Конспект по информатики на тему "Файлдар, бумалар және жарлықтар "

САБАҚ ЖОСПАРЫ «Тексерілді»

Оқу ісі-жөніндегі орынбасары

«___________» ________2015 ж ___________________

Пән аты: Информатика

Сыныбы 5

Сабақтың тақырыбы: Файлдар, бумалар және жарлықтар

Сабақтың мақсаты:

1. Windows негізгі нысандарының анықтамалары мен сипаттамалары туралы оқушыларға түсінік беру, бума мен жарлық құруды үйрету. Файлдар, бумалар, белгішелер атауларын өзгерту жұмыстарын орындаудың дағдыларын қалыптастыру.

2. Оқушылардың пәнге деген қызығушылықтарын арттыру және компьютермен сауатты жұмыс жасау мүмкіндіктерін дамыту.

3. Оқушыларды ұқыптылыққа, ұйымшылдыққа, компьютермен сауаты жұмыс жасай білуге үйрету.

Сабақтың түрі: Жаңа сабақ

Әдісі: Көрсете- баяндау, пікірлесе- түсіндіру.

Сабақтың көрнекілігі: ДК, слайдтар, үлестірмелі тапсырмалар

Сабақтың барысы:

І. Ұйымдастыру

ІІ. Үй тапсырмасын тексеру

ІІІ. Жаңа сабақ

ІV. Үйге тапсырма

V. Қортындылау

І. Сабаққа келмеген оқушыларды түгендеу, үй тапысырмасын пысықтау.

ІІ.Үй тапсырмасын тексеру.

1. ОЖ дегенімз не? Ол қандай функцияларды орындайды?

2. Windows ОЖ интерфейсінің негізгі нысандарын және басқарушы элементтерін атаңдар?

3. Жұмы үстелінің негізгі элементтерін атаңдар?

4. Тапсырмалар тақтасында не орналасқан?

5. Терезені басқарудың қандай элементтерін білесіңдер?

ІІІ. Жаңа сабақ.

Файлдық жүйенің негізгі нысандары файлдар,бумалар және жарлықтар.

Файлдар

Файл - байттардың әлдебір атауы бар тізбегі.

Windows операциялық жүйесінде файл атының ұзындығы 255 символға дейін болуы мүмкін.

Файлдың атын жазу үшін мына символдарды қолдануға болмайды: \ / : * |

Бумалар

Бума қайсыбір тәсілмен ақпаратты және файлдар мен бумаларды реттеу үшін құрылады.Буманың,файл сияқты, аты және мөлшері бар.

Бумалардың түрлері:

• Жүйелік бумалар. Windows операциялық жүйесін өзі құрып, тұтынушыға жұмыс жасауға көмектеседі. Оларды жоюға немесе басқа терезеге орнын ауыстыруға болмайды.

• Жұмысшы бумалар. Тұтынушылардың өздері құрады. Оларға Windows-те рұқсат етілген амалдардың бәрін қолдануға болады.

Жарлықтар

Жарлық-нысанға қолжетімділікті жеңілдететін, нысанның сілтеме көрсеткіші. Жарлық программаны тез іске қосуға немесе файл мен буманы тез ашуға арналған.

Бумалардың бұтақталуы (иерархиясы)

Бумалардың бірінің ішіне бірі салынуы мүмкін. Ақпараты сақтаудың мұндай құрылымы иерархия деп аталады.

Файлдың атымен бірге жазылған файлға дейінгі жол файлдың толық аты деп аталады.

Жаңа бума құру.

Жаңа бума құру үшін:

1. Менің компьютерім бумасын ашамыз.

2. Содан соң өз бумаларынды оның ішіне орналастырғыларың келетін буманы ашамыз. Мысалы: Менің құжатым бумасын ашамыз.

3. Менің құжатым бумасының терезесінің бос орнына тышқанның нұсқағышын орналастырып, оның оң жақ батырмасын шертеміз.

4. Шыққан динамикалық менюдің Құру командасын шертеміз.

5. Экранда пайда болған бағынқы менюден Бума командасын таңдаймыз.

Мының бәрін орындаған соң экранда «Жаңа бума» атты жаңа бумасының белгісі пайда болады. Пернетақтадан қажет атты енгізіп, Enter пернесін шертеміз.

Жарлық құру үшін:

Бірінші әдіс:

1. Тышқан нұсқағышын керек объектіге апарып, онда тышқанның оң жақ батрмасын шертеміз.

2. Пайда болған динамикалық менюден Создат ярлык командасын таңдаймыз.

Екінші әдісі:

1. Таңдаған белгішеде тышқанның оң жақ батрмасын шертеміз.

2. Пайда болған динамикалық менюден Создать ярлык командасын таңдаймыз. Windows буманы объектінің өзі орналасқан белгіше жасайды.

3. Жаңа ғана жасалған белгішені қажетті орынға жылжытамыз.

Бумалардың, файлдардың немесе жарлықтардың аттарын өзгерту.

Объектінің атын өзгертудің бірнеше әдістері бар.

1. Қажетті объектінің белгішесінде тышқанның оң жақ батырмасын шертіп, динамикалық менюден Переименовать командасын таңдаймызда, қажетті атты жазып, “Enter” пернесін басамыз.

2. Объектіні белгілеп, пернесін F2 пернесін шертіп. Жаңа атты енгізіп “Enter” пернесін басамыз.

3. Тышқанның сол жақ батырмасын шертіп, объектіні белгілейміз, қапшық терезесінің менюіндегі Файл-Переименовать командасын орындаймыз. Объектінің ескі атының төңірегінде төртбұрышты жақтау пайда болады, оған пенетақтадан жаңа ат енгізіп, “Enter” пернесін басамыз.

4. объектіні белгілеп алып, оның атында тышқан батырмсын тағы бір шертіңдер-оның төңірегінде төртбұрышты жақтау шығады. Онда пернеліктақтадан жаңа ат енгізіңдер немесе ағымдағы атты түзетіміз.

ІV. Үйге тапсырма:

«Файлдар, бумалар және жарлықтар» тақырыптарын оқып келу.

V . Қорытындылау:

1. файл, бума, жарлық дегеніміз не?

2. Файл атауының ең үлкен ұзындығы қандай?

Оқушыларды бағалау.