Компьютерлік графикадан сабақ жоспары

ТЕХНОЛОГИЯЛЫҚ КАРТА №

ПӘН: КОМПЬЮТЕРЛІК ГРАФИКА                                                             ТОП: 302 «Ә»

МЕРЗІМІ:

Сабақтың тақырыбы: Файлдармен жұмыс: құжат ашу, құру, сақтау, импорт, экспорт

Сабақтың мақсаты: Студенттерге Corel draw программасында векторлық графикамен жұмыс жасауды үйрену.

Сабақтың міндеті:

Білімділік: Жаңа ұғымды енгізу, қасиеттерін қалыптастыру, алған білімін жүйелеп, қорытындылауға үйрету.Оқушыларды жұмыстарына өздері баға беруге, талдауға үйрету.

Дамытушылық: Құбылыстардың қасиеттерін және өзара байланысын айыра білуге, оқылып отырған материалдарды жоспарлай білуге, бағдарламамен жұмыс істеу принципін ажырата білуге, теориялық білімін практикада қолдана білуге, есте сақтай білуге үйрету.

Тәрбиелік: Еңбекке тәрбиелеу, қоғам байлығын молайту жолында еңбек ынтасын арттыру, еңбекті құрметтеуге, өз мамандығын сүюге, тапсырманы дер кезінде сапалы орындауға үйрету.

Сабақтың түрі: аралас сабақ

Сабақтың типі: дәстүрлі сабақ

Сабақтың әдіс - тәсілдері: нұсқау беру, лекция элементтері, практикалық

Пән аралық байланыс: ағылшын, орыс тілі

Құрал - жабдықтар: слайд, компьютерлер, Corel Draw программасы, таратпа материалдар

Оқыту технологиялары: АКТ

Әдебиеттер:  Н.Т.Ермеков «Компьютерлік графика». Ю.А.Лобзин, В.Г.Рожавский «Графический дизайн»,

Сабақтың барысы:

1. Ұйымдастыру кезеңі

• Оқушыларды сабаққа жұмылдыру
• Оқушыларды түгелдеу
• Оқушылардың сыртқы бейнесі, дәрісхананың тазалығы
• Оқушылардың жұмысқа дайындығы, жұмыс орнының реті.
• Оқушыларға бүгінгі сабақ барысы түсіндіріледі.

2. Үй тапсырмасын тексеру, сұрау -

• Үй тапсырмасының орындалуын тексеру.

• Оқушы біліміндегі кемшіліктерді саралау және жою.

Алдыңғы тақырыптарда Corel draw бағдарламасымен танысқан болатынбыз. Оқушылардың өткен тақырыптардан алған білімдерін тексеру сұрақтары:

1. Сызық салу панелінің саймандарын атаңыз (еркін форма, безье, перо, 3 нүктесі бойынша қисыз салу, көркемдік безендіру, сынық сызы, қосатын сызы, өлшенген сызық)
2. Безье құралының көмегімен қандай фигура салуға болады? (түзу, қисық сызықтар)
3. Еркін форма құралының атқаратын қызметі
4. Перо мен безье қисығының айырмашылығы
5. Көркемдік безендіру құралы қай кезде жұмыс жасайды?
6.  Үш нүктесі бойынша қисық салу қандай кезде қолайлы?

3. Жаңа сабақты түсіндіру: ауызша баяндау арқылы түсіндіру

Оқушылардың қызығушылығын ояту, сабақты бастамас бұрын оқушылардың жаңа тақырыпқа деген ықыласын, қызығушылығын арттыру. Оқушылардың жаңа тақырыпқа байланысты ойын білу.

Қаралатын сұрақтар:

1. Corel draw бағдарламасы туралы түсінік

2. Бас терезе, интерфейс элементтері.

3. Құжатты сақтау, ашу және жабу.

4. Жаңа құжат құру.

Объектілерді бекіту

1. Соңғы объектіге бекітілетін обьъектіні ерекшелеп алыңыз.
2. Бекіту нүктесі ерекшеленгенше курсорды объект бойынша жылжытып отырыңыз.
3. Бекіту нүктесі көрінбей қалғанша объектіні соңғы объектке жылжытыңыз

Объектілерді бұру

1.      Объектіні ерекшелеу

1. Окно—Окна настройки-Преобразования-Поворот командасын орындаңыз
2. Преобразование-дегі Относительно центра жалаушасын алып тастаңыз
3. Угол өрісінде бұру бұрышын көрсетіңіз

Объектіні теріс қарату

1.      Объектіні ерекшелеу

1. Окно—Окна настройки-Преобразования-Масштаб командасын орындаңыз
2. Преобразование-дегі келесі батырмалардың біреуін басыңыз:
   • Көлденеңінен теріс қарату – объектіні солдан оңға қаратады
   • Тігінен теріс қарату – объектіні жоғарыдан төмен қаратады

Объектілерді топтау

Бір немесе бірнеше объектілерді топтау уақытында бұл объектілер тұтас қарастырылады. Топтастырылған объектілердің барлығына бірдей параметрлер қолданылады. Объектілерді топтау үшін  оларды ерекшелеп, Упорядочить-Сгруппировать командасын орындау керек.  Объектіні топқа қосу үшін, Окно—Окна настройки—Диспетчер объектов командасын орындап, объект атын топ атына алып бару керек.

PowerClip  объектілерін құру

CorelDRAW-да векторлық объектілер мен растрлық бейнелерді орналастыруға  болады. Мысалы, суреттерді басқа объектілердің немесе контейнердің ішіне орналастыруға болады. Контейнер ретінде кез-келген объект алына береді. Мысалы фигуралық мәтін немесе тіктөртбұрыш. өлшемі контейнердің өлшемінен үлкен объект контейнерге кіргізілгенде сол контейнердің өлшемін қабылдайды. Ол контейнердің ішіндегі заты деп аталып, PowerClip объектісі жасалады. PowerClip объектісін жасайтын объектілер: фигуралық мәтін және растрлық бейне.

1. Объектіні ерекшелеу керек.
2. Эффекты – PowerClip -Поместить в контейнер командасын орындау керек.
3. Контейнер ретінде қолданылатын объектіге шерту керек.

Соңғы әрекетті

Құжат ашу       қиып алу  көшіру      қайтару          экспорт

Сақтау   баспаға беру   қою  соңғы әрекетті   импорт                    масштаб

Стандартты тақта аспаптары төмендегі  қатардан тұрады:

• Құру - жаңа құжат құру үшін қолданылады.
• Ашу - құжатты ашу үшін қолданылады.
• Сақтау - құжатты сақтау үшін қолданылады.
• Басып шығару - құжатты басып шығару барысында қолданылады.
• Қиып алу - белгіленген құжатты кесіп алу.
• Көшіру - белгіленген құжатты  көшіріп алу.
• Қою - белегіленген құжатты қою үшін қолданылады.
• Болдырмау - жұмыс істеу барысында соңғы операцияны қайтару.
• Қайтару - қайтарудан бас тартып операцияны орнату.
• Импорттау - құжатқа бейнені орналастыру.
• Экспорттау - құжатқа бейнені орналастыру.
• Қосымша жіберу - Corel Graphic Suite  бумасына кірген қосымша жіберу.
• Желідегі Corel - Corel Corporation компаниясына желі арқылы қосылу.
• Масштабты теңдеу - құжатты масштаб түрінде таңдау.

5. Сабақты бекіту (практикалық тапсырма №1,2,3)

6. Сабақты қорытындылап, оқушыларды бағалау.

7. Үй тапсырмасын беру. Жаңа файл құру, оны сақтау