«Әжемнің сандығындағы маталар»

Тақырыбы: «Әжемнің сандығындағы маталар»

Мақсаты: матаның қасиеттері туралы түсінік беру. Қарапайым тәжірбие – зерттеу жасау дағдыларын қалыптастыру. Қоршаған ортадағы заттарға ұқыптылықпен қарауға тәрбиелеу.

Керекті құралдар: кішкентай сандық, түрлі мата қиындылары.

Мотивациялық – қозғаушылық әрекет

Тәрбиеші жұмбақ жасыру арқылы ұйымдастырылған оқу қызметіне жағымды көңіл күй орнатады.

Төрт бұрышты,

Бір ауызды (сандық)

- Дұрыс айтасыңдар

Тәрбиеші балалардан сандық туралы білетіндерін сұрайды.

- Кімнің үйінде сандық бар?

- Сандық не үшін керек?

- Сандықтың ішіне не салады?

Есік қағылып, тәрбиеші әженің сандығын алып келіп, ортаға үстелге қояды.

Балалар әже бізге өзінің сандығын беріп жіберіпті, ішінде не бар екен қараймыз ба?.

Тәрбиеші сандықты ашады.

- Бұл не балалар? (мата)

- мата не үшін керек?

- матадан нелер дайындауға болады?

Балалар біз қазір мына маталар туралы қызықты тәжірбие жасаймыз.

Тәжірбие №1

Матаны тартып қараңдаршы, балалар жан –жаққа тартады. Не болды?

Қорытынды: мата жыртылмайды, демек мата мықты, қатты.

Тәжірбие №2

Балалар, қазір біз тағы бір тәжірбие жасап көрейік. Әркім бір мата қиындысын алып, табақтағы суға батырады. Не болды? Қорытынды: мақта мата мен жібек суды тез сіңіреді.

Тәжірбие №3

Заттар неге мыжырылады? Мына маталарға қараңдаршы үтіктелген , теп- тегіс. Матаны мыжыру оңай ма екен , көріңдерші (балалар маталарды алып, мыжырып көреді). Не болды?

Қорытынды: Мақта мата, жібек пен жүн матаға қарағанда тез мыжырылады.

Балалар, біз мата туралы не білдік?

Мата қатты, мықты, суды сіңіреді, мыжырылады.

- Балалар біз бүгін нелер туралы білдік?

- Матаның қандай түрлері болады?