| Кестелер мәтіндер мен бейнелер орналасатын жолдардан, бағандардан және ұяшықтардан тұрады. Әдетте кестелер деректерді реттеу және бейнелеп көрсету үшін пайдаланылады. MS Word әртүрлі құрылымдағы - саны әртүрлі жолдар мен бағандардан, біріктірілген ұяшықтардан тұратын - кестелер тұрғызуға мүмкіндік береді. Кестелер ұяшықтарының шекаралары түрі (пунктирлі, біртұтас, қосақталған және т.б.), жуандығы және түсі әртүрлі қоршау сызықтарымен сызылуы мүмкін. Кесте құру батырмасы  жолақтың Кірістіру тіркеме парағында орналасқан. Осы батырманы басқанда төмен қарай жайылатын терезе ашылып, онда тінтуірмен жаңадан құрылатын кесте ұяшықтарының қажетті санын бояйды ( 61-сурет ).  Кестелерді кірістіру және салу Жаңа кесте құру үшін Кірістіру = Кесте = Кестені кірістіру бұйрығын пайдалануға болады. Бұл жағдайда пайда болған терезеде жаңа кестенің жолдары мен бағандарының қажет сандарын көрсету керек. Кестелермен әрі қарай жұмыс істеу үдерісі барысында жолдар мен бағандар оңай жойылады және қосылады, сондықтан құру кезінде жолдар мен бағандардың дәл санын көрсету міндетті емес. Жолдар мен бағандардың бастапқы бірнешеуін көрсету жеткілікті. Егер сендер сурет салуды жақсы көрсеңдер, онда кестені жай қарындашпен салып, керек емес сызықтарды өшіргішпен (ластик) өшіруге де болады. Кестенің суретін сызу үшін жолақтың Кесте  тіркеме парағында Қарындаш батырмасын қосады. Одан кейін тінтуірдің сілтемесі сендер графикалық процессорда тікбұрыштар салған сияқты кестелер салуға болатын қарындаштың түрін қабылдайды. Өшіргіш жолақтың Конструктор = Шекаралар сызу тіркеме парағында орналасңан (62-сурет ). 
Кесте құру үшін бірінші немесе екінші тәсілді қолданған (кестенің суретін салу емес, оны қосу) ыңғайлы. Ал артық сызықтарды жоюды немесе олардың жаңаларын қосуды қарындашпен және өшіргішпен орындаған дұрыс. Әрине сендер тек бұйрықтарды немесе тек сурет салу режимін пайдалана аласыңдар. Кез келген программадағы сияқты, сендерге өздерің жақсы көретін тәсілді таңдауға болады. Экспресс-кестелер бұйрығы кестелердің дайын шаблондарын қосады. Бұл кестелер өрленіп қойған, тек мазмұнын өзгерту ғана жетіспейді (63-сурет ).
 Деректерді енгізу және кестелердің бойымен жылжу Кестелерді толтырғанда ұяшықтар бойымен тінтуірдің немесе меңзерді басқару пернелері - сілтемелер көмегімен жылжиды. Сонымен қатар ұяшықтан-ұяшыққа ауысу үшін Таb пернесі қолданылады. Бұл перне меңзерді кестенің келесі ұяшығына ауыстырады. Одан басқа, егер осы пернені меңзер кестенің соңғы ұяшығында орналасқан кезде басатын болсақ, онда кестеге жаңа жол қосылады. Бұл функцияны көбіне кестені ұяшықтан-ұяшыққа Таb пернесі көмегімен жылжып отырып толтырғанда қолданады. Меңзерді алдындағы ұяшыққа ауыстыру үшін Shift+Tab пернесін басады. 
• Жаңа кестені жолақтың Кірістіру = Кесте тіркеме парағының бұйрықтары көмегімен құрады. • Кестенің ұяшықтарын дайын шаблон бойынша әдемілеп әрлеу үшін Кірістіру = Кестелер = Экспресс-кестелер бұйрығын пайдаланады. • Кесте ұяшықтары бойымен тінтуірдің немесе меңзерді басқару пернелері көмегімен жылжиды. • ТаЬ пернесі ұяшықтар бойымен жылжу және жаңа жол қалыптастыру үшін қолданылады. • Меңзерді алдындағы ұяшыққа ауыстыру үшін Shift+ТаЬ пернесін басады. | 
