«Әжемнің жіп шумақтары» (үш түсті бояумен)

2. Сурет салу

Тақырыбы

«Әжемнің жіп шумақтары» (үш түсті бояумен)

Мақсаты: Балаларды ашық түсті бояуларға деген эмоцияналды эстетикалық қатынасқа тәрбиелеу.

Ұйымдастырушылық-

ізденістік

Айсұлудың үйдегі мысығы ойнап жүріп әжесінің жіп шумақтарын тарқатып тастапты,Айсұлу сендерден сол жіп шумақтарын орауға көмек сұрай келіпті. Педагог өткенде әдемі жіптердің суретін салғандарын балалардың есіне салып өтеді.Себеттегі жіптерді балаларға таратып береді. - Алдарыңда тұрған жіптерді орап, Айсұлудың әжесіне көмектесулеріңе болады.

Д/О: «Жіптер орамы »

Шарты: Балаларға себеттегі тарқатылған жіптерді беріп орату. Жіпті орап болған балалар жіптің түсін атап, себетке салады. - Балалар, енді әже сендердің ақылды, епті екендеріңді білетін болады.

Сергіту сәті .

Бір дегенде орнымыздан тұрайық,

Қолымызға жіпті ұстап алайық,

Екі- үш рет жібімізді орайық,

Қайта барып орнымызды табайық

- Балалар, сендер Айсұлудың әжесіне жіптерін орап бердіңдер,Айсұлу сендердің суретті де жақсы салатындарыңды біледі, енді жіп орамының суретін салы берулеріңді сұрайды. Ол үшін ауада бірнеше рет жаттығу жасап көрейік. Қарындаштарын алып, бір нүктеден бастап қолды үзбей сызық сызуға жаттығады. Педагог балаларға қағаздың сол жағынан, жоғарыдан бастап ортасынан бір нүктені белгілеп, қолды үзбей дөңгелетіп, жіп орамын салу керектігін көрсете отырып,үлгіге қарап бірнеше жіп орамдарын салып, балаларға да осылай салуды ұсынады. Қиналған балаларға көмек көрсетіліп, бағыт-бағдар беріледі. Айсұлу балалардың жұмысын мадақтап,әжесі мен өзінің атынан алғысын білдіріп,себеттегі жібін әжесіне алып баратынын айтып қоштасады.

Балалардың жұмыстарын мадақтау. Көрме ұйымдастыру.