Сутекті? ?асиеттері, алынуы ж?не ?олданылуы

Сутектің қасиеттері, алынуы және қолданылуы

Сабақтың мақсаты: Сутектің химиялық қасиеттері мен қолданылуын анықтау.

Тәрбиелік мақсаты:оқушыларды ұқыптылыққа, еңбекшілдікке және экологиялық тәрбие беру.

Сабақтың міндеті: а).Сутектің химиялық қасиеттерін үйрену арқылы реакция теңдеулерін құра білу; ә).оқулықпен жұмыс істеу кезінде тақырыптағы басты мәселені анықтап, өз бетімен білім алуға үйрену;

б).сутек химия өнеркәсібінің негізгі шикізаты және болашақтың отыны ретінде қолданудың маңызын анықтау.

Сабақ типі: аралас сабақ

Сабақтың әдіс-тәсілдері: СТО стратегиялары,АКТ, зертханалық жұмыс,

сұрақ-жауап,Блум жүйесі.

Сабақтың көрнекілігі: интерактивті тақта,электрондық оқулық,

Д.И.Менделеев кестесі.

Пән аралық байланыс: математика, биология,экология.

Сабақ барысы:

І.Ұйымдастыру кезеңі. Сынып оқушыларын элемент таңбасы арқылы қатарға бөлу. Оқушыларға бағалау парақшасы таратылады. Қатар басшысын сайлау.

Ереже: Ойды қайталамау.

Сөзді бөлмеу.

Әр қатарда бірін-бірі тыңдау,сыйлау.

Сыпайы сөйлеу.

ІІ.Қызығушылықты ояту. I. «Миға шабуыл». Білу.

1.Сутектің периодтық жүйедегі орнына жалпы сипаттама

2.Сутектің табиғатта таралуын және қайда кездесетінін айтыңдар?

3.Сутекті қандай ғалымдар ашқан.Қай жылы?

4.Сутек атмосфераға қандай жағдайда таралуы мүмкін?

5.Сутектің физикалық қасиетін сипаттаңдар?

6.Не себепті сутектің жылу өткізгіштігі жоғары.

7. Зонд шарларын қандай газбен толтырады?

II. Түсіну. Зерттеу.

Оқулықтан сутектің алынуы, химиялық қасиеттері және қолданылуымен танысу.

Оқушыларға лабораториялық тәжірибе мырышқа қышқылмен әсер етіп сутек газын алу. Интерактивті тақтадан сутектің жануы, сутекті жинау, сутектің мыс оксиді тәжірибесін көрсету.Көргендеріңді есте сақтай отырып, реакция теңдеулерін дәптерлеріңе жазыңдар.

III. Қолдану. Оқулықпен жұмыс.

1).Сутектің қолданылуы. Кесте сызу.

2).Оқулықтан 4-5 жаттығу.

IV.Талдау. Сутектің химиялық қасиеттері.Презентация көрсету.

Сутектің химиялық қасиеттерін басшылыққа ала отырып жүруі мүмкін реакция теңдеулерін құрып дәптерлеріңе жазыңдар.

1).H₂ +CI₂=

2).H₂ + O₂=

3).H₂ +S=

4).H₂ + N₂=

5). H₂ +C=

6). H₂ +CuO=

7). H₂ +Fe₃O₄=

8).H₂+WO₃=

V.Синтез. Алдағы тапсырмаларды жинақтап қорыту мақсатында берілген жұмыстар.

1).2 моль O₂ ,3 моль H₂ – ден тұратын газдар қоспасы қалыпты жағдайда қанша көлем алады? 5 ұпай

2).Интерактивті тақтадан тапсырма №9,№10,№11.

3).Интерактивті тақтадан тапсырма №13 мыс оксидінің 240 грамын толық тотықсыздандыру үшін қанша моль сутек қажет?

CuO +H₂=Cu+H₂O

«Кім жылдам» ойыны. Есептер мен жаттығулар жинағынан 3-10,3-11,3-12,-3қатар., 3-12,3-13,3-14 2қатар.3-15,3-16,3-17.1қатар.

Оқушының есінде жақсы сақталу үшін табиғаттағы ұқсас заттарды байланыстыра, еске түсіріп отыру мақсатында оттек пен сутек элементтерінің қасиеттерінің ұқсастығы мен ерекшелігіне Венн диаграммасын сызып, толтыру.

VI. Бағалау.

VII. Үйге тапсырма. Сутектің химиялық қасиеттері,қолданылуы. Есеп 7-9.