Бағандар. Беттердің параметрлері. Жиек. Құжатты баспадан шығару.

Сыныбы:  7 «ә»      Күні:

Сабақтың тақырыбы: Бағандар. Беттердің параметрлері.

                                         Жиек. Құжатты баспадан шығару.

Сабақтың мақсаты:

Құжаттың құрылымы, мәтінмен жұмысқа дағдыландыру, беттердің параметрлерін қоюды, жиек, алдын-ала қарауға, құжатты баспадан шығаруға үйрету; Оқушыларды тиянақтылыққа, тәрбиелікке,ұқыптылыққа үйрету; Теориялық алған білімдерін практика жүзінде орындау дағдыларын ойын элементтерін қолдану арқылы дамыту.Оқушылардың ойлау қабілетін, логикалық-абстракциясын дамыту;

Оқушылардың үйренуі тиіс: мәтінді реттеуді, сызғышты пайдалануды, мәтінді баған түрінде рәсімдеуді, құжатты алдын-ала қарап, баспадан шығаруды

Сабақтың түрі: аралас  сабақты меңгерту

Сабақтың көрнекілігі: Word бағдарламасы, интербелсенді тақта, слайд, оқулық,  дәптерлері, компьютер,стикерлер,түрлі-түсті қаламдар,постер,таратпа карточкалар,смайлингтер

Сабақтың барысы:

І.Ұйымдастыру бөлімі

(оқушылармен амандасу, түгендеу, назарларын сабаққа аудару,көңіл күйлерін сұрау,техника қауіпсіздігін еске түсіру)

Видеоролик  «Техника қауіпсіздік ережесі»

ІІ.Ой қозғау “Ғажайып қоржын” ойыны (Үй тапсырмасын сұрау)

ІІІ.Жаңа  сабақты  түсіндіру

ІҮ.Практикалық жұмыс

Ү.Ой қорыту : Постер қорғау

ҮІ.Оқушыларды  бағалау.

ҮІІ.Үйге тапсырма

 ҮІІІ. Рефлексия “Екі жұлдыз,бір тілек”

Оқушыларды  алмалар арқылы 2 топқа бөлеміз  (қызыл,сары )

ІІ. Үй тапсырмасы

«Ғажайып қоржын» ойыны.

Қоржын ішінде өтілген тақырыптар жазылған  екі топ  қоржынның ішінен сандарды алады, сол сан арқылы тақтада 10 сұрақтар  жасырылады. Қатысушылар әр бір сұраққа жауап беріп ұпайларын алып отырады.

1. Word мәтіндік редакторының қызметі?

2. Word мәтіндік редакторын іске қосу жолы?

3. Word мәтіндік редакторының терезе элементтері қандай?

4. Жаңа құжатты қалай құрамыз?

5. Құжатты қалай сақтаймыз?

6. Мәтіндік құжатқа нөмірленген немесе маркерленген тізім қосу үшін орындалатын команда?

7.Тізімнің қандай түрлерін білесіңдер?

8.Тізімдерді  не үшін қолданамыз?

9.Мәтінді пішімдеу дегеніміз не?

10.Абзац   дегеніміз не?

ІІІ.Жаңа сабақ

Бағандағы  мәтін

Microsoft Word 2007 бағдарламасы мәтінді баған түрінде безендіруге мүмкіндік береді. Мәтінді бұлай бейнелеу тәсілі газеттік және журналдық статьяларда кеңінен пайдаланылады. Бағандағы мәтін қарапайым мәтін сияқты пішімделеді. Бағанды Бағандар диалогтық терезесінің көмегімен немесе лентада Беттерді белгілеу  қосымшасында  Беттер параметрлері тобындағы Бағандар батырмаларының көмегімен құруға болады. 

4.51. Сурет. Бағандар батырмалары

 Баған құру үшін келесі әрекеттерді орындаңыз:

1.          Бүккіл құжатты немесе бағанға түрлендіру қажет бөлігін ерекшелеңіз;

2.          Лентада Беттерді белгілеу  қосымшасына өтіңіз;

3.          Беттер параметрлері тобындағы бағандар батырмасын басыңыз және менюден бағанға түрлендірудің қажетті нұсқасын таңдаңыз (4.52. Сурет)

Бағандар менюі

Беттің параметрлерін қою

Мәтіндік құжатта беттің параметрлерін орнату үшін: Разметка страницы - Параметры страница командасын орындаймыз.

