Көңілді эстафета
Мақсаты: Дене мүшесінің сұлулығын қалыптастырып қимыл-қозғалыс әдемілігін үйлесімділігін дене қуатын жетілдіру. Ұжым арасында жағымды көңіл-күй орнату.
- Құрметті ұжымдастар, көңілді эстафета жарысын тамашалауға қош келдіңіздер! Қызметкерлер арасынан жарысқа қатысатын командаларды ортаға шақырайық. Олар «Күн шуақ», «Қызғалдақ» және « Қыран» командалары. Бүгінгі жарысқа төрелік ететін әділқазы мүшелерімен таныстырып өтейін.( Әділқазылар мүшесі таныстырылады).
- Алдымен сайысқа қатысушыларды жарыстың шартымен таныстырайын.
1. Таныстыру
2. Жалаушаны тез жеткіз.
3. Құрсауды лақтыр.
4. Секіртпемен секіріп кел.
5. «Футбаскет».
6. Допты екі аяғының арасына қысып, мәреге барып келу.
7. Есеп шығару.
Командаларға сәттілік тілеп жарысымызды бастаймыз.
1.Таныстыру.
«Күн шуақ» командасы:
«Күн шуақ» біздің атымыз,
Шуақ шашып жүреміз.
Денемізді шынықтырып,
Ұзақ өмір сүреміз,
Бәріңізге жалынды сәлем береміз!
«Қызғалдақ» командасы:
Біз қызғалдақ тобымыз,
Ақпыз, қара, сарымыз,
Ағайынбыз бәріміз.
Қарсыласты жеңеміз.
« Қыран» командасы:
Қыран құстай ұшамыз,
Алыстарға самғаймыз.
Шаршы алаңда топ жарып,
Қарсыластан қалмаймыз.
- Кедергілер арасымен жалаушаны алып, жүгіріп мәрені айналып келесі ойыншыға беру.
- Мәреден асыра құрсауды лақтыру.
- Мәре сызығына секіртпемен секіріп келу.
- «Футбаскет» шартында, бірінші ойыншы футбол добын аяғымен теуіп кедергілер арасымен алып өтеді. Ал, екінші ойыншы баскетбол добын жерге соғып, кедергілер арасымен барып келеді.
- Допты екі аяғының арасында қысып мәреге жету.
- Есеп шығару шартында ойыншы кедергілер арасымен жүгіріп барып есепті шығару керек. есептің дұрыс шығарылуына қарай ұпай беріледі.
- Жарысымыздың тамашалап болсақ, әділ- қазыларға сөз кезегін береміз. Қазылар алқасының шешімі бойынша 1 орын « Қыран», 2 орын «Қызғалдақ», 3 орын «Күн шуақ» командасына берілді. Жеңістеріңіз құтты болсын, биіктерден көріне беріңіздер!
