Программа прикладного курса для 11 класса "Эксперименттік есептер шы?ару"

Павлодар облысы

Ақтоғай ауданы

Жолболды ауылы

Естай атындағы орта мектеп

Жаратылыстану-математикалық бағыттағы

11 сыныпқа арналған «Эксперименттік есептер шығару»

қолданбалы курсының бағдарламасы

Құрастырған: физика пәнінің мұғалімі

Елеукенова Гүлден Кайырбайқызы

Түсінік хат

11 сыныпқа арналған «Эксперименттік есептер шығару» факультативтік курсының бағдарламасы аптасына 1 сағат, барлығы 34 сағатқа негізделген. Қазіргі уақытта техникалық мамандықтарға әлеуметтік сұраныс артуда. Сондықтан, алдымызда оқушыларды бұл пән бойынша сапалы дайындау мақсаты тұр. Оқушыларда «Физика – қиын пән, алдағы уақытта маған керек емес» деген көзқарас бар. Бұл көзқарасты жою үшін оқушылардың бұл пәнге деген қызығушылығын арттыру керек. Ол үшін түрлі дидактикалық материалдар мен сапалық, мәтінді есептерді шығара білу біліктерін арттыру керек.

Факультативтік курстың мақсаты: Сабақта алған теориялық білімдерін практикада қолдана білу дағдыларын қалыптастыру. Физика пәнінің мамандықтарды игеру кезіндегі ролін ұғындыра отырып, оқушыларға мамандық таңдауға мүмкіндік жасау.

Мақсатқа жету үшін орындалатын міндеттер:

• Практикалық дағдыларын дамыту мақсатында, сапалық есептерді шығару қабілеттерін арттыру.

• Оқушылардың логикалық қабілеттерін дамыту.

• Алған білімдерін жаңа ортада қолдана алатындай, шығармашылық қабілеттерін дамыту.

• Оқушылардың физика пәніне деген қызығушылығын арттыру.

• Қазіргі заманғы техникаға деген қызығушылығын арттыру.

• Физика заңдары мен құбылыстарын практикада қолдана алатындай білімін қалыптастыру.

• Математика, пәнімен байланысын арттыру.

Оқытудың нәтижелері:

- Физика заңдары білімінің негізінде нақты математикалық дағдылардың қалыптасуы.

- Физика пәнін игеру кезінде оқушылардың өзін-өзі бағалауының артуы.

- Сабақ кезінде қызығушылық деңгейінің артуы.

Тақырыптық жоспар

(аптасына 1 сағат, барлығы 34 сағат)

№	Тақырыбы	сағат саны	өткізу күні
1	Қалташадағы мыс пен алюминийдің массасын анықтау	1
2	Тікбұрышты алюминий пластинасының қалыңдығын анықтау	1
3	Мензурка шкаласындағы бөліктің құнын анықтау.
4	Әтір флаконының ішкі көлемін анықтау	1
5	Серпімді дене мен оған әрекет ететін ауырлық күші мен оның арасындағы байланысты анықтау.
6	Алюминий бөлшектерімен толтырылған теннис шаригінің бос кеңістігін анықтау	1
7	Сымның ұзындығын өлшеу	1
8	Су ішінде массасы 100 г денеге әрекет ететін ығыстырушы күшті анықтау	1
9	Цилиндрлік дененің горизонталь бетке түсіретін қысымын анықтау	1
10	Суда жүзіп жүрген дененің массасын анықтау	1
11	Көлбеу жазықтықтың пайдалы әрекет коэффициентін есептеу	1
12	Мұз кесегінің көлемін анықтау	1
13	Қатты дененің тығыздығын анықтау	1
14	Құмдағы ауаның құрамын анықтау	1
15	Денені қыздыру үшін қажетті немесе оны суытқанда бөлінетін жылу мөлшерін есептеу	1
16	Тегіс емес формалы тастың тығыздығын анықтау	1
17	Пластилиннің тығыздығын анықтау	1
18	Заттың агрегаттық күйлері өзгерген кездегі жылу мөлшерін есептеу	1
19	Калориметрдегі заттың меншікті жылу сыйымдылығын анықтау	1
20	Үстелдің ауданын анықтау	1
21	Электр тізбегін құрастыру	1
22	Қалташадағы алюминий мен мыстың массасын анықтау	1
23	Калориметрдің жылу сыйымдылығын анықтау	1
24	Магниттердің өзара әрекеттесуін зерделеу	1
25	Тастың тығыздығын анықтау	1
26	Тұздың меншікті балқу жылуын анықтау NaCl	1
27	Мұздың меншікті балқу жылуын анықтау	1
28	Судағы қардың пайыздық құрамын анықтау	1
29	Ньютонның екінші заңын зерделеу	1
30	Жоғары дәлдікпен резистордың кедергісін анықтау	1
31	Реостаттың кедергісін анықтау	1
32	Серіппелі пистолеттен ұшып шыққан снарядтың жылдамдығын анықтау	1
33	Динамометрдің көмегімен өлшемдері динамометрдің өлшеу шегінен үлкен салмақты дененің массасын анықтау	1
34	Қорытынды	1
	Барлығы	34

