Мектепте баскетбол ойынының қолданудағы әдістемелік ерекшеліктері

Ашық сабақ Мектепте баскетбол ойынының қолданудағы әдістемелік ерекшеліктері

Орындаған: Искаков.Б.К.

Жұмыстың өзектілігі:

Қазіргі заманда дене шынықтыру жаттығуларымен айналысу жоғары жетістіктерге жету мақсатын көздемейді, олар халықтың денсаулығын арттыруға, сауықтандыруға бағытталған. Осындай өзекті мәселелердің ең тиімді шешімі ретінде, ең біріншіден,спорттық ойындар пайдаланылады .

Болжамы:

Біздің бұл жұмысымыз оқу бағдарламысына сәйкес сегізінші сыныпқа дене шынықтыру сабақтарында баскетбол добының лақтырудың техникалық деңгейлерін үйретеді және соның нәтижесінде пайда болған қателіктерді түзету, допты лақтыруды үйретудің тиімділігін арттырады деген ұйғарымнан шықты.

Зерттеу нысаны:

Оқушылардың дене шынықтыру сабақтарында баскетбол ойынын үйрену процесі біздің жұмысымыздың зерттеу нысаны болып табылады

Зерттеу негізі:

Біздің жұмысымызда сегізінші сынып оқушыларының дене шынықтыру сабақтарында баскетболды үйренуі, олардың білім алу деңгейі мен оқыту құралдарының тиімділігі зерттелді

Ғылыми жаңалығы:

Біз оқушылардың допты бір қолмен лақтыруды қаншалықты деңгейде меңгергені туралы көрсеткіштің жоқтығын есепке ала отырып, оқушылар арасында лақтыруды үйреткенге дейін және одан кейін қаншалықты деңгейде және дәрежеде меңгергенін анықтау үшін тестілеуді өткізуді ұйғардық.

Жұмыстың маңыздылығы:

Зерттеудің эксперименталды көрсеткіштері мұғалімдерге допты бір қолмен лақтыру техникаларын меңгертуде тиімді құралдарды пайдалануға мүмкіндік береді деп санаймыз

Зерттеу жұмысының мақсаты:

8-сынып оқушыларына орнында тұрып иықтан бір қолмен допты лақтыру техникасын деңгейлеп оқыту. Осыған байланысты мәселелерді зерттеу.

Зерттеудің міндеті:

Орнында тұрып иықтан бір қолмен допты лақтыруда нысанаға тигізудің көрсеткіштер динамикасын анықтау;

8-сынып оқушыларына баскетбол ойнауды үйрету кезінде кеткен техникалық қателіктерді айқындау.

Алға қойған міндеттерді шешу үшін келесі зерттеу әдістері қолданылды:

• Ғылыми-әдістемелік әдебиеттерді саралау;
• Видеоға түсіру;
• Педагогикалық бақылау;
• Тестілеу;
• Математикалық статистика тәсілін қолдану;
• Педагогикалық эксперимент.

Қорытынды:

• Допты иықтан бір қолмен лақтыруды оқушыларға үйрету кезінде біз эксперименталды топ пен негізгі топтың тесттік көрсеткіштерінің өзгеру динамикасын анықтадық. Алғашқы тестілеудің нәтижесі бойынша допты сол жақтан лақтыру кезінде орташа есеппен 10 лақтырыстың 3-і дәл болған (t=2,4; P0,05). Эксперимент жүргізгеннен кейін оқытудың нәтижелілігі эксперименталды топта оң жақтан лақтыруда 6 дәл лақтырысқа (t=6,8; P

• Эксперимент нәтижесі бойынша лақтырысты дәл орындауға кері әсерін тигізетін бірнеше қателіктер анықталды. Қателіктердің жартысының басты себебі лақтырысты орындау техникасын үйренбеуден, лақтыру ережелерін білмеуден болған. Мысалы, допты дұрыс ұстамау (43%).

• Оқушылар лақтыруды орындау кезінде жіберген негізгі қателердің бірі – допты лақтырған соң қолды тез жіберу, доптың лақтырылуын аяғына дейін қолмен бақыламау (43%). Ұсынылған жаттығулар мен тренажерлар арқылы жұмыс істеу нәтижесінде эксперименталды топта бұл қателіктер толығымен жойылды. Сондай-ақ, допты лақтыруда тақтаны (щит) пайдаланбай, тікелей қоржынға лақтыру (70%) күрделі қателік болып табылады. Бұның салдарынан доптың нысанаға дәл тигізу мүмкіндігі азаяды. Эксперименттік әдістің бұл қателікті жоюға игі әсері тиді. Эксперимент соңында орнында тұрып бір қолмен иықтан допты лақтыру техникасын меңгеруде эксперименталды топтың деңгейі негізгі топқа қарағанда әлдеқайда жоғарылаған. Қорыта айтқанда, эксперименталды топ оқушылары негізгі топ оқушыларын барлық көрсеткіштер бойынша асып түсті. Бұл біз ұсынған технологияның тиімді екенінін дәлелі болып келеді.

Іс-тәжірибелік ұсыныстар:

Баскетболдан дене шынықтыру сабақтарын өткізу барысында біз дайындаған әдіс-тәсілдерді қолдануды ұсынамыз. Сондай-ақ лақтыру техникасын орындауда кезінде кеткен қателіктерді анықтау мақсатында жиі зерттеу жұмыстарын өткізуді ұсынамыз. Оқушылардың лақтыруды орындау техникасына ерекше көңіл аудару қажет, өйткені лақтырулар баскетболдың ең негізгі техникалық тәсілдерінің бірі. Оқыту процесінің тиімділігін арттыру үшін педагогикалық эксперимент кезінде эксперименталды топ оқушыларына қолданылған әдістерді кеңінен қолдануды ұсынамыз. Біздің ойымызша, мектептік бағдарламаға баскетбол бойынша лақтырудың түр-түрлерін енгізудің қажеті жоқ. Бұл төменгі буындардан жоғары буындарға дейін лақтырудың тұрақты іс-қимылдар дағдысын қалыптастыруға септігін тигізеді.