?апшы?тарды, файлдар ж?не та?башаны жою ж?не ?алпына келтіру. Себетті тазалау.

Сабақ Сыныбы Күні:

Сабақтың тақырыбы: Қапшықтарды, файлдар және таңбашаны жою және қалпына келтіру. Себетті тазалау.

Сабақтың мақсаты:

Білімділік: Оқушыларды объектілермен жұмыс жасауға үйрету, қапшықтарды, файлдар және таңбашаны жою, өшірілген қапшықтарды, файлдар мен таңбашаларды қайта қалпына келтіруді және корзинаны қалай тазалауды үйрету.

Дамытушылық: Оқушылардың объектілермен жұмыс жасау арқылы ойлау, есте сақтау қабілеттерін дамыту.

Тәрбиелік: Оқушылардың тақырыпқа деген қызығушылығын арттырып, ұқыптылыққа тәрбиелеу.

Болжамдап отырған нәтиже: Оқушылар объектілермен жұмыс жасай алады, қапшықтарды, файлдарды және таңбашаны жойып, өшірілген қапшықтарды, файлдар мен таңбашаларды қайта қалпына келтіре алады, корзинаны тазалай алады

Сабақтың типі: Аралас.

Сабақтың түрі: Жаңа білімді меңгерту.

Көрнекі құрал-жабдықтар: Интерактивті тақта, оқулық, электронды

оқулық, компьютер.

Сабақтың жоспары:

1. Ұйымдастыру кезеңі (1-2 мин)

1. Оқушылармен амандасу, түгелдеу.

2. Оқушылардың зейінін сабаққа аудару.

1. Үй тапсырмасын сұрау (2 мин)

2. Өткенді қайталау (10 мин)

1. «Ғажайып шеңбер» -Сұрақ-жауап

2. «Сиқырлы қобдиша» - Миға шабу (2 мин)

Қызығушылықты ояту

1. «Өзің үшін жазу» стратегиясы (3 мин)

(Бүгін объектілермен жұмыс бойынша сіздер не үйренгілеріңіз келеді?)

IV. Жаңа сабақ (8 мин)

4.1. Мұғалім түсіндірмесі – Кітаппен жұмыс

4.2. Электронды оқулық

V. Жаңа сабақты бекіту

Мағынаны ажырату

«Кубизм» стратегиясы (8мин)

5.1. 1. Суреттеңіз.

2. Қолданыңыз.

3. Салыстырыңыз.

4. Бұл туралы ойлағанда көз алдыңызға не елестейді?

5. Зерттеңіз.

5.2. Компьютермен жұмыс (5 мин)

VI. Жаңа сабақты қорытындылау (2мин)

5.1. Сұрақ – жауап - жұмысы

VII. Сабақты қорытындылау және оқушыларды

бағалау (3мин)

Ой толғаныс

«Өзің үшін жазу» стратегиясын аяқтау

(Бүгін объектілермен жұмыс бойынша сіздер не үйрендіңіздер?)

VIIІ.Үй тапсырмасы

Сабақтың барысы:

І. Ұйымдастыру кезеңі

1. Оқушылармен амандасу, түгелдеу.

2. Оқушылардың зейінін сабаққа аудару.

ІІ. Үй тапсырмасын сұрау

ІІІ. Өткенді қайталау

3.1.«Ғажайып шеңбер» -Сұрақ-жауап - жұмысы

(Шеңберді айналдыра отырып, әр оқушы өзіне түскен нөмір бойынша сұрақтарға жауап береді)

1. Windows объектілері деп нені айтамыз?

2. Қапшық дегеніміз не?

3. Windows XP операциялық жүйесінде – жұмысты неден бастаймыз?

4. «Менің құжаттарым» командасының қызметі қандай?

5. Тышқанның жұмыс істеу принцпі нешеге бөлінеді?

6. Тапсырмалар тақтасы жұмыс үстелінің қай жерінде орналасқан?

7. Windows операциялық жүйесінің негізгі объектісі не болып табылады?

8. Барлық терезелерді неше топқа бөлуге болады?

9. Объектілерді жылжыту мен көшірудың қандай жолдары бар?

10.Объектілерді жабық қапшыққа көшіру және жылжыту үшін қандай әрекет жасау керек?

11.Объектілерді меню командалары арқылы қалай көшіріп және жылжытуға болады?

12. Объектілердің аттарын қалай өзгертеміз??

13. Терезенің шекарасын қалай өзгертуге болады?

14. «Пуск» батырмасы көмегімен программаларды қалай іске қосады?

15. Бағыттаушы қолданбасы дегеніміз не?

16. Файл дегеніміз не?

17. Файл қанша бөліктен тұрады?

18. Жаңа қапшықты қалай құрамыз?

