Көңілді старт

Көңілді старт»

                         Ойын шарты

Жарыстарға жетекшілік ету және қазылық ету сынып жетекшілеріне, дене шынықтыру мұғалімдеріне және тәрбие ісі меңгерушісіне жүктеледі. Әр тур 3 ұпайлық жүйеде бағаланады. 

                 Қолданылатын материалдар:  9-11 сыныптар оқушылары арасында өткізілетін «Көңілді старт»

Мақсаты:

1.     Оқушыларға салауатты өмір салтын насихаттау.

2.     Дене шынықтыру мен белсенді дем алуды ұйымдастыруда қозғалыс ойындарының әсерін оқушылар санасына жеткізе білу.

3.     Өткен материалдарды бекіту.

Доптар, скакалка, арқан, қаптар, гимнастикалық төсеніш, жалаушалар, орындықтар, айналатын дисктер т.б.

                       Команда құрамы:

Жарысқа екі команда қатысады. Әр команда 8 ойыншыдан құралады. 4 ұл және 4 қыз.

                              Жоспар:

1.     Команданың шығуы, өзін таныстыруы.

2.     Әділ-қазылармен таныстыру.

3.     Баскетбол себетіне гол салу.

4.     Арқан тартыс.

5.     Қаппен секіру.

6.     Әтештер қақтығысы.

7.     Капитандар сайысы.

8.     Дискде 10 рет айналып қорапшаны құлату.

9.     Аралас эстафета.

10.           Қорытынды, әділ-қазыларға сөз беріледі.

11.           Жеңімпазды марапаттау.

                     Ойынның барысы:

I. Баскетбол себетіне гол салу.

Өтетін орын, қажетті құралдар: спортзал, 2 доп.

Ойынға дайындық: Ойынға қатысушы екі топтың алдынан сөре сызығы сызылады. Топ басында капитандар тұрады. Қалған ойыншылар капитанының артында қатарлана тұрады. Команда капитандарына бір-бірден доп беріледі.

Ойынның мазмұны: Жетекші белгі бергеннен кейін команданың басында тұрған ойыншы допты еденге соға отырып, баскетбол себетіне барып, гол салады. Жерге түскен допты қолға алып, артқа жүгіріп келіп келесі ойыншыға береді. Келесі ойыншы допты қабылдап,ойынды жалғастырады.

Ойын ережелері:

1.     Ойынды тек белгі берілгеннен кейін ғана бастауға болады.

2.     Допты қабылдамай тұрып ойыншыға сызықтан шығуға болмайды.

3.     Бірінші болып мәреге жеткен және көп гол салған команда жеңіске жетеді. 

II. Арқан тартыс.

Өтетін орын, қажетті құралдар: Спортзал, ұзындығы 6-8 м болатын арқан.

Ойынға дайындық: Арқан тура ортасы алаңның дәл ортасында сызылған сызыққа қойылады. Арқанның дәл ортасына өзге түспен жіп байланады. Алаңның ортасындағы сызыққа екі жақтан параллель екі сызық сызылады.

Ойынның мазмұны: Жетекші белгі бергесін ойыншылар арқанды жерден алады. Жетекші ысқырық белгі берген соң екі команданың бірі қарсыластарын толық өз алаңдарына тартып алуға тиіс. Тартыс үш рет жалғасады.

Ойын ережелері:

1.     Тартыс тек белгі берілген соң басталады.

2.     Егер команданың бірі екі рет қатарынан белгі берілмей тұрып, ойынды бастап жіберсе жеңіліске ұшырайды.

3.     Қарсылас топты өз алаңына толық тартып алулары қажет. 

III. Қаппен секіру.

Өтетін орын, қажетті құралдар: Спортзал, екі қапшық.

Ойынға дайындық: Екі команда ойыншыларының алдынан сөре сызығы сызылады. Топтың басында тұрған ойыншы қапшықты киіп дайындалып тұрады.

Ойынның мазмұны: Жетекші белгі бергесін қап киген ойыншылар жарысты бастайды. Ойыншы қаппен секіріп барып, қарсы тұрған қабырғаға қолын тигізіп, бастапқы қалыпқа қайтып келеді. Қапшықты келесі ойыншыға шешіп береді. Ойын осылайша жалғаса береді.

Ойын ережелері:

1.     Ойын тек белгі берілгеннен кейін ғана басталуы керек.

2.     Қаппен секіруші ойыншы міндетті түрде қабырғаға қолын тигізуі керек.

3.     Ойыншы секіріп өз орнына келгенше келесі ойыншыға сөре сызығынан шығуға болмайды. 

