"?арапайым графикалы? редактор, суретті ашу,са?тау" та?ырыбында?ы ашы? саба?

Сабақтың тақырыбы: Қарапайым графикалық редактор, суретті ашу,сақтау 5 сынып

Сабақтың мақсаты:

Білімділік: Оқушыларды Paint графикалық редакторын меңгеруді,сурет салу және сақтауды үйрету.

Дамытушылық: Раіnt графикалық редактор ұғымымен таныстыра отырып оқушылардың дүниетанымдарын,ой-өрістерін, информатика пәніне қызығушылықтарын дамыту.

Тәрбиелік: Оқушылардың ойлау кабілеттерін арттыру, шапшаңдыққа,ұқыптылыққа тәрбиелеу.

Сабақтың түрі: Жаңа сабақ

Сабақтың әдісі: түсіндіре баяндау әдісі, сұрақ-жауап әдісі, көрнекілік әдісі, миға шабуыл әдісі, проблемалық жағдай туғызу, ой қорыту, тұжырым жасау, дәлелдеу

Пәнаралық байланыс: математика,бейнелеу,

Сабақтың көрнекілігі: компьютерлер, тірек-сызбалар,слайдтар,

«Информатика» оқулығы 5класс

Күтілетін нәтиже:

Оқушыларда графикалық редактор туралы түсінік қалыптасады.

Редакторды іске қоса алады.

Сурет салу кезеңдерін білетін болады.

Графикалық редактор құралдарының қызметін біледі.

Салынған суретті сақтап,ашып,қағазға басып шығара алады.

Сабақтың жоспары:

1.Өтілген тақырыпты қайталау тест

2.Жаңа сабақты түсіндіру.Миға шабуыл

3.Теориялық алған білімдерін практикада орындау

4.Білімді бекіту. Ой қозғау

5.Қорытындалау.

6.Оқушыларды бағалау

Сабақтың барысы:

І. Қызығушылықты ояту. таратылады.

1. Компьютердің негізгі бөліктері қандай?

2. Delete пернесі қандай қызмет атқарады?

3. Enter пернесі қандай қызмет атқарады?

4. Мыналардың қайсысы ақпаратқа жатпайды?

5. Ақпарат дегеніміз не?

2.Жаңа сабақты түсіндіру.Миға шабуыл

Қане, оқушылар кітаптарды,газет-журналдарды тартымды ету, әсерлі, көркем ету үшін қандай жұмыстар орындалады?

Сурет өлшемдерін орнату, түстерді енгізу үшін қандай жұмыстар орындаймыз?

Суреттерді енгізу бізге не үшін керек?

Компьютерде салынған сурет пен қағазға салынған суреттің айырмашылығы неде?

3. Жаңа сабаққа. Мұғалімнің түсіндірмесі.

Ерте кезден-ақ адамдар өз ойларын тасқа бейнелеп, уақыт өте келе қағазға түсірген, ал қазіргі таңда біздер өз ойымызды компьютер арқылы бейнелей аламыз.

-Ендеше бүгінгі өтетін сабағымыз Қарапайым графикалық редакторы

Компьютерлік графикада екі түрі бар: бейнелерді құру,бар бейнелерді өңдеу.

Графикалық редактордың түрі көп.Олардың бірі сурет салу үшін,екіншілері-3Dграфика құру үшін қолданылса,үшіншілері күрделі инженерлік сызбалар жасауға мүмкіндік береді.

Графикалық редактор-графикалық бейнелерді құруға және өзгертуге арналған программа.

PAINT(ағылшынша сурет, сурет салу)-бұл растрлық бейнелермен жұмыс істеуге арналған графикалық редактор.

Пиксель-растрлық бейнелердің ең кішкентай элементі.

Мөлшерін өзгерткенде растрлық бейненің сапасы төмендейді.Сондықтан сурет салу аймағының

қасиеттерін бірден баптаймыз.

Өз мүмкіндіктері бойынша PAINT заманауи талаптарға жауап бере алмайды.Бірақ, PAINT ортасында графиканы өңдеу қағидаларын үйренеміз,одан күрделірек программаларды игеру жеңілдейді.

Сурет салу кезеңдері

Құралды таңдап алу

PAINT редакторында 16 құралды пайдалануға болады. Олардың міндеттерін білу үшін,тышқанның нұсқағышын қажетті құралдың үстіне апару керек, сонда ішіне олардың міндеттеріне жазылған кішкене төртбұрыш пайда болады.

Сызықтың қалыңдығын,қылқаламның түрін немесе төртбұрыштың типін тағайындау

Құралдар тақтасының тура астыңғы жағындағы арнайы аймақта жасауға болады. Сызықтардың қалыңдығын бір нүктеден бастап,бес нүктеге дейінгі өлшемде салуға және қылқаламның,төртбұрыштың бірнеше түрлерін пайдалануға болады.

Кескіннің түсін таңдау

Сурет салатын түсті таңдау үшін,палитрадағы қажетті түстің төртбұрышына тышқан нұсқағышын орналастырып,сол жақ батырмасын шерту керек

Фонның түсін таңдау

Фонның түсін таңдау үшін,палитрадағы қажетті түске тышқан нұсқағышын орналастырып,оң жақ батырмасын шертіңдер.Бұл фонды пайдаланып объектілер жасайтын құралдармен жұмыс істегенде қажет(тік төртбұрыш,көпбұрыш,эллипс,дөңгеленген көпбұрыш)

Редактордың командалары

Редакторда салынған суретін ойдағыдай болмаса, соңғы үш әрекет арқылы түзетуге болады.

Ол үшін Правка- Отменить(орындатпау)

Түзеткен қателеріңізді қайтадан қалпына келтіргіңіз келсе,

Правка- Повторить командасы арқылы тек соңғы үш әрекетті бастапқы қалпына келтіруге болады.

Суретті қалай сақтайды?

Салған суреттерді,графиктерді қажет кезінде пайдалану үшін, оны арнайы дискідегі файлда сақтаған жөн.

PAINT программасының құжатын бірінші рет сақтап қою үшін

«Файл-сохранить как» командасын орындау керек.

Экранға «Сохранить как» диалогтық терезесі пайда болады

Имя файла өрісіне файлға ат беріп, «сохранить» батырмасын басу керек.

PAINT редакторында салынған суреттің кеңейтілімі -.bmp

3.Теориялық алған білімдерін практикада орындау.

Мәтіні бар сурет салу.Салынған суретті сақтау.

4.Білімді бекіту. Ой қозғау

1.Графикалық редактор деген не?

2.Растрлық графиканың кемшілігі неде?

3.Қандай тәсілмен файлды құруға болады?

V. Бағалау

VІ.Үйге тапсырма 14. Оқу,мазмұнын түсініп алу.

Келесі сабақта әр оқушы берілген жұмыстың жобасын графикалық редакторда салып, қорғау.Қолданған құралдар аттарын айту.

1. « Бағдаршам» сызбасын жасап келу

2. « Раушангүл"шоғын салу.