Microsoft Word-та кесте ??ру. Кестелерді редакциялау.

№6 орта мектебі

Тақырыбы: Microsoft Word-та кесте құру.

Кестелерді редакциялау.

Сыныбы: 7 «б»

Пәні: информатика

Мұғалімі: С.Е.Оңғарбаева

2013-2014 оқу жылы

Күні: 18. 12. 2013 Бекітемін:

Сыныбы: 7б №6 орта мектебі директорының

Пәні: «Ақпараттық жүйе» оқу ісі жөніндегі орынбасары: _______ Ж.Т.Бошымова

Мұғалімі: С.Е.Оңғарбаева “ 18 ” 12 2013 жыл

Сабақтың тақырыбы: Microsoft Word кесте құру. Кестелерді редакциялау.

Сабақтың мақсаты

Білімділік: Оқушыларды кесте жасауға, ұяшықтарды қосуға, алып тастауға және біріктіруге үйрету. Оқушыларға кестелерді қоршауды үйрету.

Тәрбиелілік: жеке жұмыс жасауға, жауапкершілікті сезіне білуге, нәтижеге жетуге ұмтылуға, өзінше ізденімпаздыққа, еңбек етуге және жергілікті ерекшеліктерді, ұлттық ерекшеліктерді, информатика ғылымында болып жатқан әлем деңгейіндегі жетістіктерді ескеретін, оларды күнделікті өмірде қолдануға бағытталған тапсырмалар беру арқылы тәрбиелеу.

Дамытушылық: Оқушылардың есте сақтау және зейіндік қабілеттерін дамыту, пәнге деген қызығушылығын арттыру, әр оқушының үш деңгейлік тапсырмаларды біртіндеп орындауына жағдай жасау арқылы оның қабілетіне сәйкес жеке құзырлылығын дамыту.

Сабақтың түрі: Практикум элементтерінің көмегімен демонстрациялау, баяндау арқылы түсіндіру.

Қолданылатын көрнекті құралдар: компьютер, оқулық, практикум, тақта.

Сабақтың барысы:

1. Ұйымдастыру кезеңі:

2. Жаңа сабақ.

3. Қорытындылау

Жаңа сабақ

Назар аударатынымыз

1. Кесте құру;

2. Кестенің жолы мен бағанының ұзындығын және енін өзгерту;

3. Кесте ұяшығындағы абзацтың параметрлерін орнату;

4. Кестенің жолын/бағанын қою;

5. Кестенің жолын/бағанын жою;

6. Кесте ұяшықтарын біріктіру/бөлу;

7. Кесте ұяшықтарын форматтау;

Оқушыларды 3 топқа бөлу:

Тапсырмалармен таныстыру. «Кесте құру» тақырыбын оқу.

Тапсырмаларды өз бетімен орындап шығу

Жолбастаушы парағына жауаптар жазу. Әр топтан 1 оқушы шығып тақырыпты талдау.

Жаңа түсініктер мен іс-әрекеттер тәсілін қалыптастыру

а) Жаңа ұғымдар: ә) Жаңа ұғымның негізін қалыптастыру

1 топ:

Жолбастаушы парағы:

1. Кесте құру жолдары;

2. Кесте ұяшығындағы абзацтың параметрлерін орнату;

3. Тапсырмаларды орындап шығу

Кесте дегеніміз – жолдар мен бағандарда реттеліп берілген ақпарат

Ұяшық дегеніміз - баған мен қатардың қиылысуы

Word мәтіндік процессорында кестелерді екі түрлі әдіспен: меню жолындағы Таблица командасының көмегімен және аспаптар панеліндегі Вставить таблицу батырмасын пайдаланып құруға болады. Меню жолынан Таблица " Вставить " Таблица командасын орындасақ экранда Вставка таблицы диалогтік терезесі шығады.

Число столбцов опциясының өрісіне кесте бағандарының саны енгізіледі.

Число строк опциясының өрісіне кесте жолдарының саны енгізіледі. Кейін Таблица – Вставить – Строки командасын орындап, жол санын көбейтуге болады.

