Жол атасы - Ба?даршам

Сабақтың тақырыбы:»Жол атасы- Бағдаршам»

Сабақтың мақсаты: Ойынды тәрбие құралы ретінде пайдаланып, бала сезімін кеңейтіп, тілін ұштастырып, жол ережесін жасына сай меңгерту. Көшеде жүру ережесін білу арқылы жолда жүру мәдениетін үйретіп, сақтыққа тәрбиелеу.

Сабақтың әдіс-тәсілі:Әңгімелеу,түсіндіру,ойын,сұрақ жауап.
Сабақтың көрнекілігі: бағдаршам, белгілер, жол белгілері

Сабақтың барысы:

1.Ұйымдастру кезеңі

Сәлемдесу,түгендеу,назарын сабаққа аудару.Психологиялық сәт.

Қуан шаттан,

Қуан шаттан,

Қуанатын күн бүгін.

Қайырлы таң,Қайырлы күн,

Күліп шықты,күн бүгін.

2. Жаңа сабақ.
Тәрбиеші: Сабағымызды жұмбақпен бастайық
Аяғы бар жүрмейді,
Аузы жоқ сөйлейді. (Бағдаршам)
Қонаққа бағдаршам келді. Қатты қағаздан жасалған бағдаршамның үлкен суреті.
Бағдаршамның қызметі қандай?
- Жол тәртібін реттеуші.
- Бағдаршам сендерге хат әкеліпті, ашып көрейік, не жазыпты?

Ойын «Бағдаршам құрайық»
Қызыл көзін ашқанда,
Сынық сүйем баспа алға.
Сары көзін ашқанда,
Қарап қалма аспанға.
Жасыл көзін ашқанда,
Өте бергін жасқанба.

Жүргізуші: Балалар жүргіншілер мынадай сұрақ қойыпты.
- Жүргіншілер қай жолмен жүру керек?
- Жиек жолмен жүреміз.
- Жиек жол болмағанда ше?
- Жер асты жолымен.
- Жолдың қай жағымен жүру керек?
- Оң қол жақпен жүреміз.
- Қоғамдық көліктерге қай жерден отырамыз?
- Аялдамадан отырамыз.

3.Сабақты бекіту:

Тәрбиеші: - Өте жақсы, бағдаршамның берген сұрақтарына жауап бердіңдер.
- Балалар бағдаршамға арнап тақпақтарымызды айтайық.

Камила: Ашса кезек үш көзін,
Айтты деп ұқ үш сөзін,
Тоқта, сақтан, жол ашық.
Жүрме жолға таласып,
Қызыл көзін ашқанда
Сынық сүйем баспа алға.

Мейірім: Қызыл жанды, тоқтағын,
Көрдің жұрттың тосқанын.
Сары жанды дайындал,
Айналаңа қарап ал,
Жасыл жанды, тыңдағын,
Жолың ашық, тұрмағын.

Аманжол: Мен көшеден өтерде,
Бағдаршамға қараймын.
Қоймаған ғой бекерге,
Жәрдемшісі ол талайдың.

Тәрбиеші:- Балалар, бағдаршам сендерге ойын әкеліпті.
«Белгілерді құрастыр және айтып бер».
Ойынның шарты: Балалар алған жарты белгінің екіншісін тауып құрастырыңдар, содан кейін атап беруіңіз керек.
Жанатын бағдаршам ортаға шығады.
Қызыл көзін жағады. Оқушылар қозғалмай тұрады.
Сары көзін жағады. Балалар қол шапалақтайды.
Жасыл көзін жағады. Балалар орындарында тұрып жүреді.

4.Қорытындылау:- Балалар, бүгін немен таныстық.
- бағдаршаммен.
- Бағдаршамның неше көзі бар?
- Үш көзі бар.
- Қандай - қандай түсті шамдар?
- Қызыл, сары, жасыл
- Көшелерден белгіге қарамай жүгіріп өтуге бола ма?
- Жоқ.
- Ал, көшенің қай жерімен өтуге болады?
- Ала сызықты жерінен.
5.Мадақтау:

-Балалар,сабаққа өте жақсы қатыстыңдар.Жолда жүру ережесін жақсы меңгерген сияқтысыңдар.Жолда қиналмай арғы бетке өтетіндеріңе сенімдімін.Сабағымыз аяқталды.