Алгоритм т?рлері (сызы?ты?,тарма?тал?ан, циклдік)

Пәні: Информатика

Күні: 26.11.2015ж

Сынып: 6А

Мұғалім: Дурманова С

Сабақтың тақырыбы: Алгоритм түрлері (сызықтық,тармақталған, циклдік)

Сабақтың  мақсаты:

Білімділігі: Оқушыларға алгоритмнің жазу тәсілдерін және блок-схемасын, сызықтық, тармақталған, циклдік алгоритмдер туралы түсініктерін толықтыра отырып, күнделікті өмірдегі әрбір іс-әрекеттерінің алгоритмін құра білуге үйрету.

Дамытушылығы: Оқушылардың өзін-өзі оқыту және бағалау арқылы білім беруге, сыни тұрғыдан ойлауын қалыптастыру, логикалық ойлау қабілетінің дамуына ықпал жасау.

Тәрбиелілігі: Оқушылардың танымдық қызығушылығын, Отанын қорғауға жауапкершілік дағдысын қалыптастыруға тәрбиелеу.

Сабақтың түрі:аралас сабақ

Сабақтың типі: Сабақты меңгерту. АКТ, жеке жұмыс,топтық жұмыс.

Көрнекілігі: блок-схема сызбалары, компьютер,слаид, оқулық, таратпа, бағалау парағы

Сабақтың барысы:

І. Ұйымдастыру кезеңі

ІІ. Үй тапсырмасын видео сұрақ арқылы және «Сенемін, сенбеймін» стратегиясы арқылы тексеру.

ІІІ. Жаңа сабақты бекітуге тапсырмалар орындау

ІV. Рефлексия.Сабақты бекіту

V.  Бағалау

VI. Үйге тапсырма беру.

І. Ұйымдастыру кезеңі: 

1.Оқушылармен сәлемдесу,түгелдеу.

2.Сыныпта психологиялық ахуал туғызу.

3. Топқа бөліну. Алгоритм тобы және Программа тобы

ІІ. Үй тапсырмасын сұрау.

Бейне сұрақ: 

1. Алгоритм дегеніміз не?

Алгоритм — белгілі бір мақсатқа жетуі үшін орындалатын әрекеттер тізбегі және қарапайым етіп жазылуы.

1. Алгоритм орындаушысы дегеніміз ?

Алгоритм орындаушысы дегеніміз - құрастырылған алгоритмді басқарға тиісті адам немесе автоматтандырылған құрылғы: компьютер.

1. Алгоритмдердің жазылу формалары қандай?

Сөздік формада, графикалық формада, алгоритмдік тілде, программалау тілінде беріледі.

1. Программа дегеніміз?

Программа дегеніміз - қандай да бір программалау тілінде жазылған алгоритм компьютерге қажетті командалардың жиынтығы.

«Сенемін, сенбеймін» стратегиясы Оқушыларға бір-бір кестеден таратып береді де ойынның шартымен таныстырады. Кестедегі тұжырымға сенетін болса, яғни тұжырым дұрыс болса «+» таңбасын, тұжырым қате болса «-» таңбасын қоюды ескертеді. Әр ұяшыққа сәйкес сұрақтар оқылады. Жауаптарды түзетуге болмайтындығын, түзету жасалса қате болып саналатынын ескертеді.

Оқушылар тапсырмалар бойынша өзін-өзі бағалайды және топбасшы бағалайды.(Бағалау парақшалары таратылып беріледі)

ІІІ. Түсінік

Алгоритм құрылымына қарай мына типтерге бөлінеді:

Сызықтық алгоритмдер. Сызықтық алгоритм қарапайым командалар тізбегінен тұрады. Әрекеттердің тізбектей орындалуын сипаттайтын алгоритм – сызықтық алгоритм деп аталады.

Тармақталу алгоритмі. Күнделікті өмірде алгоритмдер негізінен тармақтарға бөлінеді. Бұл тармақтардың орындалуы шарттың орындалуына байланысты болады. Тармақталу алгоритмінде біріншіден, арифметикалық теңсіздік түрінде берілген

логикалық шарт тексеріледі. Егер шарт орындалса, алгоритм бір тармақ бойынша (1-ші серия) , ал егер орындалмаса, екінші тармақ бойынша (2-ші серия) орындалады.

