Сабақтың тақырыбы: Мәліметтер қорын басқару жүйелері (МҚБЖ). Кесте құру.
Сабақтың мақсаты:
мәліметтер қоры мен МҚБЖ туралы жалпы түсінік беру;
мәліметтер қорының негізгі ұғымдарын енгізу;
MS Access –те мәліметтер қорының кестелерін құруды үйрету.
Оқушылар білуі тиіс:
мәліметтер қорының анықтамасын, жіктемесін, реляциялық мәліметтер қорының құрылымдық элементтерін;
МҚБЖ не екенін, MS Access-тің функционалдық мүмкіндіктерін, MS Access-тің қолданушы интерфейсін, жаңа мәліметтер қорын жасау әдістерін;
кестемен жұмыс істеу режимдерінің қолдану аймағын, кестені жасау әдістерін, кесте өрісінің типтерін.
Оқушылар үйренуі тиіс:
мәліметтер қорының түрін анықтау, құрылымын қалыптастыру;
конструктор және кесте режимдерінде кестелерді құруды, берілген өрістің типін анықтай алуды, кестені толтыруды.
Сабақтың барысы:
І Ұйымдастыру кезеңі
ІІ Сабақтың мақсат міндеттерін қою
Оқушылар мәліметтер қорының негізгі ұғымдарын төменгі сыныпта игерген болатын: мәліметтер қоры, мәліметтер қорының құрылымы, мәліметтер қорының кестесі, жазбалар, іздеу, сұрыптау, қорытынды мәндерді шығару. Сұрақтар қою арқылы бұл тақырыптардың мазмұнын талдап, мәліметтер қоры бойынша ұғымдардың негізгі жиынын жалпылап, толықтырамыз.
ІІІ Білімді өзектендіру
Ақпаратты сақтау-кез келген компьютердің негізгі қызметтерінің бірі. Үлкен көлемді ақпараттарды сақтау үшін қандай программалар қолданылады? (Жауап: Мәліметтер қорын басқару жүйелері)
ІV Жаңа материалды түсіндіру
Мәліметтер қоры – арнайы пішімдегі файл, ол берілген құрылымдағы ақпараттардан тұрады. Мәліметтер қорының мәліметтерін ұйымдастыру 3 типке бөлінеді: иерархиялық, желілік, реляциялық (кестелік).
Ақпаратты сақтау құрылымның кең таралған түрі реляциялық мәліметтер қоры болып табылады.
Реляциялық үлгі ақпараттан тұратын кестелердің арақатынасына негізделген.
Мәліметтер қорының құрылымының негізгі элементтері – өрістер (поля) мен жазбалар (запись) болып табылады.
Реляциялық мәліметтер қорының негізгі нысандары сұраныстар (запросы), формалар, есеп берулер (отчеты), макростар мен модульдер болып табылады.
Мәліметтер қоры мен МҚБЖ пайдаланып шешілетін негізгі есептер келтіріледі:
мәліметтер қорының құрылымын жасау;
мәліметтер қорын толтыру;
мәліметтер қорын түзету;
ақпаратты ыңғайлы түрде бейнелеу.
V. Тәжірибелік жұмыс.
Оқушылар жұмыс дәптерлерінен деңгейге сәйкес тапсырмалар орындайды.
VІ.Қорытындылау
VІІ. Үй тапсырмасы
§7,8 оқу, бақылау және тест сұрақтарына жауап беру
«Менің сыныптастарым»тақырыбына мәліметтер қорын құру
