Физика п?нінен «Білімпаздар б?йгесі» атты сайыс 8-9 сыныптар

Сәлеметсіздер ме? Құрметті оқушылар !

Физика –ғажайып әлемі

Көп онда қызықтар әдемі

Физика қоршаған жан –жағың,

Бәрінен құр босқа қалмағың –деп бүгінгі болатын «Білімпаздар бәйгесі» атты сайысымызға хош келдіңіздер.

Мақсаты: Оқушылардың танымдық көзқарасын, ой-өрісін, дүниетанымын кеңейту, шапшаңдық, ізденімпаздық қасиеттерін қалыптастыру.

Жиналған ылғи дарындар

Жүректе от, көздерінде жалын бар

Екі топқа халайық

Қолсоғып қарсы алайық,-деп сайыскерлерімізді,яғни 8-9 сынып оқушыларын ортаға шақырайық.

Шеберлікті, білімді

Сараптап сіздер көріңіздер.

Әділ-қазы алқасы,

Әділ баға беріңіздер,-деп әділ-қазы алқасын сайлап алайық.

Әділ- қазылар алқасы

1.Оқу ісінің меңгерушісі:Айдарбекова Айым Қабдырашқызы

2.

«Білімпаздар бәйгесі» атты сайысымыз мынадай кезеңдерден тұрады:

1.Таныстыру

2.Бәйге

3.Тапқырлық

4.Қателеспе

5.Ғалымдарды білесіңдер ме?

6. Мағынаны ашу

Әр дұрыс жауапқа 10 ұпайдан қойыңыздар.

Жарыс заңы ежелден,

Жеңімпаз болу шарты сол.

Еңбек етіп жалықпай,

Сәтті сапар тілеумен.

Сайысты біздер бастайық,

Көрсетіндер өнерді,

Қарап қалма жасқанып.

1.Таныстыру. (әр топ өздерін таныстырады )

Қарап тұрмай бәйгеге еріңіз,

Шәкірттерге әділ шешім беріңіз,

Жүзден жүйрік, мыңнан тұлпар шығарар,

Бәйге,бәйге, бәйгені бір көріңіз.

2.Бәйге

1.Заттың ең кішкентай бөлігі

А)молекула, б) атом, ә)диффузия, в) дене (атом)

2.Физика ..... туралы ғылым

А)табиғат, б) зат, ә)техника, в) космонавтика (табиғат)

3.Қандай энергия болмайды?

А)жылу,б) электр,ә) атом, в)техникалық (техникалық)

4.Энергияның берілуінің қандай түрі болмайды?

а)конвекция б)диффузия, ә)сәулелену, в)жылуөткізгіштік (диффузия)

5.Темір бұл - ...

А)зат, б) нәрсе, ә) дене, в) термин (зат)

6.Энергияның өлшем бірлігі

А) Ампер, б)Джоуль,ә)Ватт,в) Ньютон (джоуль )

7.Физикада қандай түсінік болмайды?

А) Жұмыс, б) Қуат, ә)Икем, в)Энергия (икем)

8.Кімнің күші кері итеруші деп аталады?

А)Ньютон, б) Фарадей, ә)Архимед, в)Галилей (Архимед)

9.Инерция заңын ашқан кім ?

а)Ньютон б) Галилей,ә)Архимед,в) Паскаль (Галилей)

10.Қуаттың өлшем бірлігі

А)Джоуль б)Вольт,ә)Ньютон, в)Ватт (Ватт)

11.Шәйнек қандай ыдыстар қатарына жатады?

а)үлкен, б) қатынас, ә)кішкентай, в)әдемі (қатынас)

12.Сұйықтың қысымын өлшейтін құрал

А)барометр,Б)психрометр, ә)манометр,в)термометр (манометр)

13.Күн жүйесінде орналасқан бесінші ғаламшар

А)Марс,б)Сатурн, ә)Юпитер,в)Шолпан (Юпитер)

14.Қай ғаламшарды Кіші Шолпан деп аталады?

А)Шолпан,б)Юпитер,ә)Марс,в)Меркурий (Меркурий)

15.Физикада қандай қозғалыс болмайды?

