"Жабайы а?дар" ертегісі.

Ақтөбе облысы, Ойыл ауданы,Кемер селосы «Балдәурен» балабақшасының тәрбиешісі Жауынбаева Дина Болатқызы.

Сабақтың тақырыбы: «Жабайы аңдар».

Сабақтың мақсаты: Балаларға жабайы аңдвр туралы мағлұмат беру. Балаларды аңдармен таныстыру, олардың мекені туралы әңгімелеу . Балалардың ой-өрісін дамыту, әрбір баланың өзіндік ерекшелігін ескере отырып, жеке дара жұмыс жүргізу. Бүлдіршіндерді ұғымталдыққа, бірлесіп жұмыс істей білуге тәрбиелеу.

Сабақтың түрі: Саяхат сабақ.

Сабақтың әдісі: Сұрақ-жауап, көрнекілік, ойын, әңгімелеу.

Сабақтың көрнекілігі: Көркем суреттер, орман, жабайы аңдардың суреттері.

Сабақтың барысы:

Қуан шаттан алақай,

Қуанатын келді күн,

Қайырлы таң апайлар,

Қайырлы таң балалар.

Балалар барлығымыз күнге қолымызды созып бір-бірімізге күннен алған жылулықты таратайық.

-Балалар, бүгін бізге қонақ келді, ол қонақтың кім екенін табу үшін менсіздерге сұрақ қоямын, сол сұраққа жауап берсеңдер, қонақтың кім екенін білесіңдер.

-Жұма сайын бізге, яғни аналарымыз, апаларымыз не пісіріп тарататын еді.

-Бауырсақ.

-Сол бауырсақ адасып қалған соң, бізден көмек сұрай келіпті. Қәне көмектесеміз бе?

Қәне бәріміз онда сол бауырсақпен еріп орманға барайық.(сол кезде алдынан қоян шығады)

Қоян: бауырсақ, бауырсақ мен сені жеймін.

Бауырсақ: жемеші, жемеші мені.

Қоян: сен онда менің тапсырмамды орындап бер.

Бауырсақ: жарайды.

Қоян: сендер маған мен туралы өлең айтсаңдар мен сендерді босатамын.

-қәне бауырсаққа көмектесеміз бе?

Балалар:

Ұзын құлақ сұр қоян,

Естіп қалып сыбдырды.

Ойлы қырлы жерлермен,

Ытқып-ытқып жүгірді.

Қарап еді артына,

Қиығын сап көзінің.

Келе жатқан томпаңдап,

Көжегі екен өзінің.

Қоян: Рахмет сендерге, бара қойыңдар. (Бауырсақ әрі қарай жүре береді. Бір кезде алдынан Қасқыр шығады.)

Қасқыр: Бауырсақ, бауырсақ мен сені жеймін.

Бауырсақ: жемеші, жемеші мені қасқыр.

Қасқыр: онда менің сендерге қояр сұрағым бар, егер орындасаңыз мен сендерді босатамын.

Бауырсақ: жарайды.

Қасқыр: сендер қай мемлекетте тұрасыңдар.

Балалар: Қазақстан Республикасында.

Қасқыр: Астана қаласы туралы кім өлең біледі.

Балалар:

Астана қаласы.Отанымның төрінде,

Сарыарқаныңөрінде

Ту ұстаған Астанам,

Әсем қалам Астанам.

Қасқыр: жарайды бара қойыңдар.

(бауырсақтың алдынан аю шығады)

Аю: Бауырсақ, бауырсақ мен сені жеймін.

Бауырсақ: Жемеші мені аю.

Аю: Онда маған мен туралы бір сергіту жаттығуын жасап беріңдер. Егер орындасаңдар мен сендерді босатамын.

Бауырсақ: жарайды.

Ормандағы аюдың,

Құлпынайы көп екен.

Теріп, теріп алайық,

Қалтамызға салайық.

Аю: рахмет балалар.

(бауырсақ домалап келіп, түлкіге кездеседі)

Түлкі: ах, бауырсақ, бауырсақ мен сені жеймін.

Бауырсақ: Жемеші мені.

Түлкі: онда мен сендерге жұмбақ жасырамын, шешімін тапсаңдар мен сені босатамын.

Тауықтар қашып жасқанған,

Қулығы артық басқа аңнан. (түлкі)

Түлкі: мен туралы жұмбақ білетіңдерің мені қатты қуантты, рахмет, бара қойыңдар.

Бауырсақ: рахмет.

(бауырсақ келе жатып атасы мен әжесін де тапты)

Атасы мен әжесі бауырсақтан қалай келгенін сұрайды.

-Қәне балалар бауырсақ қалай келді? Оның алдарынан нелер кездесті?

Балалар: Қоян, қасқыр, аю, түлкі.

Қәне балалар оларға мінездеме берейікші бәріміз.

Сипаттама бергеннен кейін оларға бұлар жабайы аңдар екенін, олардың орманда мекендейтінін айтып беремін.

-Ал балалар, енді бауырсақтың көңіл-күйін кім көрсетеді?

Жылаған, қорыққан, қуанған бауырсақты бейнелеп берейікші.

-сабақты бекіту мақсатында «кубизм» стратегиясын жүргіземін.

-қандай аңдарды білесіңдер?

-қоян қандай аң?

-аңдар қайда мекендейді?

-түлкі қандай аң?

-Қоянның түсі қыста қандай болады?

-Қыс бойы аю қайда болады?

-Жыртқыш аң қалай аталады?

Бүгінгі оқу іс-әрекетінде жақсы қатысқан балаларды мадақтау, бағалау.

Біздің топта ұл-қыздар,

Тату-тәтті ойнаймыз.

Әлемдегі бар адамға,

Тек жақсылық ойлаймыз,

Сау болыңыздар балалар.