Экологиялы? сайыс –саба? «??стар –бізді? досымыз» 7 сынып

Қарағанды облысы

Жезқазған қаласы

Кеңгір селосы

№ 2 орта мектеп

Экологиялық сайыс –сабақ

Тақырыбы: «Құстар –біздің досымыз»

Мақсаты:

1.Оқушыларды құстардың тіршілігі, мекендейтін ортасымен таныстыру.

2.Құстардың пайдасы жайлы түсінігінің қалыптасуына жағдай жасау.

3.Құстарды аялауға, қорғауға тәрбиелеу.

Сабақтың көрнекілігі: суреттер,нақыл сөздер,ұялар,үлестірмелер,таныстырылым.

Сабақты ұйымдастыру кезеңінде оқушылар екі топқа бөлінеді.

Сайыс бағдарламасы:

1.Өлең шумақтарын айту.

2. «Кім көп біледі?» білім сайысы.

3.Әр топтан 3 мақалдан айту.

4.Құстар туралы ән айту.

5.Адам бойындағы үздік қасиеттерді құстарға теңеу. Әр топ қанша білетінін анықтау.

6.Суретшілер жарысы.

7.Ұялар жасап әкелу.

8.Жұмбақ шешу.

9. «Пошта»ойыны.

І. Екі топ құстар туралы өлең шумақтарын айтудан жарысады. Өздері ойлап шығарса да болады.

ІІ. «Кім көп біледі?» білім сайысының сұрақтары, топтар кезектесіп жауап береді:

1.Аққу жұмыртқасын қанша уақыт шайқайды?

2.Құстардың скелет сүйектерін атаңыз.

3.Құстар балапанға қалай қамқорлық жасайды?

4.Ашық жерде мекендейтін құстарды атаңыз.

5.Сәндік үшін өсіретін және ұша алмайтын құстарды атаңыз.

6.Дүниедегі ең кішкентай құсты атаңыз,ол қай жерде тіршілік етеді?

7.Құстардың ас қорыту мүшелері.

8.Жыртқыш құстарды атаңыз.

ІІІ.Мақал –мәтелдер сайысы.Әр топтан 3 мақалдан айтады.

ІҮ.Ән сайысы.

Ү. Адам бойындағы үздік қасиеттерді ,мінездерді құстарға теңейді. Әр топтың қанша білетіні анықталады.

ҮІ.Суретшілер сайысы. Әр топ бір құстың суретін салып, сол құс туралы айтады.Ал басқа оқушылар өздерінің салып әкелген суреттерін көрсетіп әңгімелейді.

ҮІІ. Үйден жасап әкелген ұяларға баға беру. Қандай құс қандай ұяда тұратынын айтып беру.

ҮІІІ.Жұмбақ шешу. Екі топқа екі жұмбақтан беріледі. Қарсы топқа өздері дайындап әкелуі тиіс.

ІХ. «Пошта»ойыны бойынша құстардың мекендейтін ортасы әр конвертке жазылып қойылады, жазылған үлестірмедегі құстардың қай жерде мекендеуіне байланысты конверттерге салу керек.

Бағалау. Сайыс бойынша жауап берген оқушылар үш түрлі: қызыл балапан, көк балапан, сары балапан суреттерімен бағаланады.

Қызыл балапан –«5»; көк балапан -«4»; сары балапан –«3»-тік бағалармен бағаланады.

Бұл сабақтың түрі – оқушылар білімін қорытындылап, тиянақтауда өте тиімді әдіс. Әрі оқушылар өз білгенін жылдам айтуды, бірін –бірі тыңдауды үйренеді.