19. Объектілерді жылжыту мен көшірудің қанда жолдары бар?

20. Файлдың типі қанша символдан тұрады?

3.2. «Сиқырлы қобдиша» - Миға шабу

(Интерактивті тақтадағы қобдишадан, оқушылар жасырын сөзді, қауіпсіздік те хникасын айта отырып, табулары керек? Қобдишадан - өтілетін жаңа тақырып аты шығады).

Қауіпсіздік техникасын сұрау.

1. Қауіпсіздік техникасы неше пункттен тұрады?

2. Компьютерде жұмыс істер алдындағы қауіпсіздік техникасына не жатады?

3. Компьютермен жұмыс кезінде қандай қауіпсіздік техникасын сақтауымыз керек?

Қызығушылықты ояту

«Өзің үшін жазу» стратегиясы

(Интерактивті тақтада - Бүгін объектілермен жұмыс бойынша сіздер не үйренгілеріңіз келеді?- деген тақырып жазылып тұрады. Осы тақырып бойынша, оқушылар Пальманың діңгегін салады).

IV. Жаңа сабақ

4.1. Мұғалім түсіндірмесі – кітаппен жұмыс

Қапшықтарды, файлдарды және таңбашаны жою

Бір қарағанда қажетті емес және аса маңызды емес болып көрінетін объектілерді өшіру өте қауіпті қадам. Объектіні ойланбай жою программаның дұрыс жұмыс істемеуіне немесе тіпті жүйенің бұзылып қалуына әкеледі.

Жою опрациясы тек оқытушының бақылауымен ғана жүргізілуі керек!

Объектіні немесе объектілер тобын жоюдың бірнеше жолы бар:

1. Объектіні белгілеп, DEL пернесін басыңдар.

2. Белгіленген объектіде тышқанның оң жақ батырмасымен шертіп, динамикалық менюден Удалить командасын таңдаңдар.

3. Объектіні немесе объектілер тобын белгілеп, қапшық терезесі менюіндегі Файл – Удалить командасын командасын орындаңдар.

4. Объектіні немесе объектілер тобын таңдап, Жұмыс үстеліндегі Корзина (Себет) белгішесіне апарыңдар.

Жоғарыда айтылған әдістердің қайсысын пайдалансаңдар да экранда «Өшіру қажет пе?» деген сұрау терезесі шығады.

Егер сендер Да (Иә) батырмасын шертсеңдер, онда өшірілетін объектілер автоматты түрде Корзинаға (Себетке) салынады. Кейін оны корзинадан алып, қайта қалпына келтіруге болады. Егер сендер Нет (Жоқ) батырмасын бассаңдар, онда объект жойылмай, бұрынғы орнында қалады.

1-сурет. Жоюды растауды сұрату терезесі

(Жоюды қапшық терезесіндегі менюдің Правка – Отменить удаление командасын орындап, іске асыруға болады)

Өшірілген қапшықтарды, файлдар мен таңбашаларды қайта қалпына келтіру

Объект Корзинада оны жойғанша немесе қалпына келтірагенше сақталады.

Корзинадағы объектілерді көру үшін , оның белгішесінде тышқанды екі рет шертіп, Корзинаны ашу керек. Экранда корзинаның жойылған объектілер аттарының тізімі бар терезесі пайда болады.

2-сурет. Корзина – жойылған файлдардың уақытша қоймасы.

Үнсіз келісім бойынша Корзина қапшығының ішіндегі мазмұны кесте түрінде шығады, ол әрбір объекті қашан және қай қапшықтан жойылғаны жөнінде ақпараты бар бағандардан тұрады.

Мұнда әдеттегі қапшықтармен жұмыс жасағандай, сәйкес тақарыпта тышқанның батырмасымен шертіп, кесте элементтерінің орналасу ретін өзгертуге болады. Корзинадағы объектілерді бұрынғы, одан алынған қапшықта немесе басқа қапшықта қалпына келтіруге болады.

Корзинадағы объектіні қалпына келтіру үшін, оны белгілеп, Файл-Востановить командасын таңдаңдар. Сонда объект өзі одан жойылған қапшықта қайта қалпына келеді. Егер ол қапшық жоқ болса, Windows қапшықты қайта құруға рұқсат сұрайды.

Объектіні корзинадан басқа қапшықта қалпына келтіру үшін, қажетті объектіні белгілеп, Правка – Вырезать командасын орындаңдар немесе тышқанның оң жақ батырмасымен белгеленген объектіде шертіп, динамикалық менюден Вырезать командасын таңдаңдар.

Содан кейін қалпына келтірілетін объектіні сақтағыларың келетін қапшықты ашыңдар, қабылдаушы қапшық терезесіндегі менюдің Правка-Вставить командасын таңдаңдар.

