?арапайым графикалы? редакторы.Суретті ашу, са?тау.

Пән аты: Информатика Күні: 12.12.14ж №14

Класы: 5«А», 5«Ә»,

Сабақтың тақырыбы: Қарапайым графикалық редакторы.

Суретті ашу, сақтау.

Сабақтың мақсаты:

1.Білімділік: оқушыларға Paint графикалық редакторының мәнін, жүктелуі және суретпен жұмыс істеу командалары туралы түсінік беру.
2. Дамытушылық: өз бетінше жұмыс істеу дағдысын қалыптастыра отырып есте сақтау, ойлау қабілетін, компьютерлік іскерлігін дамыту.
3. Тәрбиелік: еңбекке, қоршаған ортадағы көрген дүниесін бейнелей білуге тәрбиелеу.

Типі: жаңа сабақ

Әдісі: түсіндіру, сұрақ-жауап, практикалық жұмыс

Көрнекілік: проектор, компьютер,

Пәнаралық байланыс: бейнелеу өнері, сызу

Сабақтың барысы:

І. Ұйымдастыру кезеңі

а) сәлемдесу әдебі: Оқушылармен сәлемдесу

ә) сабақққа қатысуын бақылау: Кезекші арқылы сынып оқушыларын түгендеу.

ІІ. Өткен тақырыпты қайталау «Ой қозғау»

1.Ақпарат тасмалдаушылар компьютердің қандай жадысына жатады?

(Сыртқы.)

2. Сыртқы жады дегеніміз не? (бұл, біріншіден, винчестер, ал екіншіден, иілгіш және компакт-диск, компьютерді өшіргеннен кейін де енгізілген ақпаратты сақтайтын жад).

3. Сыртқы жады неше түрге бөлінеді?(3-ке,магнитті дисклер,флеш-жады,оптикалық дисклер)

4.Ctrl+O пернелер тіркесімі қандай бұйрықты алмастырады? (Ашу)

5. Ctrl+S пернелер тіркесімі қандай бұйрықты алмастырады? (Сақтау)

6.Қосымшаның терезесін жабу үшін қандай пернелер тіркесімін қолдануға болады?(Alt+F4)

ІІІ. Жаңа сабақты түсіндіру

Paint графикалық редакторы - бұл сурет салуға арналған редактор.Редактор мүмкіндіктері: сурет салуға, көшіруге, суретті сақтауға, ашуға,бояуға, өшіруге және т.б. әрекеттер орындауға болады.

Paint графикалық редакторын іске қосу тәсілі:
a. Іске қосу (пуск) батырмасын шертеміз.
b. Бас менюден Программалар (Программы) командасын таңдаймыз.
c. Ашылған бағынқы менюден Стандартты командасын таңдаймыз.
d. Келесі бағыныңқы менюден Рaint графикалық редакторын таңдаймыз.
Енді бұл тізбекті мына түрде жазамыз: Іске қосу-Барлық программалар-Стандартты- Рaint Пуск – Программы – Стандартные – Paint .

Бұл тізбекті орындаған соң экранда Paint графикалық редакторының терезесі пайда болады.

Терезе элементтері: Тақырып жолы, меню жолы, құрал – саймандар тақтасы, түстер палитрасы, жұмыс алаңы.

Сурет салу кезендері
1. Құралды таңдап алу керек.

Рaint бағдарламасында 16 құрал сайман бар.

2. Сызықтың қалыңдығын, қылқаламның түрін немесе төртбұрыштың типін тағайындау.
Мұны құралдар тақтасының тура астыңғы жағындағы арнайы аймақта жасауға болады. Сызықтардың қалыңдығын бір нүктеден бес нүктеге дейінгі өлшемде салуға және қылқаламның, төртбұрыштың бірнеше түрлерін пайдалануға болады.
3. Кескіннің түсін таңдау.
Сурет салатын түсті таңдау үшін, палитрадағы қажетті түстің төртбұрышына тышқан нұсқағышын орналастырып, сол жақ батрмасын шертеміз.
4. Фонның түсін таңдау.
Фонның түсін таңдау үшін, палитрадағы қажетті түске тышқан нұсқағышын орналастырып, оң жақ батырмасын шертіңдер.Бұл фонды пайдаланып объектілер жасайтын құралдармен жұмыс істеген қажет.

.Суретті сақтау: бірінші рет сақтау үшін Файл – Сохранить как командасын орындаймыз. Суретті ашу: Файл – Открыть

Экранды тазалау: Рисунок – Очистить командасын орындау

Paint графиктік редакторды іске қосып, ондағы құрал-саймандар тақтасымен жұмыс жасауды түсіндіру, үйрету.

Paint графиктік редактордың терезесінің элементтерін түсіндіру.

Төртбұрыш, эллипс, тік сызық, құю, өшіргіш батырмаларымен жұмыс жасап көрсету.

Практикалық тапсырма

Интерактивті тақта арқылы практикалық тапсырма берілген соны әр оқушы өз компьютеріне салады.

І тапсырма. Paint графикалық редакторының құралдарын пайдаланып, үйшіктің суретін салыңыз .

ІІ тапсырма. Жұмбақтың шешуін тауып, суретін салыңыз

1.Жаңбыр жауса нөсерлеп,

Әрі-сәрі болмаймын.

Алып жүрсең қолыңа,

Су болудан қорғаймын

(қолшатыр)

ІІI тапсырма.

2.Қақаған қыста,

Өседі тыста.

Өзгертпей өңін,

Сақтауға ұста.

(шырша)

ІV тапсырма.

1.Күндіз кірер «інге»,

Жұрт қалады білмей.

Шығады тек түнде,

Болам дейді күндей.

(ай)

ІV тапсырма.

1. Көктем сайын жайқалып,

Жаңбыр суын ішемін.

Күз болғанда сарғайып,

Қурап-қурап түсемін

(жапырақ)