Забор вокруг юрты

Тема: Тирмә тирәләй ҡойма төҙөйбөҙ.

Маҡсат: балаларҙы ҡойма төҙөү ысулдары һәм төҙөлөш

материалдарын төрлө деталдәрен төҙөү мөмкинселектәре менән таныштырыу;

балаларҙы кирбестәрҙе бер-береһенә терәтеп бер рәткә урынлаштырырға өйрәтеүҙе дауам итеү;

кескәйҙәрҙе үҙҙәренең төҙөгән ҡоролмаларын өлгө менән сағыштырырға өйрәтеү;

төҫтәрҙе дөрөҫ әйтеү күнекмәләрен үҫтереү;

төҙөү эшмәкәрлегенә ҡыҙыҡһыныу уятыу.

Һүҙлек эше: ҡойма, төҙөйөм, кирбесте кирбескә терәтеп ҡуй, тигеҙ төҙө.

Йыһазландырыу: төп төҫтәге кирбестәр, ярымкирбестәр, ҡойма өлгөһө, уйынсыҡтар: ҡуян, үгеҙ, ат.

Дәрес барышы.

• Балалар, әйҙәгеҙ үҙебеҙҙең дуҫтарыбыҙ Ҡуян, Үгеҙ, Атҡа ҡунаҡҡа барайыҡ. Беҙҙең алда оҙон юл. Поезда барабыҙ. (Хәрәкәтле уйын “Поезд”)

Төркөмдөң бер өлөшөн үтеп, поезд дидактик өҫтәл янына туҡтай.

• Килеп тә еттек. Балалар, ҡарағыҙ әле, ниндәй матур тирмәкәй. Бында Ҡуян, Үгеҙ, Ат йәшәй. (Балалар тирмәне ҡарай).

• Балалар, әйҙәгеҙ, дуҫтарға ҡойма эшләргә ярҙам итәйек. (Кескәйҙәр дидактик өҫтәл тирәләп ултырғыстарға ултыралар).

• Һәр берегеҙҙең алдында төрлө төҫтәге кирбестәр һәм ярымкирбестәр.

• Был кирбес ниндәй? (Ҡыҙыл). Күмәк һәм айырым яуап биреү.

• Ә был ярымкирбес ниндәй төҫтә?(Йәшел).

• Дөрөҫ. (Кирбестәрҙең, ярымкирбестәрҙең төҫтәрен әйтеү, күмәк һәм айырым яуаптар).

• Бөтә төҫтәрҙе лә ҡабатланыҡ. Мин эшләгән ҡойманы ҡарағыҙ әле. (Балалар өлгөнө ҡарай). Ҡойманың кирбестәрҙән һәм ярымкирбестәрҙән төҙөлөүен аңлатыу. Бер-береһенә терәтеп дөрөҫ урынлаштырыуҙы күрһәтеү.

• Ҡыҙыл кирбесте алығыҙ ҙа уны нәҙек оҙон яғы менән ҡуйығыҙ. Ә хәҙер йәшел ярымкирбесте алып, ҡыҙыл кирбес өҫтөнә ҡуйығыҙ. Афарин! Күк кирбесте алығыҙ һәм ҡыҙыл кирбестең эргәһенә ҡуйығыҙ ҙа өҫтөнә һары кирбесте ҡуйығыҙ. (Балаларға ярҙам итеү).

• Тирмә тирәләй ҡойма эшләүҙе дауам итәбеҙ.

• Был тирмәлә кем йәшәүен беләйек. (Ҡуян йәшәүен әйтәләр).

• Ҡуян тураһында шиғыр ҙа беләбеҙ. (“Аҡ ҡуян” шиғырын бергә һөйләү).

Танышайыҡ: мин – ҡуян,

Урман эсендә оям.

Бары тик оямда ғына

Үҙемде батыр тоям.

Үгеҙ тураһында шиғырҙы бергәләшеп һөйләйек.

Үгеҙ килә, сайҡала,

Тәрән итеп уфтана.

Ох, таҡта осо,

Мин хәҙер ауам.

• Был тирмәлә нимә йәшәй? (Ат).

• Ат тураһында ла шиғыр беләбеҙ. Кем һөйләргә теләй? (Бер баланан һорау).

Топ-топ-топ итә,

Минең атым һоп итә.

Минең атым елдерә,

Бар ергә лә өлгөрә.

• Афарин, балалар! Бик татыу эшләнегеҙ. Матур ҡойма килеп сыҡты. Ә хәҙер ҡайтырға ваҡыт етте. Поездға ултырығыҙ. “Поезд” хәрәкәтле уйыны ҡабатлана.

• Һау булығыҙ, дуҫтар!