IV. Әтештер қақтығысы.

Ойынға дайындық: Диаметрі 4-5 м шеңбер сызылады. Алаңның екі жағына екі топ ойыншылары орналасады. Ойын жүргізушінің нұсқауымен әр командадан бір-бір ойыншы шеңбердің ішіне кіреді.

Ойынның мазмұны: Ортаға шыққан ойыншылар жүргізушінің белгісінен кейін оң аяқтарын оң қолдарымен көтеріп ұстайды да, сол аяқтарымен секіре жүріп, иықтарымен қақтығыса бастайды. Қарсыластар бір-бірін шеңберден шығаруы керек. Қарсыласын шеңберден шығарған ойыншы өз тобына ұпай әкеледі.

Ойын ережелері:

1.     Екі ойыншының бірі қарсыласын шеңберден шығарып жіберуі керек.

2.     Ойыншы ұстаған аяғын жіберіп қойса, ол жеңілген болып есептеледі.

3.     Қақтығысу барысында қолмен итеруге болмайды, бос қол артта тұрады. 

V. Капитандар сайысы.

Өтетін орын, қажетті құралдар: Спортзал, 6 доп.

Тапсырма: Спортзалдың дәл ортасындағы сызыққа екі топ капитаны бір-біріне арқасын тірей тұрады. Жетекшінің белгісінен кейін әр капитан өздеріне бекітілген баскетбол қалқанына қарай жүгіріп барады. (ол жерде 3 доптан болады). Капитандар доптарды себетке лақтырып гол салады. Содан соң жүгіріп бастапқы қалыпқа келеді. Мәреге бірінші жеткен және көп гол салған капитанның командасы жеңіске жетеді. 

VI. Дискте 10 рет айналып қорабшаны құлату.

Өтетін орын, қажетті құралдар: Спортзал, екі айналмалы диск, 2 орындық, 2 қорапша.

Ойынға дайындық: Ойыншылар өз капитандарының артында орналасады. Екі топтың алдынан сөре сызығы сызылады. Команда басында тұрған ойыншы жарысуға дайын тұрады.

Ойынның мазмұны: Жетекші белгі берген соң команда басында тұрған ойыншы 10 м жүгіріп барып айналмалы дискте 10 рет айналып, орындық үстіне орнатылған қорапшаны шертіп құлатады да бастапқы қалыпқа қайтып келеді. Жарысты келесі ойыншылар осы қалыппен жалғастыра береді.

Ойын ережелері:

1.     Ойын тек белгі берілген соң басталады.

2.     Міндетті түрде қорапшаны шертіп құлату қажет.

3.     Командалас ойыншы орнына келмейінше келесі ойыншыға сызықтан шығуға болмайды.

 VII. Аралас эстафета.

Өтетін орын, қажетті құралдар: спортзал, 2 жалауша, 2 ұзын орындық, 2 гимнастикалық төсеніш, 2 секіртпе, 2 баскетбол добы.

Командалар алдынан сөре сызығы сызылады.

1-кезең.

Жетекші белгі берген соң қолында жалаушасы бар ойыншы жүгіріп барып қарсы қабырғаға қолын тигізіп, бастапқы қалыпқа қайтып келеді де, жалаушаны келесі ойыншыға береді.

2-кезең.

Ойыншы ұзын орындықтың үстімен қос аяқпен секіре отырып, қолын қабырғаға тигізіп бастапқы қалыпқа қайтып келеді. Келесі ойыншы ойынды осылай жалғастырады.

3-кезең.

Ойыншы гимнастикалық төсенішке дейін жүгіріп барып, төсеніште алға қарай бір айналып, қабырғаға қолын тигізіп, бастапқы қалыпқа қайтып келеді. Ойын осы әдіспен жалғаса береді.

4-кезең.

Ойыншы секіртпемен секіріп барып, қабырғаға қолын тигізіп, бастапқы қалыпқа оралады. Ойынды келесі ойыншы жалғастырады.

5-кезең.

Екі команда ойыншылары допты жерге соға отырып,қабырғаға тигізіп, бастапқы қалыпқа оралады. Допты қабылдап алған ойыншы ойынды осы бағытпен жалғастыра береді.

6-кезең.

Команда капитандары допты еденге соға отырып, баскетбол қалқанына жеткен соң допты себетке лақтырады. 2 голды бірінші болып салған капитанның командасы жеңіске жетеді. 

IX. Қазылар алқасы ойынның қорытындысын шығарады.

Бір ұпай жеңілгені үшін, екі ұпай тең ойын үшін, үш ұпай жеңіске жеткені үшін беріледі.

 Х. Жеңімпазды марапаттау.

Жеңіске жеткен команда мақтау қағазымен, сыйлықтармен марапатталады. Ойынға қатысқан оқушыларға естелік сыйлықтары беріледі.