«Жүзден жүйрік, мыңнан тұлпар» эстафеталық жарыс

«Жүзден жүйрік, мыңнан тұлпар» эстафеталық жарыс

Мақсаты: Салауатты өмір салтын сақтау, дені сау, рухы таза ұрпақ атану.

Қажетті құралдар: кедергілер, доптар, плакаттар, алма, жемістер,қапшық, кішкене доптар.

Жүргізуші: Қадірлі қонақтар, балабақша қызметкерлері, педагогтар!

Ұстаз болу –жүректің батырлығы

Ұстаз болу – сезімнің ақындығы

Ұстаз болу - мінездің күн шуағы

Азбайтұғын адамның алтындығы

Осындай өлең шумақтарын сіздерге арнай отырып, төл мерекелеріңізбен құттықтағым келеді. Денсаулықтарыңыз мықты болсын, шаңырақтарыңыз шаттыққа толсын, білімді балаларыңыз көп болсын. Әрқашанда артарыңыздан тек мақтау ерсін дегеім келеді.

Елбасымыз Н.Ә. Назарбаевтың Қазақстан халқына жолдауында айтылғандай, «Салауатты өмір салтын» ұстау қазіргі таңда өзекті мәселелердің бірі.

Соның бір шарасы тәуессіздігіміздің 25 жылдығының қарсаңында, ұстаздар күніне орай ұйымдастырылып отырған тәрбиешілер арасында өткізілгелі отырған «Жүзден жүйрік, мыңнан тұлпар» атты эстафеталық жарысымызға қош келдігіңіздер.

Бүгінгі сайысқа балабақша тәрбиешілері қатысқалы отыр.Жарысқа қатысушы спортшыларымызға қол шапалақтап, құрмет көрсетіп қоялық.

Дүбірле бақшам, дүбірле,

Жақсылық болсын үйіңде.

Қуаныш толып жүзіңде

Арнаулы жолдан сүрінбе

Жарыста нағыз мықтылар

Жеңіске жетер түбінде деп, сіздерге сәттілік тілейміз.

Әділ қазы, ақ қазыға бір салем,

Әділдікке бас иеді күллі әлем

Жүйрік озар сараптарда неше бір

Сарапқа сал әділдікпен шеше біл.

Бүгінгі жарысымызда әділ баға беріп, төрелік ететін әділқазылар алқасымен танысайық. «Ертөстік» мектепке дейінгі балалар мекемесінің меңгерушісі Серікова Зина Арыстанғалиқызы, әдіскер Таласбаева Айжамал апай, мейірбеке Жақсыбаева Нұржамал апай.

Міне, ұстаздар шықты бүгін алаңға,

Спротшылар жеке-жеке команда

Ал, ұстаздар өздеріңді танытыңдар,

Мықтылық, батылдық көрсетіп табанды

«Ура» деген ұранды ортаға біз тастаймыз,

Жарысымызды бастаймыз!

Ал, енді жарысымызды бастайық.Топтардың аты мен ұраны. Әр топ өздерінің атымен ұрандарын таныстырады.

1-кезең. «Теңбіл доп» деп аталады.

Бұл ойында топ мүшелері допты жоғары лақтырып, қағып алып жүгіріп, кедергілер арасымен өтіп, қарама-қарсы тұрған адамның қолынан ұрады. Ұрғаннан кейін қарама-қарсы тұрған адам қолындағы алманы бір тістейді.

Келесі ойыншы келеді. Осылай қолындағы алманы жеп тауысуы керек. Ойын кезінде кедергілерді құлатпау, тапсырмаларды толық орындау шарт.

2-кезең: «Күзгі тарту» деп аталады.

Шарты: Бұл ойында әр топ екі ойыншыдан жұптасып арқаларын түйістіреді де орталарына доп қыстырып алып кедергілердің арасымен жүгіреді. Мәреге жеткеннен кейін жерде жатқан плакатқа күз туралы сурет салып келу керек.

Бірінші аяқтаған топ жеңіске жетеді.

3-кезең: «Шопинг» деп аталады.

Әр топ жетекшісі өз тобына қарама-қарсы қарап тұрады. Топ мүшелері кедергілер арасымен өтіп, топ жетекшісін әдемі киімдермен киіндіріп келеді. Киініп болған жетекші жерде жатқан картопты жинап келуі керек. Кім бірінші келсе. Сол жеңімпаз болады.

4-кезең: «Жеміс жидек жинау»

Алаңға жеміс –жидек шашылады. Топ жетекшісінің көзі байлаулы. Шашылған жеміске қарай топ мүшелері айқайлап бағыт бере отыра жеміс-жидекті жинап келу керек. 1 минут уақыт беріледі.

5-кезең: «Қақпашы»

Шарты: Бұл ойында топтың жетекшісі топтарына қарама-қарсы 10метр жерге барып қолына шелек ұстап тұрады. Қалған ойыншылар шариктерді біртіндеп лақтырады.Шелек ұстаған ойыншы лақтырған шариктерді қолындағы шелекпен қағып алу керек.

6-кезең.

«Паровозшы» шары: ойынды топ жетекшісі бастайды. Жетекші кедергілер арқылы жүгіріп өтіп қайтып келеді. Келгеннен кейін өз тобындағы ойыншыларды біртіндеп ертіп кетіп отырады. Бірінші келген топ жеңімпаз атанады.

7-кезең «Қаппен секіру»

Жарыс заңы ежелден-

Жеңімпазды анықтау

Жеңімпаз болу шарты сол-

Еңбектену, жалықпау

Біреу озса сайыста,

Біреу артта қалады

Жеңілгендер ренжімей

Тараса бізге жарады.

Сайысымыздың шарттары бойынша қорытынды шығарып жеңімпаздарды анықтап, марапаттау сөз әділқазыларға беріледі.

«Ертөстік» мектепке дейінгі балалар мекемесі

Эстафеталық жарыс

«Жүзден жүйрік, мыңнан тұлпар»

Дене тәрбиесі нұсқаушысы: Аманқосова Д

2016 жыл