Техникалық оқыту құралдары: компьютер, видеопроектор, экран
Құрал-жабдықтар: су ,паскаль шары, шелек
Пәнаралық байланыс: тарих
Сабақтың жоспары:
Ұйымдастыру бөлімі
І.Үй тапсырмасын тексеру.
ІІ. Үй тапсырмасын қорытындылау.
ІІІ.Жаңа сабақ.
ІҮ.Жаңа сабақты бекіту.
Ү.Жаңа сабақты қорытындылау.
ҮІ.Бағалау.
ҮІІ.Үйге тапсырма
II.Үй тапсырмасын сұрау
1.Қысым деп нені айтады?
2.Қысымды қандай әріппен белгілейміз?
3.Қысымды қалай анықтайды?
4.Қысымның өлшем бірлігі неге тең ?
5.Қысымға байланысты өмірден мысалдар келтіріңдер.
III. Үй тапсырмасын қорытындылау.
Сонымен «Қысым» деп белгілі бір бетке түсірілген күш әрекетінің нәтижесін сипаттайтын физикалық шаманы айтады.
IV. Жаңа сабақ
Қысымның қатты денелер, сұйықтар және газдар арқылы берілуі. Паскаль заңы.
Алдыңғы тақырыптағы қысым тақырыбымен байланыстырамын. Балалар, өткен сабақта біз қысым тақырыбын өттік. Осы тақырып бойынша алған білімімізбен жүйелі білім пойызына мініп, сонау қасиетті Түркістан шаһарына қарай саяхат жасайық. Ондағы Қожа Ахмет Иассауи кесенесіне барып Тайқазаннан өз үлесімізді алып қайтайық.
Балалар тарихи мәдени мұраларды зерттеу игеру жөніндегі Призиденттің 2003 жылғы сәуір айындағы жолдауында айтылған. Осыған байланысты Үкімет «Мәдени мұра» бағдарламасын қабылдап оған 3 млдр. теңге ақша бөлінді. Енді біз бүгін сабағымызда осы бағдарламаға сай мәдени ескерткіштерге барып, өз үлесімізді қосайық.
Сыныптағы «Жүйелі білім» пойызы.
І вагонның контролері (тексеруші) – Тасқалиева Мадина
ІІ вагонның контролері (тексеруші) – Амантаев Қасымхан.
ІІІ вагонның контролері (тексеруші) –Нұршатова Нұрайым
Ал осы тексерушілердің білімін темір жол торабының бастығы мен сіздерді тексеріп бағалаймын. Біздің поезымыз әрі қарай жылжиды.
І бекет. Түркістандағы Ахмет Йассауи кесенесі.
Бұл ертетегі үлкен тарихи мәдени орталық. Қазақстанның ХІҮ –ХҮ ғасырлардағы сәулет өнері. Оған кіріп аралау үшін мына тапсырманы орындаймыз.
Қатты денелердің, сұйықтардың және газдардың барлық қасиеттері олардың құрылысына байланысты болады. Сондықтан біз ең әуелі оларды құрайтын молекулалардың қалай орналасқанын, қалай қозғалатынын ждәне бірімен-бірі қалай әрекеттесетінін, қатты денелердің, сұйықтар мен газдардың негізгі қасиеттерін еске түсірейік. Ол үшін мына кестеге назар аударып, толтырайық.
Заттың әр түрлі күйлерінің қасиеттері.
ІІ бекет. ТүркістандағыАрыстан баб кесенесі.
Бұл ертетегі үлкен тарихи мәдени орталық. Қазақстанның ІХ –ХІІ ғасырлардағы сәулет өнері. Ендеше бұл кесенеге кіріп аралау үшін мына тапсырманы орындау керек. Ол үшін тәжірибе жасау керек. Егер тәжірибені дұрыс орындасаңдар бұл кесенені аралап шығасыңдар. Ол үшін сіздер қысымның сұйықтар мен газдарда қалай берілетінін анықтайсыңдар. 96 - сурет бойынша жұмыс. Керекті құралдар: Паскаль шары, су, шелек. Тәжірибені жасап болсақ, әрі қарай саяхатымызды жалғастырайық.
ІІІ бекет. Тараздағы Айша Бибі кесенесі.
Бұл ертедегі үлкен мәдени орталық сипатына лайықты болған. Қазақстанның ІХ –ХІІ ғасырлардағы сәулет өнері. Бұл кесене Тараз қаласында орналасқан. Бұл кесенедегі тапсырма Француз ғалымы Блез Паскаль туралы айту.
ІҮ бекет. Тараздағы Алаша хан кесенесі.
Бұл Алаша хан кесенесі Тараз қаласындағы ертедегі мәдени орталық. Бұл Х-ХІ ғ. сәулет өнерінің туындысы.Ендеше бұл кесенеге кіріп аралау үшін мына тапсырманы орындау керек. Паскаль заңының тұжырымдамасын және паскаль шарының құрылысын айтып беру.
V бекет. Астана қаласы. Жаңа сабақты бекіту.
ХХ-ХХІ ғасырдағы Астанадағы сәулет өнері. Бұл бекетте біз жаңа сабақтан алған білімімізді бекітеміз.
Бекіту сұрақтары:
1.Қысымның қатты денеде , сұйықтар мен газдарда берілуі қандай?
2.Паскаль заңы дегеніміз не болды?
3.Паскаль шары неден тұрады?
4.Мысал келтіру
ҮІ.Жаңа сабақты қорытындылау.
Кесте толтыру
Сұйықтарда қысымның берілуі
Газдарда қысымның берілуі
Қатты денеде қысымның берілуі
Ұқсастығы
ҮІ.Бағалау. Смайликтер арқылы өздерін бағалайды.
ҮІІ.Үйге тапсырма:
«Қысымның қатты денелер, сұйықтар және газдар арқылы берілуі. Паскаль заңы.» тақырыбын оқып, өзін - өзі тексеру сұрақтарына дайындалып келу.
