«Жүк көлігі»

Білім беру саласы:

«Әлеуметтік»

Ұйымдастырылған оқу іс-әрекеті:

Қоршаған ортамен таныстыру.

Тақырыбы:

«Жүк көлігі»

Мақсаты:

Түрлі жүк тасуға арналған көлік түрлерімен таныстыра отырып, олардың адамдарды таситын көлік түрлерінен айырмашылығын атап айтып беруге үйрету. Көліктің құрылысы оның жүгінің сипаты мен мағынасына байланысты болатыны туралы түсінігін кеңейту. Адамдардың еңбегіне құрметпен қарауға тәрбиелеу.

Қолданылатын көрнекі құралдар.

Көлік түрлері бейнеленген суреттер, ойыншықтар. Слайд.

Алдын ала жұмыс:

Үйлерінен өздеріне ұнаған машина түрлерін әкелу. Көліктер жайлы өлең жаттау. Ұшақ Кеме

Бұлттар менен көктегі, Теңізді жүздім балықтай,

Мен боламын туысқан. Дүниені кездім жалықпай

Озып шығам құстарды, Көліктердің бір түрі,

Қанат қақпай ұшамын. Мен боламын қайықтай.

Билингвальді компонент:

Көлік-танспорт, жүк автокөлігі-грузовой автомобиль, сүт таситын машина-молоковоз, нан таситын машина-хлебовоз.

Әдіс-тәсілдері:

Сөздік,көрнекілік,ойын.

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық-қозғаушылық

«Кім қандай көлікпен келді?» ойыны

Ойын шарты: Балаларды шеңбер бойында тұрғызып, допты лақтырып, балабақшаға қандай көлікпен келгендерін сұра

Слайд. «Көліктер»

• Осы көліктерді жүру жолдарына байланысты қалай атауға болады?

• Балалар, жерде жүретін көліктерге не жатады, оларды қалай атайды?

• Суда жүзетін көліктерге не жатады, оларды қалай атайды

• Әуеде ұшатын көліктерге не жатады, оларды қалай атайды?

• Пойыз қандай көлік түріне жатады.

• Балалармен көлік жүргізетін адамдарды туралы әңгіме жүргізу.

• Машинаны кімдер жүргізеді?

• Пойызды кім басқарады?

• Ұшақты кім басқарады?

• Кемені кім басқарады?

Балалар жауабын тыңдап, толықтыру.

Допты қағып алған бала қандай көлікпен келгенін және оның түсін айтады.

Балалар сұраққа жауап береді.

Жер үсті көлігі: машиналар, автобустар, т. б.

Су көлігі: қайық, кеме, катер, теплоход, т. б.

Әуе көлігі: ұшақ, тік ұшақ.

Пойыз -темір жол көлігіне жатады.

Жүргізуші.

Машинист.

Ұшқыш.

Капитан.

Ұйымдастыру-шы ізденушілік

Балалар назарын үстел үстіндегі нан, сүт, хат, ашық хаттарға, газетерге аударып, оларды қайда, немен апаруға болатындығын сұрау.

• Кәне, балалар мына заттарды қандай көліктермен апаруға болады? Аталған заттарды тасуға қажетті машиналарды нақты тапқанша жетелеуші сұрақтар қоя отырып, мысалы:

• Нан және хаттарды жаңбырдан, желден, қардан сақтау үшін қандай көлік түрімен тасимыз?

Балалармен бірге жүк тасуға арналған көліктерді бөліп алып,

түсінік беру.

Жүк тасуға арналған көліктерді екі топқа бөлуге болады, (фургон, цистерна)

• Жүк көліктерінің бір-бірінен айырмашылығы қандай?

• Ұқсастықтары бар ма?

Балалардың зейінін олардың ортақ белгілеріне аударады.
- Ортақ белгілері не?
- Оларға дөңгелектер не үшін керек?
- Айырмашылықтары қандай?

Балаларды орталыққа бөлу:

«Әдебиет» орталығы: Жүк көліктері туралы әңгімелеп беру тапсырылады, өлең жаттау.

Машина

Төрт аяғым дөңгелек,

Адамсыз мен жүрмеймін,

Барлық жерге жеткізіп,

Апарамын жүктерді.

«Құрылыс» орталығы: :Жүк көліктеріне арнап автотұрақ құрастыру.

«Үстел үсті ойын» орталығы: «Суреттерді құрастыр» Балалар суреттерді құрастырып, қандай көлік түрі шыққанын оны не үшін пайдаланатыны жайлы әңгімелейді.

Орталықтағы балалар орнын ауыстырады.

Сергіту сәті:

«Қызыл,сары,жасыл»

Шарты: Балалар «қызыл» деген сөзі естігенде әр түрлі машиналар қимылын, дыбысын салады, «сары» дегенде орындарында тұрып қол шапалақатайды, «жасыл» дегенде бір орында жүреді.

Балалар сұраққа жауап береді.

Нан, газет-журналдар мен хаттар таситын жүк көліктерін табады және олардың шанағының (кузовының) жабық болатынын түсіндіреді.

Олардың ұқсастығы мен айырмашылығы жайлы айтып береді.

Орталықтарда жұмыс жасайды.

Әр түрлі қимылдар жасайды.

Рефлексивті- түзетушілік.

Оқу іс-әрекетін көліктер жайлы өлеңдер оқып, сұрақ-жауап әдісімен балалардан бүгінгі жиыннан алған әсерлерін, көңіл-күйлерін, немен айналысқандарын, не үйренгендерін сұрап, балаларды мадақтау

Сұрақтарға жауап береді.

Нені білу керек:

Жүк тасуға арналған көлік түрлерін, олардың адамдарды таситын көлік түрлерінен айырмашылығын, көліктің құрылысы оның жүгінің сипаты мен мағынасына байланысты болатындығын;

Нені игереді:

Сүт,нан, пошта тиаситын көлік түрлерін, олардың адамдарды таситын көлік түрлеріне айырмашылығын;

Нені біледі:

Көліктің құрылысы оның жүгінің сипаты мен мағынасына, автотұрақтардың көлік түрлері мен көлеміне байланысты болатындығын;