Қолданылған әдебиеттер тізімі:

1. Физика және астрономия оқулығы жалпы білім беретін мектептің 10-сыныпқа арналған /В.Кем,Б.Кронгрт, Н.Қойшыбаев/

2. Орта мектептегі физика практикумы дидактикалық құрал А.А. Покровский

3. Физикалық эксперимент В.Ф Шилов

4. Енохович Н.И. Справочник по физике и технике. М.: «Просвещение»,1985.

5. Физика есептерінің жинағы А.П.Рымкеевич

Павлодар облысы

Ақтоғай ауданы

Жолболды ауылы

Естай атындағы орта мектеп

Жаратылыстану-математикалық бағыттағы

10 сыныпқа арналған «Есепті физика»

қолданбалы курсының бағдарламасы

Құрастырған: физика пәнінің мұғалімі

Елеукенова Гүлден Кайырбайқызы

Түсінік хат

Физиканың мектеп курсын игеру – физикалық құбылыстар мен заңдылықтарды түсіну ғана емес, сонымен бірге оларды практикада қолдана білуді үйрену. Есептерді шығару біліктілігі білімді нақтылайды және практикалық қолдануына мүмкіндік жасайды. Физикалық ұғымдар, процесстер мен заңдарды игеруге көмектесетін физикалық есептердің үлкен білімділік және тәрбиелік мәнін ескере отырып, тұрақты түрде оқушылардың есеп шығару біліктілігін арттырып, осы біліктілікті бақылап отыру қажет.

Дидактикалық материалдарды оқыту процессінде жүйелі түрде қолдану оқушыларға есептерді аналитикалық, графикалық және зерттеу әдістерімен шығаруға мүмкіндік тудырады.

Тақырыптық жоспарға кинематика, динамика, молекулалық физика және электродинамикадан есептер енгізілген. Әрбір тарауда есептердің жеткілікті көлемі берілген.

Әрбір тараудан кейін тестер өткізіледі. Тест тапсырмалары оқушылардың білімін объективті түрде тексеруге мүмкіндік тудырады. Әрбір тест 30 сұрақтан тұрады. Тапсырмалар барлық өткен материалды қамтиды.

Курстың соңында қорытынды тест өткізіледі.

Материал оқушылардың даму деңгейімен сәйкестендірілген, олардың өз бетінше жұмыс істеудің жеткілікті деңгейіне және алған білімдерін жаңа ортада қолдана алуын арттыруғы арналған.

Оқытудың нәтижелері:

· Физика заңдарын ұғындыру негізінде нақты физикалық дағдыларды қалыптастыру.

· Физикалық білімдер негізінде оқушылардың өзін өзін бағалай алу қабілеттерін арттыру.

· «Физика – қиын пән, маған өмірде бұл пәннің қажеті жоқ » деген ойдан арылту.

· Сабақ кезінде пәнге деген қызығушылық деңгейін арттыру.

· Профильдік пән ретінде жаратылыстына бағытындағы пәндерді таңдайтын оқушылар санын арттыру.

Нәтижеге жетуді бағалау әдістері:

· Курстың басында және соңында сұрақ –жауап алу.

· Оқушылардың білім деңгейін бақылау.

Мақсаты мен міндеттері:

• Практикалық сипаттағы есептерді шығару біліктілігін арттыру.

