Сценарий проведения соревнований по национальным видам спорта "Үрүҥ Уолан"

“Үрүҥ Уолан” күрэҕин

ыытарга аналлаах сценарий

1 ыытааччы:

Үтүө күнүнэн убаастабыллаах нэһилиэк олохтоохторо!

2 ыытааччы:

Орто туруу дойду

Уруйдаах уорҕатыгар

Олохсуйан үөскээбит,

Көхсүттэн тэһииннээх

Көмүскэстэс санаалаах

Аҕа ууһун удьуордуур

Урааҥхай уоланнарбытыгар аналлаах

Саҕалыырбытын көҥүллээҥ!

1 ыытааччы:

Олунньу ый уораанын уҕарытыыта

Одун Хаан оҥоһуутунан

Эти - сиини бөҕөргөтүнэр

Өй - санаа күүһүнэн

Бэйэни көрүнүү

Күргүөмнээх күрэҕин

Уолан ыччаттарбыт

Күөн көрсүһүүлэрин

Саҕалыыр дьоро күммүтүн

Көхтөөх ытыскыт тыаһынан

Урааҥхайдыы уруйдуоҕуҥ

Алгыһынан айхаллыаҕын!

(Уолаттар “Өрөгөй музыкатын” доҕуһуолунан киирэллэр)

1 ыытаччы:

Уол оҕо

Удьуору ууһатааччы

Олоҕу салҕааччы

Омук харысхала

Иитээччии, комускээччи

Айылҕаттан бэриллибит

Аҕа баһылык аналлаах

Ыллыктаах олохтоох

Ыал бас-көс киһитин

Тус бэйэтин уратыта

Окко түспүт оҥоһуута

Сиргэ түспүт дьылҕата өйдөнөн

Кута-сүрэ бөҕөргөөтүн

Сайдар-үүнэр саргыланын

Үйэлэртэн үйэҕэ

Үөрэҕи, үлэни тутуһан

Аргыланнын, харыстаннын

Аламаҕай санааланнын!

2 ыытааччы:

Аан дойдубутун

Араҥаччылыыр ыччаттарбыт!

Күн улууһун

Көмүсүүр уоланнарбыт!

Аман туруктанан

Туруу майгыланан

Ортону тутуьан

Бөҕөх санана

Бигэ этиилэнэн

Хотуу санааланан

Туолбатаҕы толоруҥ!

Чөл бэйэҕитин ытыктаныҥ

Саха куккутун саргылааҥ!

1 ыытааччы:

Тиит курдук кытаанах

Талах курдук имигэс

Булгуруйбат тулуурдаах

Мүлүрүйбэт дьулуурдаах

Быстыбат бырдылаах

Олоххутун оҥостуҥ!

Күүстээх сүрдэниҥ

Уһуйууну ааһыҥ,

Хатыыны туорааҥ!

2 ыытааччы:

Бүгүҥҥү былааҕы таһаарар чиэс сүктэриллэр оскуола аатын көмүскээбит уоланнарга:

1. 10-с кыласс үөрэнээччитигэр

2. 9-с кылаас үөрэнээччитигэр

3. 7-с кылаас үөрэнээччитигэр

(Өрөгөй музыката оонньуур)

1 ыытааччы:

Эҕэрдэлэр:

1. Соло - “Оҕо саас”

2. “Оһуор үнкүүтэ”

2 ыытааччы:

Бүгүҥҥү күрэххэ кылаабынай суудьуйаннан үлэлиэҕэ нэһилиэк, улуус тустууга, хапсаҕайга хас да төгүллээх кыайыылааҕа, спорт ветерана, тустуу тренера.

(Маҥнайгы бөлөх уоланнара күрэхтэһэн бүтэллэр. Тохтобул)

1 ыытааччы:

Эҕэрдэлэр:

1. Соло - “Сир симэхтэрэ”

2. 8 кылаас кыргыттарын ансамбла

(Улахан бөлөхтөргө күрэхтэһии саҕаланар. Түмүк. Уолаттар парадтаан киирэллэр)

2 ыытааччы:

Үс төгүл үрдээн

Түөрт төгүл төлөһүйэн

Аҕыс уон ааһар албаһы баһылааҥҥыт

Тоҕус уон куотар кубулҕаты тутуьаҥҥыт

Тилэххитигэр тирэхтээх

Өттүккүтүгэр күүстээх

Эрбэххитигэр эрчимнээх

Кыайыах Уоланнарбыт кыайдахтара!

Хотуох Уоланнар хоттохторо!

1 ыытааччы:

Бүгүҥҥү күрэх түмүгүн таһаарарга эҕэрдэ тылы биэрэбит оскуола иитэр улэҕэ завуһугар.

(Бастаабыт уоланнарга, кыайыылаахтарга анал бириистэри туттарыы).

СПОНСОРДАРГА МАХТАЛ!

Эҕэрдэлэр:

1. Соло - “Умнума”

2. “Морячка” үҥкүү

3. Соло - “Сахам Сирэ”

2 ыытааччы:

Уол оҕо биир күн ат өрөҕөтүгэр

Биир күн ат уорҕатыгар

Уол оҕо дьоллоох,

Соноҕос ат соргулаах

Өбүгэлэрбит ыллыктаах тылларын

Өйгүтүгэр хатааҥ!

Санааҕытыгар сааһылааҥ!

Сүьүөххүтүгэр тэнитиҥ!

1 ыытааччы:

Күндү күрэх кыттааччылара!

Урааҥхай саха уолаттара!

Киһи буолан кэскиллэнэн

Саха буолан саргыланан

Иилээн-саҕалаан

Алгыс аартыгын арыйыҥ!

Үтүө олоҕу түстээҥ

Төрүккүтүн-уускутун тэнитиҥ!

2 ыытааччы:

Баҕарабыт эһиэхэ

Баҕа санаа бастыҥын

Дьон-сэргэ ортотугар

Дьоһуннук сылдьаргытыгар!

Эрэйтэн эһиллибэккэ

Кыайыыга дьулуһар

Кытаанах санааны!

Билиигэ-көрүүгэ тардыһар

Бигэ туругу!

2 ыытааччы:

Манан эркээйи курдук эрэнэр

Кэскилбитин кэҥэтэр

Кэнчээри ыччаттарбытыгар аналлаах

Күрэхпитин түмүктээри туран

Кэлэн көрбүт, сэргээбит көрөөччүлэргэ

Бука бары этэҥҥэ буолуҥ!

1 ыытааччы:

Көрсүөххэ диэри күндү ыалдьыттар!

Көрсүөххэ диэри күндү доҕоттор!