?адамдап б?лу ?дістері

Сабақтың тақырыбы: Қадамдап бөлу әдісі

Сабақтың мақсаты: оқушыларға VisualBasic тілінде үлкен және күрделі процедура кезінде кездесетін қатені түзетуді үйрету

Дамытушылығы: Оқушының әрбір сабаққа ынтасы мен қабілетін біріктіріп, пәнге деген қызығушылығын арттыру.

Тәрбиелігі: Әр оқушыны іскерлікке, нақтылыққа, ынтымақтылыққа тәрбиелеу.

Сабақтың түрі: дәстүрлі

Сабақтың типі: жаңа білім

Сабақтың барысы:

І. Ұйымдастыру

ІІ. Жаңа сабақ

VisualBasic тілінде үлкен және күрделі процедурасы бар жоба құрғанда, жоба қатесіз болуы мүмкін емес. Сондықтан VisualBasic тілі қадам арқылы қатені тексеру тәсілін ұсынады. Қатені тексеру 4 кезеңнен тұрады:

1. Ақиқатты қателікке тексеру

2. Қатені іздеу

3. Қатенің себебін іздеу

4. Қатені түзету.

Программада қатенің 2 түрі болады: синтаксистік, логикалық. Егер VisualBasic тілін қолдансақ, осы қателер кездесу мүмкін:

Жоба: «Санның орташа арифметикалық ортасын табу»

1. Жобаны «Қатені іздеу» деген атпен сақтаймыз.

2. Пішінге бұйрықтық батырма CommandButton, екі мәтіндік TextBox және жазу Label батырмаларын енгіземіз.

3. Пішінге frtцикл, cmdцикл, txtсан, txtорташа деп батырмаларының Name қасиеттеріне жазыңдар.

4. Бірінші мәтіндік батырмаға (txtсан), Multiline қасиетіне True мәнін, ScrollBars қасиетіне – 2 (Vertical ) мәтін беріңдер.

5. Бұйрықтық батырманың Name қасиетіне «Енгізуді баста» деп жазыңдар. Бірінші жазу батырмасына «Енгізілетін сандар», екінші жазу батырмасына «Орташа мән» деп жазыңдар.

Төмендегі процедураны теріңдер:

Private Sub cmdЦикл _Click()

Dim N As Integer

Dim kos as single, or As Single

Dim P As String

Txtсан.text=” “

Kos=0: N=0

P=InputBox(“санды енгізгеннен кейін ‘OK’ батырмасын шертіңдер, енгізуді аяқтағанда ‘Cancel’ батырмасын шертіңдер, “кезекті санды енгізу”)

Do until P=” “ ‘ “Cancel” батырмасын басқанша цикл орындала береді.

N=N+1

Txtсан.txt=Txt.сан.text+P+” “Kos=kos+Val(P)

P=InputBox (“санды енгізгеннен кейін ’OK’ батырмасын шертіңдер, енгізуді аяқтағанда ‘Cancel’ батырмасын шертіңдер, “кезекті санды енгізу”)

Loop

If N=0 Then

MsgBox “ ”

Else

Or=kos/N

Txtорташа.Text=Str(or)

End If

EndSub

Программаға арнайы қате енгіземіз:

• Do until P=” ” жолды Do untile P=” “ деп өзгертеміз.

• Экранда диалогтық терезе пайда болады.

• Егер қатені түзету керек болса, ОК батырмасын шертеміз, қате түсініксіз болса, Анықтама батырмасын немесе F1 батырмасын шертіңдер.

• Қатені түзетіңдер. Бұл қате ішкі оқиғада мысалы файлдың аты дұрыс көрсетілмегендіктен болады.

• Loop сөзін алып тастаңдар, қатенің хабарламасы шығады.

• Қатені тексеріп, программаның орындалуын көріңдер. Ол үшін F5 батырмасын шертіңдер.

• End if сөзін алып тастаңдар. Қатені хабарлау терезесі пайда болады.

• Қатені түзетіңдер.

Осындай қателердің күрделісі логикалық қате. Логикалық қате алгоритмнің дұрыс құрылмағандығынан немесе енгізілген параметрдің дұрыс берілмегендігінен болады.

Қарапайым программалардың қатесін «қадамдық әдіс» арқылы тексеруге болады.

Тапсырма:

• N=N+1 жолын ұмытып кеткендей программадан алып тастаңдар, программаны іске қосыңдар да, үш сан енгізіңдер, Cancel батырмасын шертіңдер. Жүйе қатені хабарлайды.

• Debug мәзірінен , Step Into немесе F8 батырмасын шерту арқылы программаны іске қосыңдар.

• Жоба бірінші жолды сары түспен көрсетеді.

• Private Sub Command1_Click()

• Программадағы айнымалылардың мәні неге тең екендігін көру үшін тінтуірді айнымалыға апарсаңдар болғаны

• Программаның F8 батырмасы арқылы іске қосыңдар.

• P=InputBox (“санды енгізгеннен кейін ’OK’ батырмасын шертіңдер, енгізуді аяқтағанда ‘Cancel’ батырмасын шертіңдер, “кезекті санды енгізу”)ерекшеленеді, F8 батырмасын шертіңдер.

• Экранда санды енгізу терезесі пайда болады. «10» санын енгізіп ОК батырмасын шертіңдер.

• F8 батырмасын шертіп, P айнымалысының мәнін тексеріңдер.

• Р айнымалысына 10 – ды көрсету керек.

• P=InputBox (“санды енгізгеннен кейін ’OK’ батырмасын шертіңдер, енгізуді аяқтағанда ‘Cancel’ батырмасын шертіңдер, “кезекті санды енгізу”)ерекшеленгенше , F8 батырмасын шерте беріңдер.

• Kos айнымалысын тексеріңдер, 10 – ға тең болу керек.

• F8 батырмасын шертіңдер, нәтижесінде Санды енгізу терезесі пайда болады, Cancel батырмасын шертіңдер, Loop жолы белгіленеді.

• F8 батырмасын шертіңдер.

• «Do until P=” “ ‘ “Cancel” батырмасын басқанша цикл орындала береді.» жолы ерекшеленеді, осы жолды өзгертіңдер. Do until P=” “ ‘ “Cancel” батырмасын басқанда цикл тоқтатылады.

• F8 батырмасын шертіңдер.

• If N=0 жолы ерекшеленеді, N=0 екенін тексереміз, келесі F8 басқанда «ешқандай сан енгізілген жоқ» деген хабарлама шығады.

• F8 батырмасын шертеміз, End If келесі EndSub жолдары ерекшеленеді.

• Қатені тексереміз, мүмкін программада кідіріс болуы.

• Онда Do until P=” “ жолын Do жолына ауыстырамыз.

• Программаны іске қосыңдар, санды енгізіп Cancel батырмасын шертіңдер, тағы да осынықайталаңдар, программада кідіріс пайда болады, Ctrl +Break батырмасы арқылы программаның орындалуын үзіңдер. Осыдан кейін Loop жолы ерекшеленеді. Программада тағы да қадамдық тексеру пайдалансақ, онда Loop тан кейінгі жолдың ерекшеленгенін көреміз.

Бақылау сұрақтары:

1. Қарапайым программалардың қатесін қалай тексеруге болады ?

2. Қатені тексеру мен қадамдық әдіспен тексерудің қандай айырмашылықтары бар ?

3. Программада қандай қателер болады ?

4. Программада қатенің неше түрі болады ?

5.

Үйге тапсырма: теориялық түсінікке дайындалу

Бағалау.