"Коры ?ир тигезлекл?ре" конспект урока географии

Музыкаль тәнәфес.

(“Иптәшеңне күзәт” уены) музыка башлана ,беренче укучы нәрсә эшли калганнар кабатлыйлар.Аннан алмашына.

Укытучы.(игътибар!)

Хәзер атласларны ачабыз. Алдан әйтелгәннәр буенча мисаллар китерәбез.Кызыл белән буяган өлешләргә язабыз.

Түбәнлеккә мисал итеп Каспий алы түбәнлеген алабыз,Калкулыкка –Бөгелмә –Бәләбәй,Волдай 346 метр –Идел елгасы башлана шуннан,Яссы таулыкка- Урта Себер яссытаулыгы керә.

Укытучы. Схемаларны карыйк. Рельефы буенча яссытигезлек –Көнбатыш Себер тигезлеге, калкулы тигезлек-Көнчыгыш Европа тигезлеге.

Чит планета кунакларының сезгә бер гозере бар. Истәлек өчен тигезлекләр сүрәтләнгән контурлы картагызны сорыйлар.

Раунд Робин

Өстәлегездәге сүзләрне Россия картасына үз урыннарына урнаштырырга кирәк 2нче номерлардан башлыйбыз. Кую өчен 15 сек вакыт бирелә.(чираттан куялар)

Тигезлекләр ничек бар шулай тормыйлар,еллар үтү белән алар үзгәрәләр.

Дәреслекнең 60нчы битеннән хәзер һәрберегез укып чыгып,исегездә калдырырга кирәк. (укыйлар 3 минут вакыт бирелә)

Клок Баддис

Укыганда таныш булмаган нинди сүзләр очрады?Дюна,бархан.

Сүзлекләргә язып куябыз.

Дюна –яр буенда барлыкка килгән ком өемнәре күчеп йөрүче

Барханнар- чүлләрдә барлыкка килгән сыртлап салынган ком өемнәре

Алдан очрашуны 12 гә билгеләгән иптәшең янына очрашуга барасың.укып чыкканыгыз буенча нәрсә аңладыгыз ,шуны бер-берегезгә сөйлисез.

Укытучы. Тигезлекләр ни сәбәпле үзгәрә. Шуны әйтегез.фамилиясе журналда ада торган укучы.

Укытучы сөйли . Тигезлекләрнең әһәмияте.

Ныгыту.

Куиз-Куиз-Трейд

Укытучы. Бүгенге дәрес темасы буенча берәр сорау уйлагыз. Кулларны күтәреп иң якындагы иптәшеңне табасың. Сәлам бирәсең. Кыскарак буйлы укучы сорауны беренче бирә, озын буйлысы җавапны әйтә. Җавап ошамаса сорау биргән укучы иптәшенә булыша . Аннан алышалар. Рәхмәт әйтеп урыннарга утыралар.

Игътибар!

Йомгаклау.

Укытучы.Бүгенге хезмәтегез “бик яхшы-5”.”яхшы-4”, “уртача-3” дигән билгеләр белән бәяләнә.Ләкин сезгә группагызның һәрбер кешесенә дөрес бәяне бирергә кирәк.

Кемгә бик яхшы булды кулыгызны күтәрегез! Шулай дәвам итә.

Өйгә эш . 62 биттә 3 нче таблица буенча үзегез теләгән тигезлеккә характеристика язып киләсез. Китапта сезнең нинди эшләр башкарасыгыз турында аңлатып язылган. Өстәмә бирем. Литосфераның табигый һәйкәлләре буенча материал әзерләп килергә (мәгарәләр,таулар, вулканнар рельеф формалары үзгәрү).

Бүгенге дәрес өчен иптәшләрегезгә рәхмәт әйтегез. Мин дә Сезгә рәхмәт әйтәм. Дәрес кызыклы булды. Киләсе дәрескә кадәр хушыгыз.

Татарстан республикасы Арча районы Сеҗе төп гомуми белем мәктәбе

Тема: “Коры җир тигезлекләре”

6 сыйныф өчен география дәресе эшкәртмәсе

Төзеде: Сеҗе төп гомуми белем

мәктәбенең география укытучысы

Закирова Солтания Расим кызы

2013 ел