А)бірқалыпты,б)бірқалыпсыз ә)бірқалыпты үдемелі,в)біртеңді (біртеңді)

Білімдіден шыққан сөз,

Талаптыға болсын кез.

Нұрын, сынап көруге,

Көкірегінде болсын көз деп,- Абай айтқандай келесі сайысымызды бастаймыз

3.«.Тапқырлық»кезеңі

Мына сөздерді физикалық шамаларға ауыстыр.

Керуен 1.Кернеу

Мысық 2.Қысым

Самса 3.Масса

Тауық 4.Уақыт

Заңдылыққа физикалық сеніңдер

Салыстырып барлығында көріңдер

Сұрақтарға ұлағатпен қараңдар,

Ойларынды ептілікке ораңдар.

4. «Қателеспе».

1-тапсырма.Бұл кезеңде шаршының астына сурет жасырылған.Сол суретті табу керек .

2- тапсырма.

1.Көлемдері бірдей екі шелекке су толтырылған. Бір шелектегі суға ағаштың бөлігі салынған.Қай шелектің салмағы көп?

Жауабы: Екі шелектегі судың салмағы бірдей.Себебі Архимед күшіне байланысты ағаш өзінің көлеміндей суды ығыстырып шығарады.

2.Ауыр кеме суда жүзіп жүре алады.Суға батырылған шеге батып кетеді.Мұның себебі неде?

Жауабы: Тұтас қатты дененің тығыздығы сұйықтың тығыздығынан артық. Сондықтан шеге суға батып кетеді.Яғни шегенің тығыздығы судан артық.

3.“Тон жылытады” деген сөз дұрыс па?

Жауабы:Дұрыс емес, өйткені адам денесін тон жылытпайды, бірақ тон астарының арасында ауа жылуөткізгіштігі нашар болғандықтан, денедегі жылуды ұстап тұрады.

4.Спиртпен сылағанда дененің салқындайтыны неліктен?

Жауабы:Дене қызуы әсерінен спирт буланғанда өзімен бірге энергияның бір бөлігін ала кетеді

Бұл адамдар ардақтаған халықтар,

Ғылымда даңқы шыққан алыптар.

Қара, ойлан, зерек болсаң, балақай,

Алыптарды әрқашанда танып қал.

5.Ғалым физиктерді білесіңдер ме?

1.Аристотельден кейінгі «Екінші ұстаз» атанған кім? Әл-Фараби

2. Жер төңкергіш ғалым кім? Архимед

3.Алғаш рет «электр тогы»түсінігін енгізген ғалым кім? (Андре Ампер)

4.Бүкіләлемдік тартылыс заңын ашқан кім? (Исаак Ньютон)

5.Физика ұғымын алғаш орыс тіліне енгізген ғалым (М.С. Ломоносов)

6.Инерция заңын ашқан ғалым (Галилео Галилей)

Физика- табиғаттың тілі екен ғой,

Көз таратар табиғаттың сыры екен ғой,

Салған ән, айтылған сөз, ішілген ас,

Бәрінің бағынары физика екен ғой.

6.Мағынаны ашу

1- тапсырма: Кімнің әні немесе осы әнді орындайтын әнші

2-тапсырма: Осы әннің бір шумағын орындау

3 - тапсырма:Әнде кездескен сөздердің физикалық мағынасын ашу

І топ.

Желсіз түнде жарық ай.

Сәулесі суда дірілдеп,

Ауылдың жаны терең сай,

Тасыған өзен гүрілдеп,

(Жауабы: Жарықтың шағылуы, жарықтың сынуы, су мен жердің үйкелісі,дыбыстың шағылуы)

ІІ топ.

Мүлгіген тыныштық ,айдала,

Шу бойы ырғалып жай ғана.

Гүлдерді тербетіп самалдың ескені,

Аңсаттың ,дариға,Жайлаукөл кештері.

(Жауабы:қозғалыстың салыстырмалылығы тыныштық ,дыбыстың таралуы, тербелісі,уақыттың үздіксіздігі)

Ендігі сөз кезегін әділ-қазылар алқасына береміз.

Сайыста белсене қатысқан топты ------------------- марапаттаймыз.

Осымен бүгінгі кешімізді аяқтаймыз.Хош сау болыңыздар.