Су-еріткіш

1 сабақ

Сабақ өтілетін күн:9.03

Орны:40 кабинет

Барлық оқушы саны:20

Қатысқаны:20

Жас ерекшеліктері:

14ж-13 13ж-6

Сабақ тақырыбы:

Су – табиғи әмбебап еріткіш, сулы ерітінділер және жүзгіндер, қоспаларды бөлу жолдары.

Жалпы мақсаттар:

Б: Су және сулы ерітінділердің жалпы қасиеттеріне сүйене отырып, оқушыларды олардың қолданылуымен таныстыру, гидросфераны қорғау қажеттілігін түсіндіру.

Д: Оқулықпен жұмыс істеу кезінде тақырыптағы басты мәселені анықтап,өз бетімен білім алуға дағдыландыру.

Т: Жауапкершілікке, ізденімпаздыққа, шығармашылық қабілеттерін дамытуға тәрбиелеу.

Түйінді идеялар:

Су еріткіш. Судың да сұрауы бар.

Әдіс-тәсілдер:

«Пирамида»,«insert», «табақ тарату», «Екі жұлдыз,бір тілек» стратегиялары

Көрнекіліктер:

Интербелсенді тақта, слайд, сурет, А3 қағазы,м аркерлер, стикер, мақал-мәтелдер

Дереккөздер:

Білім стандарты, пән бағдарламасы, Н.Нұрахметов,Қ . Сарманова, Қ.Жексембина. «Химия» 8 сынып оқулығы, Алматы «Мектеп» баспасы,2012ж.

Оқу нәтижесі:

Судың табиғатта таралуы мен қолдануын біледі;

Теориялық білімдерін практика жүзінде қолдана алады.

Топпен жұмыс жасауда өз ойымен бөліседі;

Сабақ барысы

Уақыты

Мұғалімнің іс-әрекеті

Оқушының іс-әрекеті

Қызығушылықты ояту

Сергіту сәті

2 мин

Оқушыларды ортаға шақырып, дөңгелетіп тұрғызады. «Тормоз» стратегиясы бойынша сергіту сәтін бастайды.

Оқушылар ортаға шығады, дөңгелек жасап турады. «Тормоз » ойыны бойынша есімдерінің бастапқы буынын қайталап, бір-бірінің қолынан ұстайды.

Топқа бөлу

2 мин

Оқушыларға (сөз,сөз тіркесі,сөйлем, мәтін) деп жазылған бет таратылады.(Қосымша 1)

Таратылған беттер бойынша,бірігіп отыруын талап етеді.

Таратылған беттер бойынша топтасады.

Үй тапсырмасын тексеру

6 мин

Топтардан өтілген тақырып жайлы «Пирамида» стратегиясы бойынша мәлімет айтуын талап етеді. Мәліметті қайталамауын талап етеді.

Оқушылар өз қағазына сәйкес мәлімет айтады. (сөз, сөз тіркесі, сөйлем, мәтін) Бірінің айтқанын қайталамайды.

Сабақтың тақырыбын ашу, мақсатын талдау

2 мин

Әрбір топқа тақырыпты ашу мақсатында сурет таратып береді. (Қосымша 2) Тақырыптың ашылуына бағыт-бағдар жасайды. Спикер болатын оқушыға жасыл стикер жабыстырып кетеді. Спикердің сөзін тыңдайды. Тақтадан тақырыптың атын ашады, оқушылардан сабақтың мақсатын сұрап, оқушылаодың жаңа білімді қабылдауға және игеруге белсендіреді.

Суретті топта талқылап, жасыл стикері бар оқушы сабақтың тақырыбының атын айтады.

Тақырыпты жазады, тақырып бойынша өз мақсаттарын айқындайды. Өз өмірлеріне тікелей қатысы бар нақты проблемаларды айқындайды.

Мағынаны ажырату

15 минут

Оқушыларға «insert» әдісімен оқып шығуға мәтін береді.

Әрбір топқа сұрағы бар табақ таратылады. Табақ ережесін түсіндіреді. Оқушылардың сұрақ бойынша өзара пікір алмасу мен талқылау жұмысын ұйымдастырады. Мұғалім белгі беріп,уақытты қадағалап отырады. Оылайша әрбір топтың өздігімен жаңа мәліметті жан-жақты қарастырып,зерттеп 4 табақты толтырып шығуына , жағдайлар жасайды.(Қосымша-3)

Мәтінді «insert» әдісімен оқып шығады,жаңа ақпаратпен танысады.Жаңа ақпарат жайлы өзіндік пікір қалыптастырады.

Сұрағы бар, табақты алады, сұрақты оқиды, талқылап ой жарыстырады,сұраққа мейлінше көп жауап жазуға тырысады. Мұғалімнің белгісін тыңдап,табақты сағат тілінің бойымен басқа топтарға жылжытады.

Осылайша әрбір топ 4 табақты толтырып,жаңа тақырыпты игереді.

Формативті бағалау

2мин

«Екі жұлдыз,бір тілек» стратегиясы бойынша топтарды бағалауын ұйымдастырады. Спикердің қолына лента байлап кетеді.

«Екі жұлдыз,бір тілек» статегиясы бойынша қолында лентасы бар спикер топпен ақылдасып,бағалауын жариялайды.

Ой толғаныс

Тапсырма

10

Оқушыларға деңгейлік тапсырмалар таратады.(Қосымша 4)

Оқушылар өз деңгейіне қарай тапсырманы таңдап алады.

Кері байланыс

4 минут

Тақырыпты түсіну барысында оқушылардың осы тақырып төңірегінде қаншалықты өзінің түсінгеніне,жаңа өтілген тақырып бойынша нақты түсінік табуына мүмкіндік беру.«3 минуттық үзіліс» стратегиясы бойынша фразалар ұсынылады:

-Мен ... жайлы хабардар болдым...

-Менің ... жайлы айқын түсінік қалыптасқан тұсы...

Оқушылар тақтадан оқып бетке фразаларды аяқтайды.

Үй тапсырмасы

1 минут

«Су экологиясы» атты эссе жазып келу.