Ширина столбца өрісінде үнсіз келісім бойынша орнатылған авто параметрін қалдыруға болады, не бағандардың ені бірдей өзгереді.

Тab пернесі кестеге жаңа жол қосу үшін қолданатын перне

2-топ

Жолбастаушы парағы:

1. Кестенің жолын/бағанын қою;

2. Кестенің жолын/бағанын жою;

3. Тапсырмаларды орындап шығу

4. Ұяшықтарды қосу, өшіру

Кей жағдайларда дайын кестеге баған, жол немесе жекелеген ұяшықтарды қосуға болады. Ұяшық немесе ұяшықтар тобын қосу үшін, алдымен жанына жаңа ұяшық немесе ұяшықтар тобы орналасатын ұяшықты белгілеңдер. Содан кейін тышқанның оң жағын басып – Вставить – Ячейки командасын орындау керек. Добавление ячеек диалогтік терезесінде жаңа ұяшық кейін не істейтінін: жол, баған қосу немесе ұяшықтарды жылжыту керек екенін көрсетіңдер.

Кестенің жолын, бағанын немесе ұяшығын өшіру үшін, ең алдымен ұяшықтарды ерекшелеп, содан кейін тышқанның оң жағын басып – Удалть – Ячейки командасын орындап, Удаление ячеек диалготік терезесінде ұяшықтың солға , жоғары ығысуы және жол немесе баған өшірілуі көрсетіледі.

3-топ.

Жолбастаушы парағы:

1. Кесте ұяшықтарын біріктіру/бөлу;

2. Кесте ұяшықтарын форматтау;

3. Тапсырмаларды орындап шығу

Кестелер тақырыбын құру, ұяшықтарды біріктіру және бөлу.

Бір қатарда бір-біріне жақын орналасқан бірнеше ұяшықтарды біріктіру үшін келесі әрекеттер орындалады:

• біріктіретін ұяшықтарды белгілеп алу керек;

• Тышқанның оң жағын басып немесе меню жолынан Работа с таблицами макетті таңдап,

– Объединить ячейки командасын орындау керек.

Ұяшықтарды бөлу.

• Бөлінетін ұяшықтарды белгілеп алу керек,

• Тышқанның оң жағын басып немесе меню жолынан Работа с таблицами макетті таңдап, – Разделить ячейки командасын орындау керек. Экранға Разбиение ячеек диалогтік терезесі шығады. Осы терезеде бағаналар саны енгізу өрісіне бағаналар санын бейнелейтін жаңа санды енгізіп, ОК-ді басу жеткілікті.

Кестелерді жиектеу.

Word мәтіндік процессоры жеке ұяшықтарға, қатарларға, бағаналарға және толығымен кестеге жақтаулар қосуға мүмкіндік береді. Жақтауды барлық кестеге немесе оның жеке элементтеріне орнату үшін келесі әрекеттер орындалады:

• Жақтау ішіне алынатын торларды таңдап, қарайту

• Меню жолынан Работа с таблицами конструктор командасын орындап,

• Стили таблиц бөлімінен таблицаның стилін таңдаймыз

• Границы батырмасынан жақтауды таңдаймыз ал заливка арқылы сол кестенің немесе ұяшықтың түсін таңдаймыз.

• Рисования границ бөлімінен жақтау сызығының қалыңдығын мен түсін таңдау қажет.

Жаңа сабақты түсіну үшін «Сәйкестендіру тестін » орындаймыз.

(оқушылар интерактивті тақтада тиісті командаларды қойып жазады)

1. Кестені даярлау үшін.... Кесте Кесте қосу

2. Ұяшықтарды біріктіру үшін...... Кесте Біріктіру

3. Кесте құру батырмасы қай қатарда орналасқан? Стандартты панелде

4. Ұяшық дегеніміз не?....... Баған мен қатардың қиылысуы

5. Кестеге жақтау орналастыру үшін....Меню жолынан Работа с таблицами конструктор командасын орындап, Границы батырмасынан жақтауды таңдаймыз

6. Жаңа жол қосу үшін қолданатын перне....... tab

7. Ұяшықтарды бөлу командасы........... Бөлу

Сергіту минуты

Тұрады ол жолдармен бағандардан,

Және тұрар ұяшықтар ағымынан.

