"Тұрақты электр тогы" ҚМЖ

Сыныбы 8

Күні:

Сабақтың тақырыбы

Мақсаты

• Тұрақты электр тогы тарауын қайталай отырып, тарау бойынша алған білімдерін тиянақтау, толықтыру, бекіту.

• Алған білімдерін практикада қолдана білу және есеп шығарғанда оны пайдалана білуге баулу.

• Өмірдің барлық ағымы физикалық заңдылыққа қатысты екендігін көрсету. Экономикалық, экологиялық тәрбиеге көңіл бөле отырып, оқушылардың ғылыми көзқарастарын қалыптастыру. балаларды еңбектене, іздене білуге баулу; тәжірибе нәтижелерін қорыта білуге, есептер шығаруға дағдыландыру.

Күтілетін нәтижелер

• Оқушылар « Тұрақты электр тогы» туралы білімдерін өз бетінше ой-қорытындылар жасай білу негізінде тереңдетеді.

• Тұрақты электр тогы тарауы бойынша есептер шығару арқылы оқушылар өз дүниетанымына сенімділік орнатады.

• Оқушылар топтық жұмыс жасау және бірін- бірі әділ бағалау арқылы ынтымақтастық, достық қарым-қатынас жасауға дағдыланады.

Керекті жабдықтар

Интерактивті тақта, компьютер, оқулық, үлестірмелі материалдар, құрал жабдықтар

Сабақ барысы:

• Ұйымдастыру кезеңі

• Сұрақ-жауап

• Формула құрастыру

• Есептер шешу

• Графикалық тест

• Практикалық жұмыс

Сабақ кезеңдері

Мұғалім әрекеті

 Оқушы әрекеті

Ұйымдастыру

Сыныптағы психологиялық ахуалды қалыптастыру: оқушылармен амандасу, түгендеу.

- Тақырыпқа байланысты «Ток күші», «Кернеу», «Кедергі» болып 3 топқа бөлу

- Оқушылармен бірге 5 «Т» ережесін және өздерінің «Алтын ережесін» еске түсіру.

- Тыныштық сәтi. Су асты патшалығына ойша саяхат. (Оқушылар түзу, қолдарын тізесіне немесе үстел үстіне қойып, аяқтарын айқастырмай отырады, Баяу музыка жіберіледі.

«Хрустальная грусть» А.Захаренко

-Бағалау критерилерімен таныстырып, бағалау парақшасын тарату.

Мұғаліммен амандасады, кезекші жоқ оқушыларды айтады, топқа бөлінеді, оқу құралдарын дайындайды. Сабақ мақсатымен, жоспарымен, бағалау критерийлерімен танысады.

Сұрақ-жауап

Ток күші тобына:

1. Электр тогы дегеніміз не?

2. Ток күші дегеніміз не?

3. Ток күшінің өлшем бірлігі, формуласы

4. Ток күшін өлшейтін құрал

5. Неше ампер ток адам өміріне қауіпті?

Кернеу тобына:

1. Кернеу дегеніміз не?

2. Кернеудің формуласы, өлшем бірлігі.

3. Жарықтандыру желісінде қандай кернеу пайдаланылады?

4. Кернеуді өлшейтін құрал тізбекке қалай жалғанады?

5. Тізбекті параллель қосудың тізбектей қосудан айырмашылығы қандай?

Кедергі тобына:

1. Өткізгіштің кедергісі қандай әріппен

белгіленеді?

2. Формуласы өлшем бірлігі?

3. Өткізгіштің кедергісі қандай шамаларға

тәуелді?

4. Менешікті кедергінің өлшем бірліктері?

5. Өткізгіштің кедергісі температураға

байланысты қалай өзгереді?

Оқушылар өткен тақырыпты еске түсіреді. Әрбір топ өздеріне қойылған сұрақтарға қысқа және нақты жауып беруге тырысады. Көрші топтардың жауаптарын мұқият тыңдайды, бір-бірінің жауаптарын толықтырады.

Бағалау бетшесін толтырады. Әр дұрыс жауап – 1 балл

Формула құрастыру

Ойланайық азырақ

Уақытыңды үнемдеп.

Кім шығады кәнекей,

Жауабын "Мен білем" деп

Төмендегі физикалық шамаларды

пайдалана отырып, әр топ формула құрастырады.

