Ұйымдастырылған оқу әрекетінің технологиялық картасы.
Білім беру саласы: Білім көздері: Өзін-өзі тану Тақырыбы:.Жақсылық-отбасынан басталады.
Мақсаты: Инабаттылық,қайырымдылық,сыйластық құндылықтары туралы түсініктерін кеңейту. «өзара достық», «жақсылық» ұғымдары туралы түсінік беру.
Көрнекі құралдар:дәптер,суреттер;
Тәрбиешінің іс-әрекеті
Ынталандыру.
Сезімді ояту
Ізденістер.
Ұйымдастыру
Шаттық шеңбері
Амансың ба,Алтын күн!
Амансың ба,Жер ана!
Амансың ба,Достарым!
Сендерді көрсем қуанам.
«Жақсылық» деген сөзді қалай түсінесіңдер? Біреуге жақсылық жасасаң өзіңе жақсылық болып келеді.
Әңгімелесу.
«Құстың ұясы»
Ы.Алтынсарин.
Балалар ойнап жүріп,бір ағаштың ішінен құстың ұясын көрді.Бұл ұяның ішінде екі балапан отыр екен.Балалар алып,үйіне әкелді.Әкесі баласына: - Бұл балапанды ұядан неге алдың?Шешесіз балапандар тұра алмайды,балапансыз шешесі қайғырады,далада құр өліп қалады ғой,-деді.Балалар балапанды аяп,ұясына апарып қойды.
Жақсылыққа-жақсылық деген осы да!
-Балалардың бойынан қандай қасиеттерді байқауға болады?
-«Жақсылыққа-жақсылық»деген нақыл сөзді қалай түсінесіңдер?
Дәйек сөз.
-Балалар,мейірімді адамның жасаған жақсылығы өзіне жақсылық болып оралады.Біреуге жақсылық жасап,әрқашан қол ұшын беріп,көмектессең,сол жақсылық өзіңе мол бақыт,қуаныш болып оралады деп үлкендер бекер айтпаған.
Сергіту сәті:
«Санайық жаңаша»
Санайық жаңаша,
Бір,екі,үш!
(санау)
Желбіре жалауша,
(қолдарын жоғары көтеріп шайқайды)
Достықта-біздің күш.
(саусақтарын біріктіріп айқастыру)
Ойын: «жақсылық жасау үшін не істеу керек?»
-Балаларға адамның,құстардың,жануарлардың,өсімдіктердің суреттерін таратып,сол суретке қарап,олармен дос болу үшін не істейтіні туралы әңгімелеп беруді ұсынады.
- Мен құстарға жақсылық жасау үшін,оған ұя жасап,жем шашып,қамқор-лық көрсетер едім.
- Мен ағашпен(гүлмен)дос болу үшін,оған су құйып,топырағ-ын қопсытар едім.
- Мен балапанмен дос болу үшін,оған жем,су берер едім.
-Осы ағаштар,құстар,балапандар,жануарлар бізге қандай жақсылық істейді?Адамдарға пайдасы мол,сондықтанда адамдар жануарлар,ағаштарды,құстарды бағып күтеді.
Тыныштық сәті.
-Балалар денелеріңді түзу ұстап,бастарыңды жоғары көтеріп,ыңғайланып отырыңдар.Көздеріңді жұмсаңдарда болады.ауаны терең жұтып,еркін тыныс алыңдар.Өздеріңнің тыныс алуларыңды бақылап,бақытқа,махаббат пен тыныштыққа толы таза,шипалы ауаның тұла бойларыңа толғанын сезініңіздер.Ал,енді көздеріңді ашсаңдар да болады.
Дәптермен жұмыс.
-Достарыңның суретін салып бояңдар.
Ғажайып сөздер.
Сабақта үйренген өнегелі сөздерді балалар айтады.
-Жақсылық ұмытылмайды.
-Жақсылық жасау жақсы адамның ісі.
-Бүгін «жақсылық» деп аталатын сөздің мағынасын түсініп,білдік.Өзіміздің қандай екенімізді,бойымызда қандай құнды қасиеттердің бар екенін білдік.Айналаңдағыларға,өзіңе қайтып оралатынына көз жеткіздік.
Жүректен-жүрекке
Балалар шеңбер бойына жиналады.Бір-біріне жымия қарап,әдемі күлкілерін сыйлап,төмендегі өлең жолдарын бірге қайталайды.
Әдеп сақтап аманда,
Әрбір адал адамға.
Жасасаң бір жақсылық,
Қайтарады саған да.
Күтілетін нәтиже:
Біледі: Досқа қалай көмек көрсете білу керектігін білді.
Игереді: Жақсылық деген ұғымды түсініп игерді.
Меңгереді: Қамқор бола білді меңгерді.