Кәне ойланып көрейік ол не екен,

Баған менен жолдарды қиылыстырған. (Кесте)

Кестенің бір негізгі элементі,

Көлденең ұяшық құру қызметі.

Ұяшық емес, баған емес ол не екен?

Кестенің негізгі болған қызметі.

(жол)

Тіктөртбұрышқа ұқсайды,

Елемей кетуге болмайды.

Бағанменен жолдардың қиылысы,

Кестеде қай элементті құрайды.

(ұяшық)

Деңгейлік тапсырмалар

І деңгей.

1. Меню көмегімен Кесте Кесте қосу /Таблица Вставить таблица/ командасын орындау арқылы кесте құрыңыз.

2. «Менің сабақ кестем» тақырыбын туралау.

3. 6 баған, 7 жолдан тұратын кесте құр.

4. Кестенің басынан тағы 1 баған қосыңыз. Оған Р/с деп жазыңыз.

5. Кестені безендір.

«Менің сабақ кестем»

Дүйсенбі	Сейсенбі	Сәрсенбі	Бейсенбі	Жұма	Сенбі
10ә	11б		8а	6Б	7б
10а		7В		5б	7а
		9б
	9а	10ә	5ә
			8б	5а	5Б

Кім өзінің сабақ кестесін жатқа білмейді, күнделігінен қарап жазуға болады.

ІІ деңгей.

1. 5 бағаннан 4 жолдан тұратын кесте құрыңыз.

2. 3 оқушы туралы мәліметпен кестені толықтыр.

3. Кестеге жиектеу орналастыр

Оқушы туралы мәлімет

Р/с	Оқушының аты-жөні	Туған жылы	Мекен-жайы	Телефоны
1
2
3

ІІІ деңгей.

1. Кестені қолдан сызып шығу арқылы сызықтың типі мен түсін таңдап кесте құрыңыз.

2. Кестенің ішін мәтіндермен толтырыңыз

3. Кестені белгілеу –Направление текста /Мәтін бағыты/ командасы арқылы 1-ші бағанды толтыр.

4. 1-ші жолдағы мәліметтерді ортаға туралап, қарайтылған (Ж), қисайтылған (К) түрде жаз.

5. Кестенің соңынан тағы 1 баған қос оң жағына, оған Қолы деген мәлімет енгіз.

6. Tab пернесін басып 1 жол қос, 4-ші ұяшықты біріктір.

«Менің күнделігім»

Күні	№	Пәндер	Үйге тапсырма	бағасы
31.10.09Сенбі	1 2 3 4	Тарих География Математика Информатика	Кестемен жұмыс	5

Сабақтың қорытындысы

Тест сұрақтар

1. MS Word –та кесте құру үшін ...
   1. Таблица →Вставить→Таблица
   2. Таблица →Вставить→Ячейки
   3. Таблица →Вставить→Столбцы
   4. Таблица →Вставить→Сторки

2.   MS Word –та кестеге жолдар қосу үшін
   1. Таблица →Вставить→Таблица
   2. Таблица →Вставить→Ячейки
   3. Таблица →Вставить→Столбцы
   4. Таблица →Вставить→Сторки

3. .  MS Word –та кестелерді жиектеу үшін
   1. Таблица →Вставить→Таблица
   2.Формат →Граница и заливка
   3. Вставка → Номера страниц
   4. Формат → Абзац

4. MS Word –та таблицада ұяшықтарды жою үшін
   1. Таблица →Удалить→Таблица
   2. Таблица → Удалить →Ячейки
   3. Таблица → Удалить →Столбцы
   4. Таблица → Удалить →Сторки

5.   MS Word –та таблицада бағандарды жою үшін
   1. Таблица →Удалить→Таблица
   2. Таблица → Удалить →Ячейки
   3. Таблица → Удалить →Столбцы
   4. Таблица → Удалить →Сторки