Қазақстан Республикасындағы коммерциялық банктер

Үшқоңыр су шаруашылығы колледжі арнайы экономикалық пәндер оқытушысы Шулгубаева Жаркынай Сарсенбековна

Пән: Банк ісі

Сабақтың тақырыбы: Қазақстан Республикасындағы коммерциялық банктер

Сабақтың мақсаттары:

1. Білімділік: Өткен тақырыптар бойынша алған мәліметтерін кеңейту, тереңдету және жүйелеу. Қазақстанның екінші деңгейлі банктерінің жүйесімен, қызметімен тікелей танысу.

2. Дамытушылық: Оқушылардың алған теориялық білімін дамыту, практикамен ұштастыра білу, пәнге деген қызығушылығын арттыру, банктерге алдын-ала ұйымдастырылған саяхат нәтижесінде алған мағлұматтарымен таныстырып, өз ойларын жеткізе білу, дағдылары мен шығармашылық қабілеттерін дамыту.

3. Тәрбиелік: Экономикалық қызметке лайық дағдыларды және мәдениетті бойға сіңіру, Отанға деген сүйіспеншілікке тәрбиелеу, іскерлік, бәсекелестікке дайын, күрделі мәселелерді жылдам шеше алатын икемді, жауапты жасты қалыптастыру, буклеттер мен слайдтар дайындау барысында бірізділікке, талғампаздыққа, ұжымшылдыққа тәрбиелеу.

Сабақтың типі: білімді шолу, үйрету және жүйелеу.

Сабақтың түрлері: іскерлік ойын, жарыс сабақ.

Сабақтың көрнекілігі: интерактивтік тақта, буклеттер, слайдтар, түсіндірме сөздік.

Сабақ барысы:

1. Ұйымдастыру кезеңі.

2. Мақсат қою. Бүгінгі сабақтың барысымен таныстыру.

Оқытушының кіріспе сөзі:

Дамыған банк жүйесін құру кез-келген елдегі түбегейлі экономикалық өзгерістердің басты шарты болып табылады. Қазақстан Республикасының Ұлттық банкінің экономиканың нақты секторына әсері банк секторы арқылы жүзеге асырылатындықтан , ол осындай аса маңызды буын болып қала береді. Банк тәуекелдерін реттеу жөніндегі әлемдік банк практикасындағы жалпы қабылданған көзқарастарды ұстану, банк есебінің, бухгалтерлік және қаржылық есептіліктің халықаралық стандарттарын енгізу жұмыстары әлі жалғасын табуда. Ал бұл қазақстандық банктердің әлемдік деңгейге көтерілуіне, біздің елімізге шет елдік әріптестер тарапынан көрсетілер сенімнің нығаюына негіз болады. ҚР-ғы коммерциялық банктер өз қызметіне 1995 ж 30 наурызда қабылданған «ҚР Ұлттық банкі» және 1995 жылдың 31 тамызында қабылданған «ҚР-ғы банктер және банктік қызметтер туралы» ҚР заңдарын басшылыққа алады.         Коммерциялық банктер-банктік жүйенің екінші деңгейін білдіреді. Олар банктік ресурстарды шоғырландыра отырып, заңды және жеке тұлғаларға кең көлемде банктік операциялар мен қаржылық қызметтерді жүзеге асырады.        

«Адам байлығының ең тамашасы - білім» деген екен шығыс ғұламасы Әбу Райхан Әл – Бируни. Ендеше бүгінгі білім сайысын бастайық.

Сайыс үш турдан тұрады:

1. Қызығушылықты ояту.

1. Банктер әлеміне саяхат.

3. Тапқыр банкир.

Ендеше іске сәт деп, топтарымызбен танысайық.

1. «Депозит»

2. «Валюта»

3. «Несие»

Әр сайысқа дайындықтарыңызды өзім саралап, бағаларыңызды беріп отырамын. 1-турдың шарты бойынша топ мүшелері «Банктердің бірігуі экономикаға оң ықпалын тигізеді» деген тақырып бойынша дайындаған баяндамаларын қорғайды.

2-турдың шарты бойынша топ мүшелері аудан орталығы Қаскелең қаласында орналасқан «Халық банкі», «ForteBank», «Kaspi Bank», «АТФБанк» сынды екінші деңгейлі банктердің филиалдарына саяхат жасап, қызметімен танысқан. Алған мәліметтерін бүгінгі көпшілікке ұсынғалы отыр.

III.Үшінші турдың шарты терминдермен жұмыс жүргізу. Әр топқа банк ісінде қолданылатын он терминнен беріледі, әрбір дұрыс жауап ұпайлармен бағаланады.

IV.Қорытынды: Топ мүшелерінің жинаған балдарын есептеу. Оқытушының қорытынды сөзі.

V.Үйге тапсырма: ҚР Президенті Н.Назарбаевтың Қазақстан халқына Жолдауы «Төртінші өнеркәсіптік революция жағдайындағы дамудың жаңа мүмкіндіктері»: Қаржы секторын «қайта жаңғырту» бөлімі бойынша дайындалып келу.

Қолданылған әдебиеттер:

1. ҚР Президенті Н.Назарбаевтың Қазақстан халқына Жолдауы «Төртінші өнеркәсіптік революция жағдайындағы дамудың жаңа мүмкіндіктері»

1. С.Б.Мақыш «Банк ісі» Алматы «Жеті жарғы» 2009ж.

2. Ғ.Сейітқасымов, Ж.Бекболатұлы, С.Кәрімжанов «Қазақстанның банк жүйесі» Алматы, Экономика 2008ж.

3. Қаржы - экономикалық сөздігі. Алматы 2008ж.