«Көңілді 8- наурыз!» мерекелік эстафетасы

Тақырыбы: «Көңілді 8- наурыз!»

«Дені сау адам – табиғаттың ең қымбат жемісі» Т.Карлейль

Мақсаты:

1. Тәрбиешілердің денсаулығын, белсенділігін нығайту, ептіліктерін, шапшаңдықтарын, батылдықтарын, күштіліктерін байқау.

2.Спортқа деген сүйіспеншілігін арттыру.

3.Салауатты өмір салтын насихаттау.

Қолданылатын құралдар: эстафеталық кедергілер (кегли), доптар (үлкен, кіші), гимнастикалық орындық, гимнастикалық қабырға, түрлі-түсті дөңгелектер, қап, шелектер(нысана ретінде)...

Іс шара түрі: эстафеталық жарыс.

Сайыстың барысы: балабақша спорт залында көңілді әуен ойнап тұрады.

- Құрметті ойыншылар, бүгін «Көңілді старт» атты эстафеталық жарысымызды бастаймыз.

Жүргізуші: Қайырлы күн, құрметті спорт сүйер қауым! Қазақстан Республикасының Президенті Н.Ә.Назарбаевтың «Халық денсаулығы» атты мемлекеттік бағарламада халықтың денсаулығын нығайту – мемлекетіміздің бірінші кезектегі атқаратын міндеті екенін атап көрсеткені баршамызға белгілі. Салауатты өмір салтын ұстану – осы іс шараның бір баспалдағы. Жалпы дене шынықтыру шәкірттердің ғана емес, ересектердің де күш – қуатын өсіріп, олардың денсаулығын шыңдап, қан тамырларының жүйелі жұмыс жасауына ықпал етеді. Осы салаустты өмір салтын насихаттау мақсатында және 8 наурыз халықаралық әйелдер мерекесі қарсаңында өткізлгелі отырған спорттық шарамызға қош келдіңіздер.

Барша әйлдер қаумын осы атаулы мерекемен құттықтаймыз.

Таза ауа, спорт болсын дәріміз.

Еңбек етіп келгенінше әліміз,

«Алға» - деген бір – ақ мақсат ұстанып,

Сайысқа аттанайық бәріміз!

Ал енді спорт заңы бойынша әділқазылар алқасымен таныстырып өтейік.

Мұғалімдер отыр сынға түскелі,

Сыналмақшы ептілік пен күштері.

Әрбірінің жігер – күші жалындап,

 Сайысатын ұстаздарды бүгінгі

  Қарсы алайық қошаметпен бәріміз.

Ортаға  сайысқа түскелі тұрған топтарымызды шақырайық.

- Құрметті ойыншылар, бүгін «Көңілді старт» атты эстафеталық жарысымызды бастаймыз.

-Бүгінгі спортық мерекелік шараның бас төрешілерімен танысытырып өтейік (әділқазы мүшелерімен таныстыру).

Жарыс түрлері:

1. Таныстыру.

2. «Жыланша иілеміз» сайысы.

3. «Кім жылдам?» сайысы.

4. «Кедергілер» сайысы.

5. «Кенгуру» сайысы.

6. «Нысанаға дәлде» сайысы.

7. «Епті де, жүйрік» Капитандар сайысы.

8. «Арқан тартыс»

Құрметті сайыскерлер, сіздерге сәт сапар!

1. Таныстыру. Топтар өздерін таныстырып, ұрандарын айтады.

2. «Жыланша иілеміз» : «зигзаг» тәртібі бойынша орналасқан кедергілер арасынан баскетбол добын домалатып жүргізіп, межеден айлалып, допты қолға алып кері қарай жүгіріп келу. Келесі топ мүшесіне допты жалғастыру.Топ соңына тұру. Қай топ бірінші аяқтаса, сол топ жеңіске жетеді.

3. «Кім жылдам?» сайысы: Бір қатарға, қол созымы жерге сап түзіп тұрады.Белгі бойынша қолдарын үстіне көтеріп бастаыштың добынын соңына дейин жалғастыру. Доп соңғы ойыншыға жеткенде оны кері еңкейіп екі аяқтың ортасынан қайта жалғастырамыз. Қай топ бірінші аяқтаса, сол топ жеңіске жетеді.

4. «Кедергілер» : белгі бойынша ойыншылар түрлі- түсті дөңгелек кедергілерден қос аяқпен секіріп, гимнастикалық орындықтан жатып сырғанап, гимнастикалық қабырғаға өрмелеп, кері тобына жүгүріп келеді. Келесі ойыншы дәл осылай жалғастырады. Қай топ бірінші аяқтаса, сол топ жеңіске жетеді.

5. «Кенгуру» : Қаппен секіре отырып 6-7 метр қашықтықта орналасқан межеден айналып келу. Қай топ бірінші аяқтаса, сол топ жеңіске жетеді.

6. «Нысанаға дәлдеу»: 6-7 метр қашықтықта орналасқан нысанаға (шелекке) қолдарына таратылған кішкентай доптарды лақтыру, кезектесіп. Қай топ нысанасына көп доп дәлдесе сол топ жеңіске жетеді.

7. «Епті де, жүйрік» : Капитандар сайысы: Старт сызығында бір бірінен 30 см арақашықтықта орналасқан кеглилерді бір бірден 5 метр қашықтықта орналасқан сызыққа жеткізеді.Бірінші аяқтаған топ капитаны жеңіске жетеді.

8. «Арқан тартыс»: Арқанды өз жағына тартып шығарған топ жеңіске жетеді.

- Рахмет, ойыншылар. Барлық жарыс шарттарын орындадық.

Жүргізуші:

Спортқа биік сеніңіз,

Думанға қызық келіңіз.

Әділқазы ел сенген

Сайысқа баға беріңіз!

(Әділқазылар сайыстың шарттары бойынша қорытынды шығарып, жеңімпаздарды жариялай отырып, марапаттайды).