Сапаргалиева Гульсум Хабылбековна №46 жалпы орта білім беретін мектебінің дене тәрбиесі пәні мұғалімі
Сабақтын тақырыбы: «Ұстазымыз және біз, спорт сүйер балғынбыз!»
Мақсаты: Оқушыларды дене тәрбиесі және спортпен шұғылдануға тарту, белсенділікке, қайсарлыққа, батылдыққа, ұйымшылдыққа тәрбиелеу, ойын кезінде әділдікке, жолдастық сезімге, ойынды жетілдіруге тәрбиелеу, балалардың бос уақытын тиімді пайдалану, денсаулықтарын нығайту.
Түрі: жарыс сабақ
Қатысатын командалар: 6сынып оқушылары, сынып жетекшілері.
Керекті құралдар: қарындаш, ұш шығарғыш, формат, доп, секіргіш, қара жорға әні, орындық, төсеніш.
Барысы:
І. Ұйымдастыру бөлімі.
ІІ. Негізгі бөлім.
Армысыздар, ағайын, ата-аналар! Бармысыздар, жанкүйер, әз қауым.
Бүгінгі күн әуенін біз бастайық,
Сайыста көңілменен қол соғайық!
Біздерде ойын-сауық басталады,
Тамаша күй тартылып, ән салады.
Қошметтеп қол соғып отыралық,
Ұмытарсыз күні бойы шаршағанды.
Құрметті ұстаздар, оқушылар! Бүгінгі «Ұстазымыз және біз, спорт сүйер балғынбыз!» атты спорттық жарысқа қош келдіңіздер! Біздің мақсатымыз достық, білгіштік қабілетін дамыту. Сонымен ортаға жарысқа қатысқалы отырған оқушыларды шақырамыз.
Әртаңды бақытпенен атырамыз,
Сайысқа қатысуға ортамызға
Спорт саңлақтарын шақырамыз.
Жарысқа қатысқалы отырған сынып жетекшісі бастаған алтыншы сынып оқушыларын қарсы алыңыздар.
Құрметті халайық!
Жарысты байқап көріңдер.
Әділ қазы алқасы
Әділ баға беріңдер.
Жарысты бастамас бұрын, ойынға әділ бағасын беретін әділ қазылар алқасымен таныстыра кетейік.
1. Мектеп диреторынын тәрбие ісі жөніндегі орынбасары____________________
2. Мектеп психологы________________________
3. Дене тәрбиесінің мұғалімі______________________________
Жарыстың шарттары:
1. Таныстыру (топ аты, ұраны.)
2. «Тасымақ ойыны ».
3. Сурет салу.
4. Акробатика
5. Өз біліміңді тексер!
6. Қара жорға биі
Құрметті сайыскерлер, сіздерге сәт – сапар!
1. Таныстыру: Әр топ атын, ұранын таныстыру.
Денің сау да күштісің бұл әлемде,
Денің сау да сұлусың жер бетінде.
Сол мықты денсаулықтың арқасында,
Жетерсің әлі талай бақыттарға.
2. «Тасымақ ойыны ». Ойын шарты:
Екі ойыншы арқасын түйістіріп, қолдарын шынтақ буыннан айқастырып, жанымен жүгіріп өтіп, кейін қарай қайталайды, бірі оң, екіншісі сол жағымен, тез жүруі керек.
Құрметті сайыскерлер деніміз сау болсын десек, спортпен шұғылданайық. Сонымен сайысымыздың келесі бөліміне көшейік.
3. «Сурет салу». Ойын шарты:
1. – ұш шығарғышты апару;
2. – қарындашты ұш шығарғышпен ұштау;
3. – қарындашты алып келіп 4 ойыншыга беру;
4. – қарындашты ақ қағаз қасына жеткізу;
5. – не салу керектігін ыммен түсіндіру;
6. – берілген суретті салу.
Мұғалім барлық құралдарын жинап, қазыларға тапсыру.
Жатып ішер боп жалқау,
Бойкүйез болма, еріншек.
Айналысып спортпен,
Талаптан, жаттық еңбекпен.
4. «Акробатика»
Ойын шарты: «Әр команда мүшелері гимнастикалық орындықтан жүріп өтіп, төсеніштен аунап түседі және жүгіріп келеді.
5.«Өз біліміңді тексер!»
Ойын шарты:
1 - допты секіртіп апарып, тапсырма орындау, жүгіріп келу;
2 - аяқ арасына допты қыстырып, секіріп барып, тапсырма орындау, жүгіріп келу;
3 - допты аяқпен итеріп барып, тапсырма орындау және жүгіріп келу;
4 - допты қолмен демеп жермен апару, тапсырма орындау, жүгіріп келу;
5 - скакалкамен секіру, тапсырма орындау, жүгіріп келу;
6 - қос аяқпен секіріп, тапсырма орындау, жүгіріп келу.
6. «Қара жорға» биін нақышына келтіріп билеу.
Жар салып алты Алашқа,
Әрбір қазақ баласы
Қара жорға билесін, - дей отырып, соңғы бөлімді бастаймыз.
ІІІ. Қорытынды бөлім.
Өнерге биік сеніңіз,
Думанға қызық келіңіз.
Әділқазы ел сенген,
Өнерге баға беріңіз!
Құрметті қауым! Сөз кезегі әділқазылар алқасында (әділқазылар сайыстың шарттары бойынша қорытынды шығарып, жеңімпаздарды жариялай отырып, марапаттайды).
Құрметті ұстаздар, оқушылар, жүлделеріңіз құтты болсын! Бүгінгі «Ұстазымыз және біз, спорт сүйер балғынбыз!» атты спорттық жарысымыз аяқталды.
Уа, халқым, назар аудар денсаулыққа!
Өмірде бақыттысың денің сауда.
Денсаулық терең бақыт деген сөзді
Құр айтпаған ұлы Абай атамыз да – дей отырып, барлығыңызға дендеріңіз сау болсын, деген тілекпен сайысымызды аяқтаймыз.
Қош сау болыңыздар!!
