объектіні көшіру үшін, онда тышқанның оң жақ батырмасын шертіңдер де, менюден Вставить командасын таңдаңдар.

Қапшықтардың, файлдардың немесе таңбашалардың аттарын өзгерту

3.2. Электронды оқулықпен түсіндіру

Жылжыту, көшіру мен атын өзгерту операцияларын болдырмау

Кез-келген менюдегі Правка-Отменить командасын орындап, көшіру немесе жылжыту операцияларын орындатпауға болады.

IV. Жаңа сабақты бекіту

Мағынаны ажырату

«Кубизм» стратегиясы

4.1. 1. Суреттеңіз.

2. Қолданыңыз.

3. Салыстырыңыз.

4. Бұл туралы ойлағанда көз алдыңызға не елестейді?

5. Зерттеңіз.

4.2. Компьютермен жұмыс

Өзің орында. 97-99 бет.

V. Жаңа сабақты қорытындылау

5.1. Сұрақ – жауап

1. Объектілерді жылжыту мен көшірудың қандай жолдары бар?

2. Объектілерді жабық қапшыққа көшіру және жылжыту үшін қандай әрекет жасау керек?

3. Объектілерді меню командалары арқылы қалай көшіріп және жылжытуға болады?

4. Объектілердің аттарын қалай өзгертеміз?

VI. Сабақты қорытындылау және оқушыларды бағалау.

Ой толғаныс

«Өзің үшін жазу» стратегиясын аяқтау

(Бүгін объектілермен жұмыс бойынша сіздер не үйрендіңіздер?)

VIІ.Үй тапсырмасы: §3.5 – оқу.