К?лдер та?ырыбында саба? жоспары

Атырау облысы , Құрманғазы ауданы,

Байда ауылдық округі

Н.К.Крупская атындағы жалпы орта мектебінің

География пән мұғалімі

Муфтахова Анаргуль Кайрбекқызы

Сыныбы: 8 « А »

Сабақтың тақырыбы : 1Көлдер .

Сабақтың мақсаты ;

Білімділік: Оқушыларға көлдердің және олардың пайда болу

ерекшеліктерімен, маңыздылығы жайлы білім беру .

Дамытушылық : Оқушыларға Қазақстан көлдерін кескін картаға түсірте

отырып , құрылыстық ерекшеліктері жайлы білімдерін дамыту.

Тәрбиелік : Көлдердің құрылым ерекшеліктеріне тоқталу барысында басты

мақсат экологиялық тәрбие екенін түсіру.

Сабақтың түрі : Жаңа сабақты меңгерту

Сабақтың әдісі: Деңгейлеп – саралау технологиясы , сұрақ – жауап ,

топтастыру , тест , инсерт әдісі

Сабақтың көрнекілігі: Көрсету материалдары : мультимедиа ,

Қазақстанның физикалық картасы .

Тарату материалдары : тест қағазы , жауап парағы.

Оқу процесін ұйымдастыру әдістері :

Фронтальды , жеке , топтық , оқушы- мұғалім

Сабақтың жүру барысы :

І : Ұйымдастыру кезеңі :

А) Оқушылардың сабаққа қатысын тексеру .

Ә) Оқушылардың ынтасын сабаққа аудару.

ІІ. Үй тапсырмасын тексеру « Ой шақыру »

Өткен тақырыпты еске түсіру .

1. Өзен бастауы дегеніміз не ?

2. Өзен аңғары дегеніміз не ?

3. Қазақстан өзендері неше алаптарға жатады ?

4. Қазақстанда ұзындығы 1000 км – ден асатын неше өзен бар ?

5. Өзен саласы дегеніміз не ?

6. Өзен сағасы дегеніміз не ?

ІІІ . Қызығушылықты ояту .

Топқа бөлу .

1. Арал тобы

2.Балқаш тобы

3.Каспий тобы . Топтардың өздерін таныстыруы. Топ басшыларының жарысы.

ІV. Жаңа сабақтың жоспары :

1. Көлдерге жалпы шолу .

2. Каспий теңізі

3. Арал теңізі

4. Балқаш көлі

5. Көлдердің шаруашылқтағы маңызы

Қазақстанның кең – байтақ аумағында ірілі – ұсақты 48 мыңнан астам көлдер бар . Жер бетіндегі суға толған табиғи ойыстарды көл деп атайды . Көлдің теңізден айыпмашылығы оның мұхитпен тікелей байланысының жоқтыы . Көлдер тереңдігі жағынан да әр түрлі болады . Қазақстан көлдерінің ішіндегі ең ірілері : Каспий , Арал және Балқаш .

КАСПИЙ – Еуропа мен Азия аралығында орналасқан жер шарындағы ең үлкен тұйық көл . Жалпы ауданы - 376 мың км ² . Оның беті теңіз деңгейінен 28 м төмен жатыр . Ол солтүстікпен оңтүстікке қарай 1000 км қашықтыққа созылып жатыр . Біздің елімізге бұл көлдің солтүстік – шығыс бөлігі ғана кіреді. Оның ең терең жері 1025 метрден асады . Каспий теңізі балыққа бай , итбалықта кездеседі . Ең бағалы балықтарға – бекіре тұқымдастары жатады . Сонымен қатар , каспий мұнай мен газға бай .

АРАЛ – аумағы жөнінен екінші орын , ал дүние жүзінде 4 орын алады . 1961 жылға Арал теңізі мұхит деңгейінен 53 м биіктікте жатқан . Ауданы - 66 мың км² , суының көлемі 1064 км ³, орташа тереңдігі 16,1 м болатын .2002 ж теңіз деңгейі 20 м – ге төмендеді . Өйткені теңізге құятын басты өзендер – Сырдария 1974 жылдан және Әмудария 1982 жылдан мүлдем сарқылды . Сырдария мен Әмудария өзендерінің суы жер суаруға көп жұмсалуына байланысты арал теңізі тартылып бара жатыр . Оның жағасы 100 – 200 км дейін шегініп босаған жерлерін тұз бен құм басуда .

Кейбір көлдер сөнген жанартаулардың кратерінде пайда болған . Оларды жанартаулық көлдер деп атайды . Мұндай көлдер Камчаткада , ява аралдарында бар .

Көлдердің шаруашылықтағы маңызы

Көлдердің шаруашылықтағы маңызы үлкен . Олардың ең бірінші байлығы – тұщы суы . Көл суын адам ауыз су ретінде , мал суаруға , егін егуге , түрлі өндіріске жұмсайды . Көлдер кеме қатынасы үшін маңызды . Мысалы , Каспий көлі арқылы Қазақстан , Ресей , Әзірбайжан , Түркіменстан , иран мемлекеттерімен байланысып тұрады .

ІV. Жаңа сабақты пысықтау

« Тек сәттілік , қатысыңдар сайысқа

Мықты болсын , қабырғаңмен қайыспа

Оқу керек , білім керек қашанда

Ол болмаса сайыс деген сайыспа » .

3 топқа әртүрлі тапсырма беріледі . Арал тобына - тест сұрақтары , Балқаш тобына - сәйкестендіру тестісі , Каспий тобына – хаттарға жауап . Әр топқа тапсырманы орындау үшін 7 минут уақыт беріледі. Әр топ дайын болған соң топ басшысы тұрып тапсырманы орындайды .

3 топқада өзіңді - өзің тексер тест жұмыстары беріледі .

1. Қазақстандағы ұзындығы 1000 км – ден асатын өзендер саны

А)10 В) 7 С) 6 Д) 12

2. Неоген дәуірінің аяғында тектоникалық ойыс түрінде пайда болған , тұран тақтасының үстіндегі көл

А) Каспий В) Балқаш С) Арал Д) алакөл

3. Республикамыздың оңтүстік – шығысында орналасқан , көлемі жөнінен үшінші орын алатын көл

А) Арал В) Балқаш С) Каспий Д) Зайсан

4. Балқаштың ең терең жері

А) 12 м В) 15 м С) 26 м Д) 45 м

5. Каспий теңізінің ауданы

А)350 мың км ² В)360 мың км ² С) 376 мың км ² Д)380 мың км ²

6. Дүние жүзіндегі ауданы жөнінен ең ірі тұйық көл

А) Балқаш В) Арал С) Каспий Д) Зайсан

7. еуропа мен Азия аралығында орналасқан дүние жүзіндегі ең ірі көл

А)Жоғарғы көл В) Виктория көлі С) Арал теңізі Д)Каспий теңізі

8.Қазақстанның кең – байтақ аумағында ірілі – ұсақты неше мыңнан астам көл бар ?

А)48 мың В) 49 мың С)55 мың Д)60 мың

9. Жалғыз ғана ағынды көл

А) Зайсан В) Виктория С)Чад Д) Эйр

10. Каспий теңізінің жағалау сызығының ұзындығы

А)5000 км В)7000 км С) 6000 км Д) 8000 км

V. Үйге тапсырма .

Көлдер . Каспий теңізі , Арал теңізі, Балқаш көлдерінің эколгиясы жонінде реферат жазу . Кескін картаға Қазақстандағы ірі көлдерді түсіру .

VІ . Оқушыларды бағалау .