Корзинаны (Қоржынды) қалай тазалайды

Корзинада сақталатын файл бұрын дискіде қанша орын алса, Корзинада да сонша орын алады.

Егер файлдарды жаңа файлдар мен құжаттарға орын босату үшін жоятын болсаңдар, онда әдеттегі қапшықтан Корзина қапшығына тасымалдау сендерге еш нәрсе бермейді. Бұл жағдайда файлдарды дискімен мүлдем жою керек.

Корзинадан объектілер тобын жою керек болса, онда Ctrl пернесін басып тұрып, топтың әр объектісінде тышқан батырмасымен шертіңдер. Егер объектілер терезеде бірінен кейін бірі қатармен орналасса, онда алдымен бірінші объектіде тышқанмен шертіңдер, Shift пернесін басып тұрып, соңғы объектіде тышқанды шертіңдер.

Корзинадағының барлығын бірден жою үшін, оның белгішесінде тышқанның оң жақ батырмасымен шертіңдер де, динамикалық менюден Очистить корзину командасын таңдаңдар немесе Корзинаны ашып, Файл-Очистить корзину командасын орындаңдар.

4.2. Электронды оқулық

Дискілерді пішімдеу

Дискімен жұмыс істегенде, оларды пішімдеу керек болады, яғни берілген операциялық жүйемен жұмыс істеу үшін оған белгілер қою керек. Пішімдеу кезінде дискідегі барлық ақпарат жойылады.

Дискіні пішімдеу үшін:

1. Мой компьютер белгішесіне тышқан нұсқағышын орналастырып, онда екі рет шертіп, терезені ашыңдар.

2. Қапшық терезесіндегі А: дискінің белгішесінде тышқанның оң жақ батырмасымен шертіңдер.

3. Динамикалық менюден Форматировать командасын таңдаңдар.

Windows экранда пішімдеудің қажетті тәсілін таңдайтын терезені бейнелейді.

Пішімдеудің екі тәсілі бар:

1. Толық пішімдеу – пішімдеу кезінде дискінің бұзылған секторлары бар – жоғын тексеру әдісі. Бұл әдіс негізінде диск жаңа болғанда қолданылады.

2. Тез пішімдеу – пішімдеу кезінде дискідегінің барлығын өшіру әдісі. Бұл режим бұрын ешқашан пішімделмеген дискілер үшін қолданылмайды.

Пішімдеу әдісін таңдағаннан кейін, Начать батырмасында тышқанды шертіңдер.

Объектіні дискетке көшіру

Біз жоғарыда көшірудің екі жолын «апарып қою» және «алмасу буферінің көмегімен көшіруді» қарастырдық. Дискетке көшіру үшін, бұл екі әдістің екеуін де пайдалануға болады.

Ақпаратты дискетке апарып қою әдісімен көшіру үшін, келесі әрекеттерді орындаңдар:

1. Дискетті дискіжетекке кіргізіңдер.

2. Мой компьютер қапшығын ашыңдар.

3. Дискіжетектің Диск 3,5 (А:) белгішесіне тышқанның батырмасымен екі рет шертіңдер.

4. С: қатқыл дискінің белгішесінде тышқан батырмасымен екі рет шертіңдер.

5. Қатқыл дискіде одан объектіні көшіріп алғың келетін қапшықты ашыңдар.

6. Диск 3,5(А) терезесі мен беруші қапшық терезесін қатар орналастырыңдар.

7. Беруші қапшықтың терезесінде көшірілетін файлды немесе каталогты тышқан батырмасымен іліп алып Диск 3,5(А) дискетінің терезесіне апарып қойыңдар. Сонан соң Копирование... терезесі пайда болады.

8. Экраннан Копирование... терезесі жойылғанда, көшіру жұмысы аяқталады.

V. Жаңа сабақты бекіту

Мағынаны ажырату

«Кубизм» стратегиясы

5.1. 1. Суреттеңіз.

2. Қолданыңыз.

3. Салыстырыңыз.

4. Бұл туралы ойлағанда көз алдыңызға не елестейді?

5. Зерттеңіз.

5.2. Компьютермен жұмыс

Өзің орында. 103 - бет.

VІ. Жаңа сабақты қорытындылау

6.1. Сұрақ – жауап

1. Объектілерді немесе объектілер тобын жоюдың қандай жолдары бар?

2. Өшірілген объектілер немесе объектілер тобын қандай әрекеттермен қалпына келтіруге болады?

3. Қоржынды (Корзинаны) қалай тазалауға болады?

VІI. Сабақты қорытындылау және оқушыларды бағалау.

Ой толғаныс

«Өзің үшін жазу» стратегиясын аяқтау

(Бүгін объектілермен жұмыс бойынша сіздер не үйрендіңіздер?)

VIІІ.Үй тапсырмасы: §3.5 – оқу.

7