«Flash-тегі анимация»

Flash-тегі анимация

1. Бағдарламаны құрастырушы: Абушеева Жулдыз Аруновна, Қызылорда қаласы №264 мектеп лицейдің информатика пәні мұғалімі

2. Қолданбалы курс: «Flash-тегі анимация», 10-11 сынып

3. Бағдарламаға түсінік хат:

1. Бұл бағдарлама жаратылыстану-математикалық бағыттағы 10-11 сыныптарға информатика пәнінен қолданбалы курс оқытуға арналған. Анимациямен жұмыс жасау арқылы оқушылардың логикалық ойлау қабілетін дамытуға, шығармашылықпен жұмыс жасауға бағыттау.

1. «Flash-тегі анимация» тақырыбындағы курс оқушыларға анимация жасауға арналған бағдарламалар түрлерін, олардың қолданылуын анықтауға көмектеседі және бейнелермен жұмыс жасай білу дағдысын қалыптастыруға көп көңіл бөлінген.

2. Flash технологиясы қадамдық форматтағы анимацияны, Web-те пайдалануға болатындай етіп түрлендіру үшін дайындайтын анимациялық қосымша болып табылады. Flash-тің негізі сурет салудан басталады. Сурет салуда әр түрлі құрал-жабдықтар қарастырылған. Осы құрал-жабдықтарды қолдану жолдарын үйренеді.

3. Flash бағдарламасында бейнелерге әр түрлі анимациялық эффектілерді қолдануды үйретенді.

Курстың негізгі мақсаты:

Бұл қолданбалы курс оқушылардың ойлау, танымдық және шығармашылық қабілеттерін дамытуды, жалпы адамзаттық құндылықты дамытуды, табиғатқа ғылыми көзқарасын, адамның дүниетанымдық көзқарасына алғышарт болып табылатын әлеуметтік маңызды бағдарларын, түрлі мәселелерді шешуде алған білімін шығармашылықпен қолдану дағдыларын қалыптастыруды көздейді. Flash анимациялық бағдарламасының құралдарымен таныса отырып, бейнелерге әр түрлі анимациялық эффектілерді беруге үйрету – курстың басты мақсаты болып табылады.

Курстың негізгі міндеттері:

• Оқушылардың ғылыми дүниетанымдық көзқарастарын қалыптастыру

• Оқушылардың ойлау қабілетін дамыту (жеке жағдайда, алгоритмдік, әрекеттік ойлау қабілетін дамыту);

• Оқушыларды практикалық және бағдарды бағытта даярлау

Күтілетін нәтиже:

• Оқушылар қабілетіне қарай мемлекеттік стандартқа сай сапалы білім алады.

• Проблеманы көре алатын және оны шеше алатын, барлық ақпарат түрлерімен жұмыс істеп, алған білімдерін өмірде кездескен нақты жағдайда пайдалана алатын тұлға қалыптасады.

• Оқу үрдісінде репродуктивтік, эвристикалық және зерттеушілік тапсырмаларды қолдану оқушылардың белсенділігін арттыру.

• Өз заманына сай білімді, іскер, шығармашыл, жан-жақты дамыған, терең білімді шығармашыл тұлға қалыптастыру.

Пәнаралық байланыс: бейнелеу, математика, физика, әдебиет.

Оқушыларға қойылатын талаптар:

Білу: тарауды толық меңгеріп, растрлық және векторлық графиканың айырмашылығын толық түсіне отырып, олармен жұмыс жасайды. Flash бағдарламасымен терең зерттеп, оның құралдарымен жұмыс жасай отырып, өздері салған бейнелерге күрделі анимациялық эффектілер беру арқылы түрлі мультипликацияларды орындай біледі.

Үйрену: Flash анимациялық бағдарламасы құралдарын қолдану жолдарын, шығармашылық жұмыс жасауға үйренеді.

Түсіндіру: Flash анимациялық бағдарламасын түсіндіру

Қолдана білу: Курстан алған білім мен білікті кәсіби бағдар алуда, күнделікті өмірде қолдана алады.

Сағат жүктемесі: аптасына 1 сағаттан, барлығы 34 сағат.

1. Тақырып жоспарының мазмұны: (бағдарламасы)

1-бөлім: Flash бағдарламасы(2 сағат)

Flash бағдарламасымен танысу. Панельдер. Құжат атрибуттарын баптау. Уақыт шкаласы. Инструменттер панелі. Ыстық пернелер және оларды баптау

2-бөлім: Flash-те сурет салу (3 сағат)

Векторлық графикамен танысу. Сурет салу инструменттерін пайдалану. Суреттерді салу және коррекциялау. Бояуды пайдалану. Компоновкалаудың қосымша элементтерін пайдалану

3-бөлім: Flash-те растрлық бейнелерді пайдалану (4 сағат)

Растрлық суреттерді импорттау. Растрлық суреттерді трассировкалау. Растрлық суреттерді жіктеу. Растрлық суреттерді сығу

4-бөлім: Мәтінмен жұмыс жасау (5 сағат)

Text инструменті және символдар атрибуттары. Текст параметрлері, текстті редакциялау және түрлендіру. Текстпен жұмыс істеудің эффективті әдістері

5-бөлім: Flash фильмінің элементтерімен жұмыс (4 сағат)

Символдармен жұмыс. Экземплярлар. Библиотека элементтері

6-бөлім: Flash-тегі анимация (4 сағат)

Кадрлармен жұмыс. Кадраралық эффектілер. Flash-тегі мультипликация

7-бөлім: Дыбысты пайдалану (3 сағат)

Дыбысты Flash-ке әзірлеу. Дыбысты басқару

8-бөлім: Flash интерактивтілігі (4 сағат)

Батырмалар және олардың түрлері. Меню және құжаттарды структуралау. Компоненттерді пайдалану

9-бөлім: Бейне интеграциялау (3 сағат)

Flash-тегі видео. Импортталған видеомен жұмыс

Тақырыптық – күнтізбелік жоспар

1. Курсты ұйымдастыру формасын анықтау:

• лекция

• сұхбат - әңгіме

• топтау, жұптық оқыту

• өзіндік жұмыстар әдістерін пайдалану

3. Курсты оқытуды аяқтау формасы.

- Қорытынды бақылау жұмысы

- Рефераттар

- Өз бетінше іздену жұмыстары (жоба)

4. Оқушылардың оқу жетістіктерін бағалау жүйесі

- Тест тапсырмалары

- Шығармашылық жұмыс

- Өзіндік жұмыс

Жоба тақырыптары:

1. Көбелек анимациясы

2. Жүріп тұрған сағат

3. Табиғат құбылыстары

4. Үш өлшемді анимация

5. Ойын бағдарламасы

6. Қарапайым мәтіндік редактор

7. Музыкалық пернетақта

8. Мәтіндер анимациясы

9. Мәзірлермен жұмыс

10. Мультипликация