Тіл дамыу сабағы " Адамның дене мүшелері"

Бекітемін_____________ Күні_________

Тіл дамыту

Сабақтың тақырыбы: «Адамның дене мүшелері»

Сабақтың мақсаты:

1. Білімділігі: Балаларға адамның дене мүшелері туралы түсінік қалыптастыру.

2. Коррекциялығы: Балалардың сөйлеу қабілетін, пассивті сөздік қорын дамыту. Артикуляциялық моторикасының белсенділігін ынталандыру.

3. Тәрбиелігі: Балаларды бір-бірінің ойын тыңдай білуге тәрбиелеу.

Әдіс-тәсілі: Түсіндіру, көрсету, ойын, сұрақ-жауап,

Көрнекілік: суреттер

Сабақтың барысы

I. Ұйымдастыру кезеңі:

Біз балдырған тең басқан,

Дос құшағын кең ашқан.

Тілегіміз әділдік,

Ашық болсын көк аспан!

«Саусақтардың амандасуы»

Бес бармақ өзінін басқа саусақтардың атын атап амандасады.

- Сәлеметсің бе, Балаң үйрек!

- Сәлем, Ортан терек!

- Амансың ба, Шылдыр шүмек!

Қалың қалай, Кішкене бөбек!

II. Өткен сабақты пысықтау

• Қазір жылдың қай мезгілі?

• Күз мезгілінің ерекшеліктері қандай?

Тыныс алу арқылы тілді дамыту жаттығуы.

• Мұрын арқылы дем алу және шығару:

• Ауыз арқылы дем алу және шығару;

• Мұрын арқылы дем алу, жартылай жабылған ерін арқылы дем шығару:

Артикуляциялық жаттығулар арқылы тілді дамыту:

• Тіл бұлшық еттерінің тонустарының жоғарылығына және төмендігіне арналған жаттығулар.

• Серуен;

• Қоршау жаса.

III. Жаңа сабақ:

• Балалар, қалай ойлайсыңдар қандай адам бақытты?

• Иә, дұрыс, ең бақытты адам – денсаулығы мықты адам. Себебі денсаулығы мықты адамның көзі көреді, құлағы естиді, аяғы жүреді, қолы жұмыс істейді.

• Сондықтан бүгінгі сабағымыздың тақырыбы «Дене мүшелері»

• Дене мүшелеріне не жатады?

• Дене мүшелері: бас, шаш, маңдай, көз, мұрын,

• ауыз,бет,құлақ, қол, аяқ

• Сөздерді буынға бөліп ,дұрыс айтылуына назар аудару

І жақ тәуелдік жалғауды қолданып өз дене мүшелерін көрсету

• Мынау менің бас+ым

• менің көз+ім

• менің құлағ+ым

Сөздік жұмыс:

Де-не мү-ше-міз, көз, бас, құ-лақ, е-рін, а-уыз, тіс, қол, аяқ.

Сергіту сәті:

Шаршасаңдар, балалар,

Қолдарыңды созыңдар.

Саусақтармен ойнаңдар,

Қолдарыңды сермеңдер.

Денелерiң шынықсын,

Саналарың тынықсын.

V. Бекіту кезеңі: Дидактикалық ойын: «Кел, бірге үйренеміз!» ойыны

Мақсаты: Балалардың дене мүшелері туралы білімдерін кеңейту.

Шарты: Доп лақтыру арқылы сұрақтарға жауап беруге үйрету.

VI. Бағалау: Сабаққа қатысқан балаларды жеке-жеке мадақтау.

VII. Қорытынды:

• Балалар біз бүгін не жайында әңгімелестік?

• Не үйрендік?

• Не жайлы түсіндік? деген жетекші сұрақтар қою арқылы сабақты қорытындылау.