Оттегі та?ырыбын ?айталау.Есептер шы?ару

Сабақтың тақырыбы: Оттегі тақырыбын қайталау .Есептер шығару.

Сабақтың мақсаты: Оттегі тарауы бойынша алынған білімді тиянақтап , қорытындылау,есептер шығаруға дағдыландыру.

1. Оттегінің қасиеттері, маңызы мен қолданылуы және тотығу процесінің мәні жайлы оқушылардың көзқарастарын

2.Сын тұрғысынан ойлауды дамыту технологиясы арқылы оқушыларды өзіндік жұмысқа дағдыландыру және сараптау, салыстыру қабілеттерін дамыту. Өзін-өзі бақылау мен талдауды іске асыру

3.Дәстүрлі емес оқыту әдісін қолдана отырып, оқушылардың химияға танымдық қызығушылығын қалыптастыру, қоршаған ортаны  қорғауға баулу.

Сабақтың түрі:  қорытынды

Сабақтың әдісі: СТО дамыту технологиясы.

Көрнекіліктер:  слайд,электрондық оқулық, кесте-карточкалар

Сабақтың барысы І. 1.Ұйымдастыру кезеңі.

 Сынып оқушыларын түгендеп, үй тапсырмасының тақырыбын сұрау

2.Психологиялық дайындық.

Көз көру үшін

Құлақ есту үшін,

Ауыз сөйлеу және адамдардың бір –бірімен қарым қатынас жасау үшін қажет.Енді осының бәрін қосып айтқанда бүгінгі сабақта көзбен көріп,құлақпен естіп,көріп естігенді ауызбен айта білейік.

Сыныптағы оқушыларды 4 топқа күн,ай,су,от суреттеріне байланысты бөлу.

Сабақтың реті:

1. Танымдық сұрақтар

2. Деңгейлік тапсырмалар

3. Химиялық диктант

4. Графикалық тест

5. Алтын кілт

6. Класстер құру

7. Кім жылдам (есеп шығару)

8. Сәйкестендіру тесті

Мұғалім: Оттегінің иісі де, дәмі де жоқ,
Болмаса ол, Жер бетінде өмірде жоқ.
Ақыры жанған отың тұтанбайды,
Қалады қарауытып, көмір боп шоқ, - деп оттекке сипаттама бере отырып, бүгінгі қорытындылау сабағымызды бастаймыз.

I. Қызығушылықты ояту.Танымдық сұрақтар

1. Оттекке сипаттама беру?

2. Оттек валенттігі және тотығу дәрежесі неше?

3. Оттектің электрондық формуласы қандай?

4. Оттекті қалай алуға болады?

5. Тірі организмдер үшін оттектің маңызы қандай?

6. Оксидтер дегеніміз не?

7. Оттектің аллотропиялық түр өзгерісі?

8. Озонның физикалық қасиеті қандай ?

9. Жану реакциясы дегеніміз не?

10.Ауа құрамында қандай заттар бар?

11. Оксидтер қалай жіктеледі?

12. Оттекті қайда қолдануға болады?

13. «Оттексіз тіршілік жоқ» деген ұғымды қалай түсіндіресіз?

II. Деңгейлік тапсырмалар 
І. «Қанағат» 
1. Реакцияны аяқта, теңестір. 
Fe+O₂ → 
Ca+О₂ → 
Н ₂+О₂ → 
2. Массасы 64 г SO₂ зат мөлшерін есептеңіз
ІІ. «Талап» 
1. Ca →CaO→Ca (OH)₂ →CaSO₄ өзгерістерді жүзеге асыруға мүмкін болатын химиялық реакцияларды жаз. 
2. 40г кальций жанғанда жұмсалатын оттегі көлемін тап. 
3. Реакцияларды аяқта, теңестір. 
Al (OH)₃ → Al₂O₃+? 
Mg+HCl →Mg Cl2+? 
ІІІ. "Терең ой” 
1. KСlO₃ →KCl+O₂ теңдеуіндегі барлық коэфициенттер жиынтығын тап. 

2. Al→Al₂ O₃→Al(OH)₃→AlCl₃

3. Массасы 128г күкірт (IV) оксидінің зат мөлшерін және оның қалыпты жағдайдағы көлемін есептеу.

III. Оттегіне байланысты « химиялық диктант» толтыру

IV. Графикалық тест. «Иә», «жоқ» деген жауаппен белгілеп отырады. (иә, - жоқ).
1. Оттек иіссіз, түссіз газ.
2.Оттекті тек XVIII ғасырда Пристли ашты.
3. Оттек ауада 21 % кездеседі.

4. Күрделі зат

5. Тыныс алуға қажет
6. Тәтті дәмі бар
7. Өнеркәсіпте оттегін судан алады
8. Бертолле тұзынан оттегін лабороторияда алады
9. Химиялық реакция жылдамдығын тездететін, бірақ өзі реакцияға қатыспайтын зат катализатор деп аталады.
10. Оттегін 2 әдіспен ауаны, суды ығыстыру арқылы алады
11. Ауаның массасы – 27 ге тең
12. Оттек суда нашар ериді

13.Марганцовканы айыру арқылы алуға болады

14. Адам ағзасын оттек қоректендіреді

15. Ауадан женіл

V. «Алтын кілт» «Оксид» деген сейфтің шифрін табу қажет. Мына берілген қосылыстардың ішінен оксидтердің формуласын тауып, сейфтің шифрін табамыз
1.CO2 2. NaOH 3. НNO3 4. CaO 5. SO2 6. MgO 7. H3РO4 8. Ca (OH) 9. N2O5 10. PH3 11. P₂O5 12. ZnSO4 13. H₂ S 14. SiO₂ 15. Al₂O₃ 16. NaCl 17. HBr 18.Cu₂O
Сейфтің шифрі: 1,4,5,6,9,11,14,15,18

VI.Класстер құру.

1 топ. Оттектің физикалық қасиеті

2 топ. Оттектің химиялық қасиеті

3 топ. Оттектің қолданылуы.

VII. Есептер шығару «Кім жылдам»

№1.Массасы 44 г CO₂ зат мөлшерін есептеңіз

№2.Мөлшері 1,5 моль көміртек (IV) оксидінің массасын және көлемін есептеу

№3 Реакция теңдеулерін аяқтау

А) Ва О+х→ВаСО₃

Ә) Zn О+х→ZnSО₄

Б) H₂ О+х→H ₂ SО₃

В) К+х→КОН+Н₂

Г) Са( ОН)₂+х→СаСО₃+у

VIII. Сәйкестендіру тесті

IX. Бағалау
Сабаққа қатаысқан барлық оқушылар түрлі – түсті фигуралар арқылы бағаланады.

«5»- алтын түсті

«4»-күміс түсті

«3»-темір түсті
Үйге тапсырма:
«Оттек – тіршілік көзі» тақырыбына шығармашылық жұмыс,

№ 9, 10 есептер шығару