Циклдік алгоритмдер. Алгоритмнің белгілі бір бөлігі бірнеше қайталанатын болса, ондай процессті цикл деп атайды. Қайталанатын бөлігі бар алгоритмдер циклдік алгоритм деп аталады.

Тапсырмалар.

Балалар ! Астана қаласына саяхат жасағыларың келеме?

-иә

-Олай болса,мына тапсырманы орындап жіберейік

1) Жигсо әдісі. Параққа сызықтық,тармақталған,циклдік алгоритмнің анықтамалары жазылып ,бірнеше бөліктерге бөлініп 2 топқа таратылады. Олар жинақтап анықтаманы айтып береді. (білу)

А) Егер алгоритмнің N қадамы болса және олардың барлығы басынан аяғына дейін бірінен соң бірі тізбектеле орындалатын болса, онда ондай алгоритмді сызықтық алгоритм деп атаймыз.

Ә) Егер алгоритм қадамдарының тізбектеле орындалуы қандай да бір шартқа тәуелді өзгеретін болса, ондай мұндай алгоритмді тармақталған алгоритм деп атаймыз.

Б) Алгоритмнің бірнеше рет қайталануын циклдік алгоритм деп атайды.

Әр топ мүшелері берілген тапсырманы орындап болған соң,слайдтан «Астанаға саяхат» слаидтан қаланың көрікті жерлерін көрсетіп,таныстыру.

Балалар! Енді «Астана-Бәйтерек» кешеніне кірейік. Біз кешенге кіру үшін «Кілт» жасап алайық.

2) «Кілттің» жартысы салынған парақтар оқушыларға таратылады. Олар Ж,Т,О,С командаларын пайдаланып, «кілт»тің жартысын салып,алгоритмін жазады.Дұрыс жасалған «кілттің» суреті слаидтан көрсетіледі,топ мүшелері

өздері қателерін көріп, өзін-өзі бағалайды және топбасшы бағалайды.

алг “Кілт жасау”

бер Ж,Т,О,С

нәт “Кілт жасалды”

басы

1. 3 О

1. 2 Т

1. 3С

1. 3Т

1. 3О

1. 1Т

1. 2С

1. 1Т

1. 2О

1. 1Т

1. 3С

Соңы

3) Мінеки, балалар Астана-Бәйтерек кешеніне кіретін «кілт» жасап алдық. Енді кешенді аралау үшін, «Шалқан» мен «Бауырсақ» ертегісінің дұрыс алгоритмдік реттілігін көрсетіңдер.

Оқушылар сурет бойынша ретімен тақтаға іледі.

Сергіту сәті.

Бейнеролик арқылы қол, көз жаттығуларын жасау.

4) 2 топта алгоритм түрлерін іс-әрекетпен көрсету керек. Бір-бірінің іс-әрекетінен алгоритм түрін анықтау керек. (Циклдік және тармақталған алгоритм). Оқушыларға қоржындағы асық, бағдаршам беріледі.

5)Тармақталған және циклдік алгоритмге тапсырма

Үй салу алгоритмі. Paint бағдарламасында орындау.

• Үйдің іргетасын салу

• Үйдің қабырғасын тұрғызу

• Шатырын салу

• Есік, терезе салу.

• Қызыл, жасыл, көк бояулармен бояу.

6) Тақтаға әр топқа блок-сызбадағы геометриялық фигуралар жапсырылады, топ мүшелеріне жауаптары таратылады. Олар жауаптарын тауып, фигуралардың ішіне жазады.

Іс-әрекет

Іс-әрекет

ІV. Рефлексия. Сабақты қорытындылау. Сабақта алған ақпараттар элементтерін бекіту  арқылы сабақты қорытындылау.

-Маған ұнады

-Мен қиналдым

-Мен келесіде білгім келеді

-Осы туралы ойландым

V.Алған білімдерін жүйелеу. Бағалау парақшалары бойынша және орындаған тапсырмалары бойынша бағалау.

VI. Үйге тапсырма беру.

Сызықтық,тармақталған,циклдік алгоритмдерге блок-сызбаға мысал жазып келу.