Үштілділік-заман талабы
Елбасы 2007 жылғы Жолдауында “Тілдердің үштұғырлылығы” атты мәдени жобаны кезең-кезеңмен іске асыруды ұсынды. Қазіргі уақытта көптілді оқыту 100 нақты қадам Ұлт жоспарының 79-қадамы және үш тілде білім беруді дамытудың 2015-2020 жылдарға арналған жол картасы негізінде кезең бойынша жүргізілуде.
2018-2019 оқу жылынан бастап жаратылыстану пәндерін оқыту ағылшын тіліне көшетіні барлығымызға аян. Осы себепті тұңғыш рет елімізде Білім және ғылым министрлігі тарапынан мұғалімдерді қолдау курстары қарастырылған. Яғни, пәндерді ағылшын тілінде жүргізуді барынша жеңілдету үшін мұғалімдерге әдістемелік тұрғыдан қолдау көрсету үшін тәлімгерлік (менторлық) курсы жүзеге асырылып отыр.
Менторлық қызмет барысында «Ұстаз» компаниясының менторлары әрбір мектепке барып мұғалімдермен бірігіп әрі жеке жұмыстар жасауда.
Ы. Алтынсарин атындағы №49 мектеп-гимназиясында пәнді ағылшын тілінде жүргізіп бастаған мұғалімдерге көрсетілетін қолдау курстары туралы айтатын болсақ, тамыз айынан бастап биология пәнінің мұғалімі Ақбалаева Айымхан, физика пәнінің мұғалімі Туралиева Асима, информатика пәнінің мұғалімдері Сұлтанғалиев Алмас, Ойықбаева Назерке, Мыңжасарова Алия, Ибрагимова Асель және химия пәнінің мұғалімі Инкарова Агирамен «Ұстаз» компаниясының менторы Жорабекқызы Жансая тәлімгерлік жұмыс жасауда.
Әрбір мұғаліммен сабаққа дайындық, сабақты бақылау және талдау жұмыстары жүргізілуде. CLIL әдістемесі бойынша семинарлар өткізіліп, терминологиямен жұмыс жасауға арналған семинарлар өтізілді. Ағылшын тілінде оқытылатын химия, биология, информатика, физика пәндерінің оқытылу деңгейі жақсы. Мұғалімдер сабақтарын өз деңгейінде ұйымдастырып, жаңа әдіс-тәсілдерді сабақта пайдаланған кезде оқушының белсенділігін арттыруға, мақсатқа ұмтылуына ықпал жасап отыра біледі.