Ашылған терезеден жиек параметрлері, қағаз өлшемі, қағаз типін таңдап, өзгертулер жасауға болады.

Құжатты баспдан шығару үшін: Файл-Печать командасын орындаймыз. Ашылған Печать терезесінен принтер түрін, қанша немесе қандай бетті баспаға жіберетінінді таңдап Ок батырмасын басу керек.

IҮ. Компьютерде тәжірибелік жұмыс

1-тапсырма

1.Өлеңді теріңдер.

 2.Өлеңді көшіріңдер.

3.Өлеңнің түп нұсқасын екі бағанға орналастырыңдар.

4. Өлеңнің көшірмесін бөлгіші бар үш бағанға орналастырыңдар.

5.Өлеңді әрлеңдер.

Қансонарда бүркітші шығады аңға 

Қансонарда бүркітші шығады аңға,
Тастан түлкі табылар аңдығанға.
Жақсы ат пен тату жолдас – бір ғанибет,
Ыңғайлы ықшам киім аңшы адамға.
Салаң етіп жолықса қайтқан ізі,
Сағадан сымпың қағып із шалғанда.
Бүркітші тау басында, қағушы ойда,
Іздің бетін түзетіп аңдағанда.
Томағасын тартқанда бір қырымнан,
Қыран құс көзі көріп самғағанда.
Төмен ұшсам түлкі өрлеп құтылар деп,
Қандыкөз қайқаң қағып шықса аспанға,
Көре тұра қалады қашқан түлкі,
Құтылмасын білген соң құр қашқанға.
Аузын ашып, қоқақтап, тісін қайрап,
О да талас қылады шыбын жанға.

2-тапсырма

1. Өлеңді теріңдер.
2. Өлеңді көшіріңдер.
3. Мәтінді  екі  бағандарға бөліңдер.
4. Өлеңнің  көшірмесін сол жақ бағанға орналастырыңдар.
5. Өлеңді әрлеңдер

Күз 
Сұр бұлт түсі суық қаптайды аспан,
Күз болып, дымқыл тұман жерді басқан. 
Білмеймін тойғаны ма, тоңғаны ма,
Жылқы ойнап, бие қашқан, тай жарысқан.
Жасыл шөп, бәйшешек жоқ бұрынғыдай,
Жастар күлмес, жүгірмес бала шулай. 
Қайыршы шал-кемпірдей түсі кетіп, 
Жапырағынан айрылған ағаш, қурай.

Біреу малма сапсиды, салып иін, 
Салбыраңқы тартыпты жыртық киім.
Енесіне иіртіп шуда жібін,
Жас қатындар жыртылған жамайды үйін.
Қаз, тырна қатарланып қайтса бермен,
Астында ақ шомшы жүр, ол бір керуен.
Қай ауылды көрсең де, жабырқаңқы,
Күлкі-ойын көрінбейді, сейіл-серуен.
 

V.Ой қорыту  Постер қорғау

2 топқа  «Қызыл алма » тобы  және  «Сары алма» тобына  жаңа сабақтан түсінгені туралы постер қорғайды. І- топ    Бағандар.Беттің параметрлері туралы

                               ІІ-топ   Жиек. Құжатты баспаға шығару.

VI. Бағалау

(Сабаққа жақсы қатысып, тапсырмаларды тез орындаған оқушыларды бағалау парағы арқылы және смайликтер арқылы  бағалау)

Бағалау  критериі

25 - 20 - "5"

19 - 14 - "4"

13 -төмен "3"

VIІ. Үйге тапсырма

Алдағы келе жатқан “Аналар” мейрамына байланысты ашық хат жасап келу.Екі бағанға бөліп,беттерін сәндеп,қоршап,баспадан шығарып келу.

                                                                    ҮІІІ.Рефлексия
                                                              “Екі жұлдыз,бір тілек”

• Бүгін сабақ қалай өтті?
• Бүгін мен не үйрендім?
• Маған не ұнады?
• Жаңа сабақ бойынша сұрақ немесе пікірің.  туралы стикерлерге жазып тақтадағы   рефлекция ағашына  ілеміз.

Сергіту сәті.