I A U Q R P E F t q S l ρ

Әр топ өз аттарына сәйкес I, U, R табатын формулаларын жазады

Оқушылар топта формула құрастырып, талқылап ортаға салады,

Әр топ бір-бірін бағалайды. Ең көп дұрыс формула жазған топ әр топ мүшесіне 3 баллдан қояды. Екіншісі – 2 балл. Қалыс қалған топ 1 баллдан алады.

Есептер шешу

Есептер шығара аламыз ба?

Жібермейміз біз есе,

Ғалым болып өсеміз

Көзді ашып жұмғанша

Есепті біз шешеміз.

Деңгейлеріне байланысты 9 есеп беріледі. Әр топқа 3 есептен (слайд арқылы)

Бағалау критериі бойынша бірін –бірі бағалау

Тапсырманы жеке орындайды, сын тұрғысынан ойлана отырып қорытынды шығарады. Дұрыс жауапқа сәйкесті оқушылар әр дұрыс есепке 3 ұпайдан қояды және бағалау парағына салады.

Графикалық тест

Физикалық құралдардың щартты белгісіне сәйкестендіру. Ең жоғары ұпай - 6

Қаншасын дұрыс тапса сонша ұпай қояды.

Практикалық жұмыс

Тізбек құрастыра білеміз бе?

Шартты белгіні дұрыс белгілеуі – 1 балл, тізбекке жалғауы – 1 балл.

Тапсырманы топпен орындайды (А-3 қағазына орындап, тақтаға іліп топ бірін-бірі бағалайды.)

Сабақты бекіту:

• Электр энегиясын үнемді пайдалану жөнінде не айтасыңдар?

Сіз білесіз бе?

Өз ойларын ортаға салады

Рефлексия

• Сабақ ұнады ма?

• Қандай тапсырма қиындау болды?

• Қай тапсырманы жақсы орындадың?

Оқушыларды бағалау

Жинаған ұпайларын бағалау парағына түсіріп, қорытынды ұпайларын мектеп бағасына айналдырады.

Кейінгі тапсырмалар

Үй тапсырмасы

• Тұрақты электр тогына планшет, тест жасап келу

• “Қазақстандағы электр энергиясын өндіретін аймақтар туралы не білесіңдер?” Реферат дайындау.

Мұғаліммен қоштасу

Рефлексия

Бір қария жол жүріп келе жатып, алдынан салы суға кетіп, қабағы түсіңкі бір жас жігітті көреді. Жігітті сөзге тартып, оның қайдан келе жатқанын сұрайды. Қарияның сұрағына жігіт: "Жолда бір қарт кемпірді көрдім. Қолында екі дорбасы бар екен. Кемпір"Дорбаларымды үйге апарып көмектесші"деп жалынып тұрып алды. Қоймағасын үйіне дейін апарып тастадым. Дорбалары өте ауыр екен. Діңкем құрып келе жатыр. Қайдан ғана жолықтым екен" деп ашу-ызасын жасырмастан кете барады. Бұл кездесуден кейін қария жол-жөнекей тағы бір жолаушы жігітке жолығады. Ол жігіттен де қайдан келе жатырғанын сұрайды. Жігіт жолдан дорба арқалаған әжейді көргенін, әжейдің бұдан көмек сұрағанын, ол қуана келісіп, әжейге көмектесіп, дорбаларын үйіне дейін жеткізіп бергенін айтып, өз жөнімен кете барады. Қария жігіттің жанарынан ызаны да, қуанышты да байқамайды. Осылайша қария жол-жөнекей беті бал-бұл жанған үшінші жігітке кездеседі. Алдыңғы екі жігітке қойған сұрағын бұл жігітке де қояды. Сонда жігіт "Жолдан ақ жаулықты ананы көрдім. Қолында үлкен дорбалары бар екен. Жүгіріп барып қолындағы дорбаларын алып, үйіне дейін апарып тастадым. Жол жөнекей байғұс ананың сөзінен жалғыз ұлы белгісіз жабысқан дерттен қаза болғанын естідім. Ана кетерімде маған көп алғысын айтты. Мен бүгінгі күнімнің текке өтпегеніне қуанамын. Сол аяулы анаға ертең барып, отынын жарып берсем деймін" деді де өз жолымен кете барды.

Балалар, сендер ше? Сендер бүгінгі сабақта қай жігіт секілді жұмыс атқардыңдар? Бүгінгі сабақтан өз өмірлеріңе қажетті нәрселерді ала алдыңдар ма?