«Жол ережелерін білейік, аман-есен жүрейік».

Білім беру саласы: «Таным», «Шығармашылық».
Білім бөлімі: Қоршаған ортамен таныстыру.
Тақырыбы: Жол тәртібін білейік , аман есен жүрейік.

Мақсаты: Жаяу жүргіншілердің, жолаушылардың және жүргізушілердің жол ережесін нақты білу керектігі туралы балалардың білімдерін бекіте отырып, көшедегі тәртіп ережесін қатаң сақтауға, жолда зейінді болу дағдыларын бойларына сіңіру.

Ұйымдастырылған оқу іс - әрекеті.
Мотивациялық қозғаушы.

Шаттық шеңбері.
Жалғайтын достастырып бар елменен,
Жолдардан тұрады ғой әлем деген.
Бүгінгі бізге келген қонақтарға,
Ойынымымызды бастаймыз сәлемменен.
- Балалар бүгінгі оқу іс - әрекетімізде біз жол ережелері жайында сөз ететін боламыз.

Ережені сақтаймыз,
Аялдамада тоқтаймыз.
Бағдаршамда сақтықпен,
Жасыл жанса айдаймыз.
Сары жанса дайындалып,
Қызыл жанса тоқтаймыз.

Балалар бізге жүру үшін өткінші жолды өту керек. Балалар жолдың қай жерінен өтуге болады?
- Жаяу жүргіншілер өтетін жолдан жүруге болады.
- Мен ешқандай жаяу жүргіншілер жолын көріп тұрған жоқпын, оны өзіміз жасап алайықшы.
- Кім біледі? Жаяу жүргіншілер жолын қалай ажыратуға болады?
- Ақ жолақ.
Балалар ақ жолақтарды алып, ала жол жасайды. Бұл жерде жаяу жүргіншілердің жолы бар екендігін білу үшін белгі орнатамыз.
Бұл жерде көптеген белгілер бар, маған керектісін таңдауға көмектесіңдер!

Балалар Жол қозғалыс ережесі кімдерге қажет? (Адамдарға керек).
- Неліктен бағдаршамда жол оқиғалары болмайды?
- Олар жол қозғалыс ережелерін сақтайды.
Олай болса біз жолда жүру ережесін қаншалықты білетінізмізді тексеру үшін бірнеше қиын тапсырмаларды орындау қажет болады.

Балалар сендер дайынсыңдарма? (Иә)

Тапсырмалар:
1. «Көлік түрлерін ажырат»
а) осы көлік түрлерін ажыратып, оны атап, қайда жүретінін айту.
ә) бұл суретте қандай көлік түрлері жетіспейді?
- Жарайсыңдар балалар алғашқы тарсыманы сәтті орындадыңдар.

2 - тапсырма «Керекті белгіні таңда!»
Белгілерді көрсету, балалар оларды атайды, керегін таңдайды.
Енді міне алға батылдықпен жүруге болады..

Сергіту жаттығуы.
Балалар музыка ырғағымен қимылдар жасайды.
Бағдаршам туралы көңілді ән қосылады.
- Енді айтыңдаршы, бағдаршамның әр белгісі нені білдіреді?
Қызыл - тоқта
Сары - күт
Жасыл - жур

Ойын. Бағдаршамды бақылайық.

Балалар көліктермен жаяу жүргіншілердің жолынан бағдаршам арқылы өтеді. Бағдаршамның түсі ауысқанда көліктер тоқтап адамдар жүреді.

Экраннан видио шығады балалар соны көреді.

- Рефлексивтік түзету. Қорытынды сұрақтар қою.
- Сендерге тапсырмалар ұнады ма?
- Жолдан өтерде қайда қарап өтуіміз керек?
- Адамдар қандай жолдан өтуге болады?
Күтілетін нәтиже.
Қайталайды: қызыл - тоқта, сары – күт, жасыл – жур.
Түсінеді: жол ережесінде белгіленген суреттердің нені білдіретінін: көше тәртібін бұзудың қайғылы жағдайға ұшырататынын.
Қолданады: жолда абай болуды, жан - жаққа зейін қоюды, сақтануды

Бекітілді «___»___________2024ж

МКҚК «Болашақ» бөбекжаиының «Болашақ» бөбекжайының

меңгерушісі__________Уызбай А.В.

Тақырыбы:

«Жол ережелерін білейік,

есен жүрейік».

«Көгершін» тобы.

Тәрбиеші: Мусина Б.А.