• Оқушылардың ойлау қабілеттерін арттыру, жаңа сұрақтарға жауап табуға үйрету.

• Оқушылардың шығармашылық қабілеттерін дамыту.

• Оқушылардың профессионалдық ориентациясының қалыптасуына көмектесу, қызығушылығы мен икемділігін көрсету.

• Өмірлік белсенділіктің қалыптасуына жағдай жасау.

• Физикалық заңдар мен құбылыстарды практикада қолдану біліктілігін және қазіргі заманғы техникаға деген қызығушылығын арттыру.

• Физикаға деген пәндік қызығушылығын арттыру.

Курстың мазмұны мен құрылымы:

Механика (13 сағат). Түзусызықты айнымалы қозғалыс кезіндегі жылдамдық. Теңайнымалы қозғалыс кезіндегі орын ауыстыру, үдеу. Көкжиекке бұрыш жасай лақтырылған дененің қозғалысы. Ньютон заңдары. Ауырлық күші және үйкеліс күші әрекет еткен кездегі қозғалыс. Сақталу заңдары. Тараудың соңында тес тапсырмалары беріледі.

Молекулалық физика (11 сағат). МКТ негізгі теңдеуі. Молекулалардың жылдамдығы. Идеал газ күйінің теңдеуі. Термодинамиканың бірінші заңы. Термодинамиканың бірінші заңын изопроцесстерге қолдану. Газ заңдары. Ішкі энергия. Қатты денелер мен сұйықтардың жылулық ұлғаюы. тараудың соңында тест тапсырмалары беріледі.

Электродинамика (8 сағат) Кулон заңы. Өріс кернеулігі. Потенциалдар айырымы. Конденсатордың электр сыйымдылығы. Тізбек бөлігі және толық тізбек үшін Ом заңы. Ампер күші. Лоренц күші. Электромагниттік индукция. Әр түрлі ортадағы электр тогы. Тараудың соңында тест тапсырмалары беріледі.

Қорытынды тест (1 сағат)

Тақырыптық жоспар

(аптасына 1 сағат, барлығы 34 сағат)

№	Тақырыбы		с/с	өткізу күні
Механика (13)
1-2		Түзусызықты айнымалы қозғалыс кезіндегі жылдамдық	2
3-4		Теңайнымалы қозғалыс кезіндегі орын ауыстыру, үдеу	2
5-6		Көкжиекке бұрыш жасай лақтырылған дененің қозғалысы	2
7-8		Ньютон заңдары	2
9		Ауырлық күші және үйкеліс күші әрекет еткен кездегі қозғалыс	1
10-11		Сақталу заңдары	2
12		Тест «Кинематика»	1
13		Тест «Динамика»	1
Молекулалық физика (11)
14-15		МКТ негізгі теңдеуі. Молекулалардың жылдамдығы	2
16-17		Идеал газ күйінің теңдеуі	2
18-19		Термодинамиканың бірінші заңы. Термодинамиканың бірінші заңын изопроцесстерге қолдану. Газ заңдары	2
20-21		Ішкі энергия	2
22-23		Қатты денелер мен сұйықтардың жылулық ұлғаюы	2
24		Тест «Молекулалық физика»	1
Электродинамика (9)
25-26		Кулон заңы. Өріс кернеулігі. Потенциалдар айырымы. Конденсатордың электр сыйымдылығы	2
27-28		Тізбек бөлігі және толық тізбек үшін Ом заңы	2
29-30		Ампер күші. Лоренц күші	2
31		Электромагниттік индукция	1
32		Әр түрлі ортадағы электр тогы	1
33		Тест «Электродинамика»	1
34		Қорытынды тест	1
		Барлығы:	34

Қолданылған әдебиеттер тізімі:

1. В.Кем, Б.Кронгарт . Есептер жинағы – Мектеп – 2012

2. Б.Кронгарт, В.Кем, Н.Қойшыбаев. Физика. Оқулық – Мектеп- 2010

3. А.П. Рымкевич. Сборник задач по физике. – М.: Просвещение. – 1984

4. А.С. Енохович. Справочник по физике. – М.: Просвещение. – 1990

5. «Физика – Қазақстан мектебінде» ғылыми-әдістемелік журнал