"?ызы?ты физика ?лемі"

Қызықты физика әлемі

(8-11 сыныптар аралығындағы ойын-сайыс)

Сабақтың мақсаты:

Білімділік: оқушылырдың физика пәнінен алған білімін толықтырып жетілдіру.

Дамытушылық: есте сақтау қабілетін, ойлау, бақылау, зерттеу, салыстыру қабілетін дамыту.

Тәрбиелік: оқушыларды өзара көмектесуге, бірлесіп жұмыс істеуге тәрбиелеу.

Көрнекілігі: апталықтың аты жазылған плакаттар, формулалар, карточкалар.

Барысы:

Оқушыларды топқа бөлу ("Ньютон", "Архимед").

1. "Бәйге" сайысы

Оқушылар әртүрлі сұрақтарға жауап береді, қай топ бұрын жауап берсе, сол топ 5 ұпайға ие болады.

"Қызықты сұрақтар"

1. Елеуішпен су әкелуге бола ма? /Болады, мұз күйінде/

2. Егер шелектердің ішіндегі суды ішіп қойсаң, не қалады? /Ауа, су буы қалады/

3. Қандай ыдысқа су құйылмайды? /Суы бар толы ыдысқа/

4. Орнынан қозғалмай не өтіп бара жатыр? /Уақыт/

5. Неліктен су отты сөндіреді? /Су ауа жібермейді, от ауасыз жанбайды/

6. Ашық ыдыстағы су неге азаяды? /Буланады/

2. "Кім жүйрік" сайысы.

Мектептен үйге жету үшін физикалық шамалардың өлшем бірліктерін 2 минут ішінде айтып үлгерулері қажет.

Мектеп

Үй

3. "Серігін тап" ойыны.

Жеке карточкаларға жазылған физикалық шамалар бойынша құрастырылады. (3 минут уақыт беріледі).

4. "Жұмбақтар" сайысы

1. Өмірде өлмейді ешкімнен сұрамай,

Тіліңді алмайды тетігін бұрамай. (сағат)

2. Өзі арық, сөзі - әріп. (қалам)

3. Көкке қараған, жұлдыз санаған. (телескоп)

4. Сұйық, қатты, бу болып құбылатын,

Ішіп, кешіп, жүзетін қандай заттың. (су)

5. Қозғалысқа келтіріп,

Жылдамдығын береді.

Өлшемдерін қарасақ,

Ньютонға ол келеді. (күш)

6. Пайдаланған мені жұрт

Отын әрі жарыққа.

Қызмет етем әрқашан

Мені білген халыққа. (электр тогы)

7. Жоғалмайды ешқашан,

Түрлендірсек егер де.

Басқа күйге ауысса,

Жұмыс істейді әрқашан. (энергия)

8. Туыстарын шетінен

Өбеді де бетінен.

Бала-шаға ұсағын

Бауырына қысады. (магнит)

9. Шаңға толы шанағы

Қоқыр-соқыр тамағы. (шаңсорғыш)

10.Көзіңмен көресің, бірақ қолмен ұстай алмайсың. Ол не? (көлеңке)

5. "Тұрақтылар" сайысы

1. Жердің орташа радиусы ()

2. Еркін түсу үдеуі ()

3. Гравитациялық тұрақты ()

4. Универсал газ тұрақтысы ()

5. Электрон заряды ()

6. Жарық жылдамдығы ()

7. Планк тұрақтысы ()

8. Авогадро тұрақтысы ()

6. "Көкпар" сайысы: "Физикалық анаграмма"

"Қалам" құралының көмегімен сөздерді тауып, екі топ кезектесіп сызып шығады.

(Қысым, аудан, биіктік, Паскаль, салмақ, тығыздық, манометр, сұйық, газ, күш).

7. "Жорға" сайысы.

Бұл ойынға әр топтың жетекшісі ғана қатысады. (Сұрақ-жауап түрінде жүргізіледі).

1. "Физика" сөзінің қазақша аудармасы. (Табиғат)

2. 12 шоқ жұлдыздың аты. (Зодиак)

3. Суыққа ең төзімді құстар. (Қаз бен үйрек)

4. Электр заряды жоқ бөлшек. (Нейтрон)

5. Қатты бөлшектердің газдағы және сұйықтағы хаосты қозғалысы қалай

аталады? (броундық қозғалыс)

6. Бүкіләлемдік тартылыс заңын ашқан ғалым? (Ньютон)

7. Зарядталған бөлшектердің реттелген қозғалысы. (электр тогы)

8. Дыбыстың қаттылығы неге байланысты? (тербеліс амплитудасына)

Әділ қазылар алқасы екі топтың ұпай сандарын айтады. Содан соң жеңіске жеткен топқа сыйлықтар ұсынылады.