| №1 технологиялық карта Тақырыбы: Жиын. Бір – көп. Заттарды ортақ қасиетіне қарай топтарға біріктіру. Мақсаты: а) балаларды заттар тобының (жиынның) ортақ белгілерін тауып, заттарды белгілі бір қасиетіне қарай «үлкен», «кіші» деген топтарға біріктіре алуға үйрету; бір жеке затты тауып көрсету; бір элементтен тұратын жиын туралы түсінік қалыптастыру; «бір» және «бернеше» («көп») терминдерін енгізу; ә) дәптерде берілген тапсырмалармен жұмыс істеу қабілетін арттыру; балалардың зейіні мен талқылау қабілетін дамыту; б) үлкендер еңбегін бағалауға тәрбиелеу;
|
| Мотивациялық - қозғаушылық | «Анамызға дастархан жаюға көмектесейін» ойыны. Себетке жазық немесе көлемді материалдар салып әкелеміз (жемістер, көкөністер, тәтті тағамдар, қарбыз). Балаларға ойын ойнауды ұсынамыз. -Анамызға себеттегі заттарды шығарып, оларды топтастыруға көмектесейік. Бәріміз бірге орындайық. Балалар, сендер қандай ұсыныстар айтар едіңдер? Жиынды ішкі жиындарға бөлуге көмектеседі: көкністер, жемістер, тәтті тағамдар, қарбыз. -Біздің қолымызда неше жеміс бар? Олар көп пе әлде бірнешеу ме? -Көкөніс, тәтті тағамдар нешеу екен? -Қарбыз туралы не айтуға болады? Қарбыз нешеу екен? Педагог балаларға жаңа дәптерді қарап шығуды ұсынады. Екі бетке орналасқан сабақ тапсырмаларымен таныстырады. Дәптерді қалай пайдалану керектігін үйретеді. Бірінші шартты белгімен («қоршап сыз» - ) таныстырады және балаларды тапсырманы шартты белгі бойынша «оқып шығуға» үйретеді. Ұжымдық жұмысты жалғастыру үшін 1-тапсырманы орындауды ұсынады. Балалардың қолындағы бұлшық еттерді дамыту үшін сергіту сәтін өткізеді. Балалар төмендегі жаттығуларды | Балалар ойынға құлшына кіріседі.
Заттарды көкөніс, жемістер, тәтті заттар деп бөлу керектігін айтады. Заттар тобын бір сөзбен айтады.
Қарбыздың қандай топқа жататынын табуға қиналады. Қарбызды бөліп қояды – олар біреу. Сөз арасында «көп» және «бірнеше» сөздерін қолданады. Оларды санына қарай бір-біріне қарама – қарсы қояды: жеміс – аз, ал қарбыз – біреу. Көкөніс көп, ал қарбыз біреу, т.б.
Дәптерді ашып, 1-тапсырманы орындайды. |
| орындауды ұсынады: 1) «Қоян» - жұдырығымыз түюлі. Содан соң сұқ саусақ пен ортақ саусағымызды шығарамыз. «Қоян» құлағын шығарады. 2) «Сақина» - жұдырығымыз түюлі. Басбармақ пен сұқ саусақтарыңда бір-біріне қосыңдар. 3) «Саусақтардың сәлемдесу» - алақанымызды жоғары көтеріп, саусақтарымызды бір-бірімен айқастырамыз. Балаларға 2-тапсырманы орындауды ұсыгып, «боя» деген шартты белгімен таныстырады. Тапсырманы жеке орындауға және алмалар мен алмұрттарды белгісіне қарай топтастыруға уақыт беріледі. Содан соң сұрақ қояды: -Әр топта неше үлкен және неше кіші алма бар екен? Балаларды сөз арасында: «бірнеше» немесе «көп», «бір» деген сөздерді қолдануға итермелейміз. Сергіту минутын өткіземіз. | Саусақтарын жаттықтыру: 2-тапсырманы орындайды, бір зат пен көп (бірнеше) затты бояйды. Заттарға: «Кішкентай алмалар мен бір үлкен алма», «Кішкентай алмұрттар мен бір үлкен алмұрт» деген атаулар береді. |
| Рефлексиялық-түзетушілік | Бүгін қандай сөздер кездестіргенін сұрайды. Балаларды «анасына көмектескені үшін» мақтайды. Олардың тақырыпты қалай түсінгенін сұрайды. «Жапсыр» деп аталатын жаңа шартты белгімен таныстырады және жапсырманы қай жерде табатынын, 3-тапсырманың сол жағына көп алма, оң жағына бір алма жапсыру керектігін түсіндіреді. Тапсырманы орындағаны үшін балаларға алғыс айтады, сабақтан кейін оқу құралдарын мұқият жинап қою керектігін түсіндіреді. | Қорытынды, ойыннан алған әсерлерімен бөліседі. 3-тапсырманы орындай отырып, жаңа тақырыпты қалай түсінгендігін айтады. Оқу құралдарын үстелдің шетіне жинап қояды. |
